...........البارت الثالث...
.
.................🇮🇶✍
....اسمع الكلام وارجف..وكلبي يدك بسرعه
..رجليه ماكدر اسيطر عليهه..احس الدم الي
براسي برد...وعيوني عبالك يطلعن نار...
...زين ليش انه من دون اخواتي رادوني انه ماريدن
ازوج تريد اضل بيت ابوي ولا اروح يم زلمه لا أعرفه
ولا يعرفني..من جنت اسمع سوالف نسوان السلف
يحجون على رجولتهم وشلون يعاملوهم اخاف وابتعد
من كل رجال كل الي اريده مو زلمه يكص جناحتي ماريد كلامه يمشي عليه وهو زلمه واني مره شنو الفرق
....راسي راح يطك من كثر مافكر بهل زواجه السوده
واسمع حجيهم احسه سجاجين بطني
....كلت بيني وبين نفسي لا يفريجه لا لاتقبلين كومي
وروحي بنصهم وطلعي اليبكلبج
....كمت واني حازمه ان ورا حجي الي راح احجي ماراح يزوجني حتى لو انطك مايخالف
...مسحت دموعي وتمشيت الهم مسافه قريبه
..مجيد الي جان شكله بخوف الي مايتخوف
وحواجبه ثخان وعاكدهم وهو عيونه جبيره
...صايرات حمر من كد الغضب ..
رحت الهم والكل انتبه لوجودي وعلامات تعجب
بخريطه وجهي الصايره وان اني اجي بهيج موقف واكف بنصهم...
..جمعت كلماتي وربطتهم..واني لساني مشلول مو خوف منهم بس صدمه
...
..كلت بصوت مسموع..وعالي
_ انه ماريدن ازوج ماريدن مو هاي نعيمه وغازيه
اكبر مني لعد ليش بس انه جيتوني
....كام عليه مجيد مثل الوحش ..رجعت ليورا وكملت كلامي واني دموعي تجري عبالك شلال
_ مجيد بداعة ابوي وامي لا تظلمني ماريدنه
ماريدنه محمد انه اعرف مو نجر ولله ومدلل ابو وامه
ماريدنه
...احجي وامسح بدموعي...ماحس اله! مجيد
لازمني من شعري ويحجي يم اذاني
_ فريجه حسج طالع وصايره تكفين بوجه
اخوج اعرفج كويه بس مو وياي..
...حجه ابويه بعد سكته الي طالت طول المشهد الي
صار وانه متأمله هذا سكوته راح مايخلي مجيد يزوجني لمحمد المدلل
_ فريجه تكفين بوسطنه وتعلين حسج وماتقبلين
بزواجه بالخير وخوش وليد ويعيشج بالخير
...لعد من شوكت المره الها راي وتكف تصيح
_ بيت حجي رشيد هيجيانه يصير بيه انه اعلمج
يفريجه
..وجهه كلامه لمجيد إلواكف بصفي وابتعد بأمر من ابوي
_ وليدي مجيد بلغ للجماعه الموافكه(الموافقه)
...هز رأسه مجيد وباوع عليه وكال لابويه
_ حاضر يابه هس راح اروح
..رجع باوع عليه بأستحقار وكال
_ هاي كسرة عين الج حتى بعد ما ترفعين حسج
علينه وبعده حسابج ماخلصان
...انه سمعت هيج وابويه الكاله ! صح
بنات السلف من ابوهن او اخوهن يكولولهم
شي يقبلن رأسن لان يخافن من الطك وهنه بس
يريدن للزواج حتى لو عمرها صغير
.... تريد تخلص..والبنيه ميصير ترفع حسها
ولا تحجي ولا تنطي رأيها وو وو كثير هنه
.. ماتحملت وحس غصه بكلبي اذا ماحجيتها
_ عساها بحظكم وبختكم من ضلمتوني وزوجتوني
واحد حرمه مثلي ماريده ماريده عساهه اشوفهه بناتك يا مجيد
....نطن عيونه من مكانهن وهجم عليه عبالك وحش
جرني من شعري وضربني راجدين وضل يضرب
بيه دفرات وقبض خمسته جان يضربني على وجهي
وخلاني اكع بالكاع ضل يضرب بيه راجديات
.....كمت احس غواشه على عيوني من كثر الدموع
والضرب على وجهي وماشوف بس ضباب هيج كدامي
...واسمعه يغلط ويسب عليه بكل الأنواع والتفاصيل
كام يجيب منا يحط منا واني بس اسمع صياح
...اخر شي جرني بالبيت كله من شعري وذبني بالدير
انه هنا خربت من كد الطك على راسي
...... حسيت عليه شي رطب او بال احرى مي
..فتحت عين وعين مطفيه من بوكس مجيد
واشوف امي كدامي كاعده واخواتي الي مالهن
...دور بالمشهد كله! ولا حاولن يدفعن مجيد عني
بس ضلن صافنات وامي تبجي هذا الشفته قبل
اخرب او قبل ميصير البوكس
....احاول ارفع راسي ماكدر جسمي مكسر ريكي ناشف عطشانه حاولت ارفع راسي مره ثانيه فشلت
ورجعت حطيت راسي ع مخده ودموعي تنزل
...
سمعت صوت امي وهي تبجي وتكول بصوت ناصي تخاف لا يسمعوها تحجي وياي
_ ولج يمه فريجه شوكت عليه باع وجهج
المنور صار شلون صار ليش يا يمه ليش هيجيانه
هسه عجبج من طكوج وراح يزوجونج ان سكتي وان ماسكتي انتي مزوجه
...اسمعها وابجي بحركه ليش ليش واندب نفسي
ليش ماعندت اكثر ليش ماصيحت بصوت عالي
علمود يبطلون مني
....كالت امي بصوت هادئ وناصي
_ يا يمه المره بهذا وكتنه ماتعيش ولا تصيح بالوجه
ولا ترفع حسها هيه خطار يم اهلها تجيهه خطابه
حتى لو جانت عمرها ١٠ سنين ينطوها..
_..يعني حتى لو ماقبلت وسوت سوايتج هم راح يكسرون خشمها وينطوها
.._ يمه البينه الحلوه والفاهمه والكويه مثلج تعيش
حتى اذا جان رجلهه مو صاحب كلمه لو يمشي بكلام
امه واخيته
_ مادام عنده مال وحلال تعيشين كلمه وتخلفيله
جم فريخ يصير محبس بأصبعج
....اسمع كلامها وانقهر بالزايد من كد قهري
وحسرتي مادري شحجي كلت لأمي بكلام مو مدروس
_ يمه عندج حجايه بيها خير احجيها ماعندج كومي من يمي لا يجي مجيد وابوي يشوفج ويكول دايخططن حته فريجه تنهزم
..ردت امي بصوت جهوري ...
_ مصخمت الوجه مو صوجج صوجي والله انه جايه
اعلمج واهديج يا مكمعوعه
_........
هلو شلونكم خوخات
هذا بارت والتكمله بليل ❤
( تقى العكيدي )❤في امان الله
نلتقي ليلا
أنت تقرأ
ليلة ويوم..
Чиклитالقصه من سنه 1914 تتمحور احداثها من الجده الأكبر التي عاصرت أجيال وأجيال بشخصيتها القويه التي تحكمت وصنعت ثلاث عوائل أساسها 3 اجداد ....سوف ندخل حياة كل عائله فيهم ونرى طريقة عيشهم١ في ذالك الوقت....
