The Heiress of Liondale

Chapter 6

MAGOS ACADEMY

Eira Ysabelle's POV

Alas tres na ng madaling araw at nakalubog pa rin ang aking katawan sa maligamgam na tubig ng bathtub. Maaga akong ginising upang makapaghanda agad para sa pagpasok at para na rin maaga kaming makaalis dito sa Liondale.

Sabi ng katulong ay nasa gitna raw ng apat na kaharian ang paaralan. Ibig sabihin, bukas ito sa lahat ng mga gustong mag-aral mula sa kaharian ng Salem, Liondale, Lignus, at Enchanta.

Mayroong isang bukod tanging paaralan na nakatayo sa loob ng kaharian ng Coler, ang natatanging katipunan ng mga taong gumagamit ng itim na mahika at ang natatanging kaharian na kumakalaban sa iba pang mga kaharian. Ang mga ito ay base sa aking ama at pati na rin sa ibang tauhan ng palasyo.

Dahil hindi ako rito nanggaling, hindi ako maaaring maniwala agad sa kanila sapagkat hindi ko naman alam ang dahilan kung bakit nila ginagawa ang mga bagay na ito. Hindi ko sila ituturing na kaaway hangga't wala silang ginagawang masama sa akin at sa mga taong mahal ko. Marahil ay mapapatunayan ko na lamang kung mabuti ba sila o masama kung makakaharap ko ang ilan sa kanilang pangkat.

Tumayo na ako para tapusin ang paliligo dahil maaaring anumang minuto ay dumating na si Clyde. Nakakahiya naman kung paghihintayin ko siya nang matagal.

Binihisan ko na ang sarili ko, at hindi ko na hinayaan pang ang mga katulong ang mag-ayos sa akin. Uniform lang naman kasi ng school ang aking susuotin at hindi gown. Isa pa, sanay na akong gawin ang mga ganitong bagay na walang hinihinging tulong mula sa iba. Lumaki ako nang hindi masyadong naaalagaan ng mga magulang at kahit mayroon kaming mga katulong sa bahay, mas pinipili kong gawin nang solo ang mga ganitong bagay.

Pumunta ako sa harap ng salamin upang alamin at makita ang itsura ko kapag suot ko ang uniform ng school na papasukan ko. A white polo and a light green tie is under an open dark green blazer. The skirt is about an inch or so above the knee, and it was the same color as the top. There is also a gold lining on the pockets of the blazer, and the gold pin carved like the logo of the academy was pinned on the upper left of the chest. It is a round logo of a winged scepter with a diamond atop. Below, I'm wearing a pair of black shoes and white knee socks. This uniform is a lot better than my old uniform. It looks like a uniform from a prestigious school.

Tumigil ako sa pag-usisa sa itsura ko nang mapansin ang kulang sa ayos ko. Kumuha ako ng isang pearl hairpin sa drawer at inilagay ito sa aking buhok. Perfect! I'm satisfied just by this look. Matapos kong pagmasdan ang aking sarili sa harap ng salamin ay binitbit ko ang shoulder bag. Naglakad ako papalapit sa pinto ngunit napatigil ako nang mahagip ng paningin ko ang pagkahulog ng isang papel mula sa likod ng portrait ni Khione.

Dali-dali ko itong nilapitan at pinulot. This might be a clue. Isinilid ko ang papel sa loob ng bag at tsaka tuluyang lumabas ng kwarto. Tsaka ko na lamang titingnan kung ano ang laman ng papel na ito. Maaari kasing naririto na si Clyde at hinihintay lamang ang aking pagdating.

Nang makababa ako ng hagdan ay nakita ko siyang nakaupo sa isang bangko. Nakapangalumbaba siya at tila mapungay pa ang mata. Marahil ay dahil sa antok at kakulangan sa tulog. Napatayo siya at halatang nagising ang diwa niya nang makita niya ako.

Like me, he is wearing an open dark green blazer with the gold logo pin on the chest. His pants are of the same color. The major difference between our uniforms is the dark gray vest covering his yellow green tie and white polo. His hair is a bit messy but it just made him look more handsome.

"Magandang umaga sa iyo, Prinsesa," pagbati niya na may kasama pang paghikab kaya natawa ako nang bahagya. Unti-unting namang kumunot ang noo niya kasabay ng pagsimangot.