احببته من طرف واحد👨🏻‍✈️💕

البارت الرابع عشر 14

جفلت بمكاني جان تعلي صوتها وكالت ياا عزه بعينج ريم تحجين ويا ولد لا ويامن ويا جيرانه بيت ابو بلال وصديق اخوج منكسرت عينج مخفتي ع سمعتج وع سمعن اخوج
عبدالله عبدالله تعال شوف اختك ويامن مصادقه وامير تعال الحك اختك الساقطه الله لا يوفقها خربت سمعتكم

ريم
كامت تصيحهم كلهم وتعلي صوتها حته يسمعون وفضحتني طلعت دتتسمع عليه وسمعت كولشي وبدت تفضحني عبالك كاتله ابوها وتحجي وتعلي صوتها بحقاره ونضره تشفي بعينها وابتسامه حقيره اني اني هنا متت خوف ومنقهره لان كسرت ثقه اهلي ونزلت من عينهم هي تحجي واني احط احتمالات بعقلي اكول هسه اهلي حيكرهوني وحينبذوني اني السبب اي اني صوجي انطيتج مجال لشخص حقير وكل هذا الحجي ديسمع بلال بعده ع الخط وساكت واني ناسيه حته اسده من خوفي انصدمت تجمدت بمكاني كلش انهضمت وخفت لا ابويه يسمع هل حجي بعديش هي فضحتني وبعلوا صوتها مصدكت تلزم لزمه جانت هوايه تتعارك ويايه وتكولي ام الولد وهي جانت حته متدري بيه عدي بلال وتصيحلي ام الولد انوب عرفت ب بلال وجان ابويه يدافعلي،ويكولها الها ول عبدالله بنتي عدي بيها ثقه مدنك راسي هاي مرتك تدور مشاكل اخذها وروحوا لغرفتكم لتسوي مشاكل بينك وبين اختك
وامي جان هم تكول هيج عدي ثقه بريمه
كل هل احداث مرت ببالي وخايفه ابويه يسمع وجان افز ع صوت صاخب يرعد بصوت عالي باوعت وعيوني كلها دموع وجسمي يرجف وجهي صار اصفر باوعت شفت عبدالله هجم عليه لان حشته حشه ايات عليه وتكله لك لو هاي اختي اكتلها خلاص وهي جانت مصادقه عبدالله قبل الزواج وسهرانين للصبح ع التليفون وتفتح كامره بدون حجاب ويطلعون ويطبون ولاحكتني هي وناسيه نفسها الله لا يوفقها وقبل عبدالله هم جان عدها حبيب سمعت هل شي عن طريق صديقتها بعد ما تخاربن كامن وحده تفضح ب الخ وهسه كامت تستشرف.

لزمني عبدالله وعيونه تريد تطلع من العصبيه ودمارات وجهه طلعن لزمني ملخني تملخ شعري كطعه راجديات وبوكسيات ع وجهي خمشي طك دم وجهي صار ازرك من البوكسات عبالي صرت ب ايده جيس ملاكمه وايات كل مشوفه يهدئ تحركه وتكوم تعلي صوتها وتصيح سودت وجوهنه بين المنطقه لو اختي اكطعها وهو كل ميسمع هيج يزيد بالكتل اجه امير دفعه ل عبدالله وركعه بوكس كله لك كوا...
كادر ع هاي وتكتل بيها روح ع صاحبك العار لو بيك خير وتطلع عضلاتك ع البنات وعبدالله ردله البوكس وكله اني مكرن مثلا اكتلها واطيح حضها وانعل ابو والديها الي معرفوا يربوها وتطعن بظهري ومنو صديقي واختي اليوم احركم حرك وفاككوهم مامه وبابه جتي مامه عليه سندتني ودفعت عبدالله واني حالتي حاله الدم يطلع من خشمي وارجف وشعري مكفش من التهلس الهلسه عبدالله وكالت يا مامه ليش هيج تسوين بنفسج ليش توصلين نفسج بهل حاله لو محترمه نفسج مجان انكتلتي واكسر ايده اذا مدها عليج بس هسه لو يملخج معليه اني انطيتج ثقه وانتي كسرتيها وانتي تحملي هاي نتيجت افعالج وعافتني وراحت وابويه يباوعلي بنضره عتاب وحزن وراح وره امي واميره كال ريم احسابج بعدين يمي اني اعلمج وطلع وبقت ايات ضحكت ضحكه حقيره وكالت وكعتج خوش وكعه وجنت براقش ع نفسها يلا جاووو وطبكت الباب وقفلتها لان عبدالله كلها هيج قفليها باوعت لكيت غرفتي فارغه مالي احد بهل دنيه اباوع ع الغرفه وابجي وارجف واشهك واناشغ اريد موبايلي ادك ع مريم اختي تجي تواسيني اريدها تحميني تدافعلي انوب اخذو تليفوني وهمزين بي رمز ميكدر يفتحه ولو هي هم حايره ب عائلتها وزوجها حسيت نفسي يتيمه ومالي احد حته الي احبه وحسيته سندي وكولشي اليه ماكو يمكن انسحب مكال اريدها وكمت املخ بنفسي واعيط وابجي،بعلوا صوتي امدايه اني وصلت نفسي لهيج مرحله لحد م حسبت اغمه عليه

فتحت عيوني لكيت اختي مريم فوك راسي تقره قرأن ودق بنتها لازم ايدي وتكلها شوكت تكعد خاله باوعت حسيت بفرح واخير جتي مريم هي تعرف بيه عدي علاقه بي بس مكتلها ع الي سواه بيه اخير مره اول مصحيت ضلت تواسيني وتكلي ختولي وسولفتلها شلون فضحتني فضيها
كال ولج ختولي هي وحده وحقيره ومسمومه من يوم يومها صديقتي جانت صديقتها تكول تنكط سم شلون اخذتوها جنه كتلها غير اخويه اخذها ولو احنه شجابنها ع هل نماذج
كتلها مريم تخيلي شاده ويايه ع اقل كلمه تسوي مشاكل واغلس واسكت واسايرها دمرتني تخيلي مرات ادخل لغرفتي الكاها تحط كريمات وتجرب الايشدوات والحمر ع ايدها وتصورهن ومن تشوفني تكول بعين صلفه دادور ع مكص عبالي يمج يلا ولي مني بلا هاي شجاوبها

وره شويه جتي امي كعدت يمنه كالت ريم اخوج تعارك ويا بلال وكال بلال لو تبقى اخر بنيه م اخذها هذا حبيبج الي انكتلتي عليه وتحملتي الاهانه وجان تطلع

اني جمدت كمت ابجي وارجف لا لا ميسويها والله يحبني حته خابرني اخير مره ويتوسل اسامحه بلال ميضحك عليه وجان افقد وتخربطت من الصدمه هذا الي حبيته هيج يكسرني هيج يخذلني ولو شترجه منه ع هاي سوايته السواهه فقدت .... يتبع

بنات صوتوا ع النجمه حته اشجع وانزلها كلها لان قصه كولش حلوه وحقيقيه ف اتمنه تدعموني بتعليقاتكم والتصويت 😘