سأجعل من قلبك موطني((باللهجة العراقية))

30

سبحان الله وبحمده سبحان الله العظيم عدد ماكان وعدد مايكون وعدد الحركات والسكون

تصويت بسرعه🌟

تعليق حلو على ذوقك❤

تابع حسابي✌

deerdeer220

Let's Go.......Lovers of my heart❤

❤🥀❤🥀❤بسم الله❤🥀❤🥀❤

✒بقلمي الشاعر والكاتب:
عبدالاله عدنان

زهير: بعصبيه لچ منو الچذاب.

ام زهير: يمه يوليدي تعوذ من الشيطان لاتكبر القصه.

حنين: عمه اريد اروح الاهلي ، ماراح ابقى دقيقه وياه.

___يمه بنيتي لاتكبرين القصه ، ترى انتي هم مقصره وياه ، چان المفروض غاسله ملابسه يله گاعده ع الموبايل.

اوووف عمه شصير اني مدگليلي يعني طبخ وكنس وغسل كلشي فوگاي فوگاي ، ترى اني بشر ، والي حق اتونس وارفه عن نفسي مثل كل البنات.

زهير: اني مامانعچ من الونسه اتونسي بس بعد ماتخلصين شغلچ.

حنين: بعصبيه ، اي عيني وانته متكف اردانك وتساعدني.

___زهير لا حول ولا قوة الا بالله هاي شلون بيها يربي ، لچ بابا اني موظف ودا اشتغل وساعات ابقى واگف بالصف وارجع تعبان وين يظل بيه حيل حتى اساعدچ ، وانتي لو موظفه بيها مجال ، بس انتي ماعندچ وظيفه.

اي عيرني عيرني ، شوف بما انك موظف خلينا نشتري الاكل جاهز ، ونلغي الطبخ بالبيت.

ام زهير: لا بنتي شنو نلغي الطبخ ، اصلآ الواحد اذا ماياكل بيته مايحس بطعم الاكل ابد.

حنين: زين عمه لازم تقللين الشغل عليه لو امشي هسه ل بيت اهلي.

ام زهير: گعدت بصفها ع الچربايه يمه هو البيت محد بيه بس اني وانتي وعمچ‌ وزهير وبعد ما الله ياخذ امانته راح يبقه البيت ال زهير ، واني اخذتچ الزهير حتى تساعديني بشغل البيت.

___بعيد الشر عنكم ، والله يطول بعمركم انتي وعمي ، بس اني اريدچ يعني تنطيني واجب واحد مثلآ لو اني اطبخ والمواعين عليچ ، لو انتي تطبخين والمواعين علي.

زهير: انحنيت وقربت وجهي منها وخزرتها بعيني اي ومتريدين امي تسويلچ مساچ وتدلك ظهرچ ، لچ انتي فعلآ ماتستحين شلون تتشرطين على امي.