سأجعل من قلبك موطني((باللهجة العراقية))

26

سبحان الله وبحمده سبحان الله العظيم عدد ماكان وعدد مايكون وعدد الحركات والسكون

تصويت بسرعه🌟

تعليق حلو على ذوقك❤

تابع حسابي✌

deerdeer220

Let's Go.......Lovers of my heart❤

في تعليقات البارت السابق طلبت مني مجموعه من اميراتي وحبيبات قلبي الجميلات بارت طويل يخص عمران ولينا وانا نفذت هذا الطلب لخاطر عيونكن الجميلة

فاروني تفاعلكم القوي واشعلو🔥 هذا البارت بالاصوات🌟 الحلوه والتعليقات الجميلة

انطلقو الى البارت🏃‍♂️🏃‍♂️🏃‍♂️

❤🥀❤🥀❤بسم الله❤🥀❤🥀❤

✒بقلمي الشاعر والكاتب:
عبدالاله عدنان

رواء: بعد ماطلعت من القاعه رحت گعدت على مسطبه بالساحه بين الاشجار ، باوعت يمنه ويسره خفت لا علاوي يلحگني ، الحمدلله الطلاب چانو ملتهين بالساحه محد منتبه عليه ، الموبايل چان مفتوح وخفت لادوس الدگم الي بالصفحه واطفيه واني ما اعرف كلمة السر وتروح تلاص عليه ولازم ارجع على علاوي يفتحلي اياه ، كمشت موبايلي وشغلت البيانات ، بعدها اتصلت من موبايل علاوي على موبايلي وخزنت رقمه بموبايلي ، بعدها فتحت تطبيق الفيس بوك بموبايلي وسجلت خروج حسابي واجيت دخلت رقم علاوي بمكان الفراغ الاول كمن تسجيل الدخول وانطيته كلمة سر غلط بعدها گلي كلمة السر غير صحيحه ، وگتله نسيت كلمة المرور بعدها گلي البحث عن الحساب دخلت رقم علاوي بعدها گلي اعاده ارسال رمز التحقق عن طريق رقم الهاتف بعدها او البريد الالكتروني اختاريت عن طريق الهاتف چان تصل رساله على موبايل علاوي بيها رمز التحقق دخلته چان يطلعولي تغير كلمة السر غيرت كلمة السر وخليت كلمة سر جديده والي هيه اسمي وتاريخ ميلادي بعد مافتح الحساب بموبايلي سجلت خروجه من موبايل علاوي ورجعت فتحته من جديد بموبايل علاوي بعدها مسحت رسالة التحقق من بين الرسأل حتى لايشوفها علاوي ، بعدها رحت ع التليغرام وسويت اضافة حساب وضفت رقم علاوي وفتحت احسابه عندي ، بعدها دگيت من موبايل علاوي على موبايلي وعفت الخط مفتوح حتى يصرف رصيد شويه ومايشك علاوي باني اخذت الموبايل من دون سبب ، بعدها قطعت الاتصال ومسحت رقمي من موبايل علاوي ومن السجل ورجعت للقاعه وانطيت علاوي الموبايل ، تفضل علاوي اسفه ع التاخير.

____ابتسمت بوجهه لا يمعوده ماصار شي باي وقت تحتاجين الموبايل بس گليلي انطيچ اياه.

رحت گعدت بمقعدي وعلاوي چان يحچي ويا محمود وكمال والولد ملتمين وديشاقون ، ضليت اباوع عليه اريد اشوفه شراح يسوي ، فتح موبايله هو ويحچي ويا الولد وگلب بيه شاف كلشي ماكو رجع ضم موبايله بجيبه.