سأجعل من قلبك موطني((باللهجة العراقية))

42_ الجزء الثاني

سبحان الله وبحمده سبحان الله العظيم عدد ماكان وعدد مايكون وعدد الحركات والسكون

❤🌹❤🌹❤بسم الله❤🌹❤🌹❤

"""""""بقلمي🖋""""""""

الشاعر والكاتب: عبدالاله عدنان

علي: أحچي رواء ترى صبري نفذ.

____خلص راح احچيلك.

يله أحچي.

____مسحت دموعي ، وبصوت حزين گتله شوف علي اني وزينب صح تراهنا عليك بس بعدين لغينا هذا الشي من دخلنا حياتك وشفنا شگد انت انسان حباب وطيب.

باوعتلها بنظرة استهزاء ، لغيتو الرهان لعد الفرحه مال بارحه شنو.

____سكتت ماعرفت شجاوبه دنگت راسي من الفشله.

بصراحه هواي سمعت حچي عنچ وعن زينب بس ماچنت اصدگ بالحچي وچنت اگول لا هذن بنات زينات ومدبات وماعدهن هيچ سوالف.

____اني اسفه.

بعصبيه كتلها ، سكتي اسفچ هذا مايفيدني بشي.

____ارجوك سامحني.

مستحيل ، انتي وزينب ضحكتو على هواي شباب واني متأكد باني مو اول شخص دخل حياتچ اكو قبلي هواي ، والله اليعلم عن شنو حاجين وشمسوين سوه.

____اهنا عصبت ما اسمحلك تجاوز عليه اني بنت مودبه ومامسويه اي شي غلط.

لاتصيحين ترى روحي واصله لخشمي وعلى لحظه ارتكب جريمه بيچ.

____اني العندي گلته تريد تسامحني ماتسامحني بقت يمك.

مستحيل اسامحج.

____لعد خلص كل شخص يروح بحال سبيله ومحد اله علاقه بالثاني ، " حاولت ابين قويه گدامه حتى يتمسك بيه".

فتحت قفل السياره يله نزلي وروحي وين ماتريدين بعد مالي علاقه بيچ.

____هنا عيوني امتلت دموع ، بهل سهوله تتخلى عني.

دموع التماسيح وكلاواتچ هاي ماتمشي عليه بعد ، يله نزلي ماريد احچي وياچن بعد لا انتي ولا زينب.

____نزلت من السياره والدموع تحرگ خدي حرگ ، باوعت عليه چان يباوع ليگدام وحتى مباوع عليه من نزلت طبگت الباب ورحت اتمشه ، چنت احس بالضياع ما اعرف شسوي.

علي: شغلت السياره وطلعت خارج الجامعه ماكان الي نفس ادخل اي محاظره ، ظليت افتر بالسيارة لحد ما اتصلت عليه هبه جان ارجع للجامعه واخذتها وياي ورحنا للبيت ، طول الفتره واحتا بالسياره حاولت ابين طبيعي حتى ماتشك بشي ، وصلنا البيت جان تفتحلنا ماما الباب دخلنا جوه ، وراحت هبه لغرفتها.

هبه: دخلت للغرفه واستغربت حنين ماكو لا هيه ولا غراضها مدري وين رايحه ، رحت للمطبخ حتى اسأل ماما ، يوم حنين وين راحت اشو ماموجوده بغرفتي.