سأجعل من قلبك موطني((باللهجة العراقية))

39

سبحان الله وبحمده سبحان الله العظيم عدد ماكان وعدد مايكون وعدد الحركات والسكون

النت انقطع البارحه باليل فماگدرت انشره للصبح  ترقبو ان شاء الله بارت اخر ينزل اليوم باليل قبل ال 12 ان شاء الله فالي يحب يشوف مقتطف منه راح انزل جزء من البارت 40 بداخل الاستوري الخاص بحسابي على الانستغرام الي تلگون اسمه وصورته بنهاية البارت

لاتنسو التصويت🌟
والتعليق الحلو😘

تابعو حسابي

deerdeer220

❤🌹❤🌹❤بسم الله❤🌹❤🌹❤

"""""""بقلمي🖋""""""""

الشاعر والكاتب: عبدالاله عدنان

علي: كمال معصب هوايه ومالومه هديل تصرفها غلط شلون هيه مخطوبه اله وتجي تگعد ويا غيره وتاكل وياهم ، كمال الله عليك لاتسويلنا فضيحه هنا ، يله تعاي وياي وخل نشوف شحيصير.

___لا علي اني شفت هواي وصار لازم ادافع عن كرامتي ، بديت امشي بتجاهم چان علي يلزمني من ذراعي اليمين.

تعال وياي وصير حباب ، سحبته بالقوه رغم عناده وگعدته على طاوله بعيده عن هديل والطلاب وظلينا ناوع عليهم، كانت الكافتريا چبيره ومتروسه طاولات وبيها هواي طلاب فهديل ما انتبهت على وجودنا.

___علي ليش هيچ تسوي.

خزرته بعيني ، ماريدك تسوي شي تتندم عليه بعدين وهديل اكيد الها سبب خلاها هيچ تتصرف ، واذا انته سويتلها مشكله هنا وانفضحت بعد طول عمرها ماتحچي وياك.

كمال: تنهدت ورجعت ظهري ليوره ع الكرسي ، وظليت اباوع عليهم ، بعد دقايق قصيره ، وگفت اسف علي ما اگدر ابقى ساكت اكثر.

___كمال گتلك ظل گاعد.

علي هاي خطيبتي اعذرني ماراح اسمع كلامك هل مره ، ظل علي گاعد حاول يقنعني بس ماگدر عفته ورحت اتمشه بتجاه هديل ، اجيت اتمشه من وراها فما انتبهت على جيتي ، من قربت اوصل يم طاولتهم انتبهو الطالبين علي وحسيتهم مثل الخافو، وگفت مقابيل طاولتهم بالنص بين هديل وبين الطلاب ، جريت نفس وحاولت ما ابين باني معصب ، السلام عليكم ، هديل ممكن تجين وياي عندي حچي وياچ.

هديل: ابتسمت بوجهه ، چنت متوقعته راح يجي يدور عليه ، كمال روح هسه ، وبعدين اني اجي وراك بس خل اكمل العصير ماراح اطول ، او اذا تريد اگعد ويانه بين ما اخلص.

كمال: مديت ايدي اليمنى ، ولزمت ايدها اليسره ، چان اجرها قوي ، يله گومي.

___بخوف گتله لحظه لحظه خل اخذ جنطتي.