ليلة ويوم..

تكمله

شفتك..وروحي تطشرت
شيلمني وانه  بهالعمر '
نص يمك ضل مني عدل "
وعلى الثاني اقره الفاتحه" الليل جاباني
الك لو انته جيت " وفززتني سنين جانت غافيه "
صورتك من زمان لسه بخيالي "
وجني هستوني شخصا شايفه
تزعل وعني تصد تنطي جفاك ابقى احبج ما اكولن
(عايفج) """
_______________________________________
 

.....الهوى..رد ريتي..وصرت اتنفسه
براحه " نفس هواهم العذيبي.. ونفس الخضار والبساتين..نزلت أتمشى بالفروع

...واني ..كل فرع والثاني..اسلم على الناس الواكفه
لان همه عرف..ارفع ايدي وابتسم الهم
لان حتى ذول الناس مشتاكلهم

....وصلت فرعنه..وتسارعت خطواتي اكثر..
واني اريد اطير واوصل الهم

......وصلت للحوش مال بيتنه....وانه اشوف امي داتخبز..وسعديه وأكفه يمها متخوصره

...شافتني امي ضلت وأكفه ومبتسمه..وسعديه
صارت بوجهي وجسمها
غطاني

...حضنتها..حيل مشتاك اله ولسوالفها...
..بعدتها عني جانت عيونه حمر ومغوركه بالدموع
وشفايفها مقدتمتها ليكدام..زعلانه

...لزمت خدودها ومسحت..دموعها

_ شبيج بويه ليش هلدموع يولي تكسر كلبي
لاتبجين بداعتي

......ضلت منزله رأسها وتلعب بأصابعها

....شبكت اصابعها بين ايدي ومشينه...
...وصلت لحد امي...

....ضليت اباوعلها..نفسها ذيج بنت ١٤ ماتغيرت
واحسها كل ماتكبر تصغر
..نفس ذيج البسمه
والعيون الحلوه
وحتى البشره الصافيه

....ضليت صافن اريد استرد روحي بشوفتها

...ذبيت...الجنطه بالكاع..وبحركه سريعه..ذبيت
نفسي عليها..ضليت حاضنها..
احسها جرعات تنطيني للحياة

.....وخرت منها...واني بعدني ماشبع منها بس الضرف
والعمر..ينحسبن...

......جانت عيونها مدمعه وبعدها مكابره تنزلهن...
....بستها من راسها واني الكلمات ماتطلع مني

_ شلونج ..يمه

.....كالت...

_ نحمده ونشكره مدام انتوا زينين اني زينه

...جانت...تكدر تكول اشياء اكثر..من نضرات عيونها
اللامعه بس اكتفت بهالجمله !

......كالت وهيه تتحرك بسرعه وتشيل الخبز..على رأسها..

_ يلا امشي اكيد هسهه انته جوعان وما اكلت

.....اتخطتنه بمسافه..ضليت صافن...
افكر..امي ليش هيج ..مبينه تعبانه وحتى استقبالها
اليه مو مثل كل مره اجي احسها تريد تتهرب
مني

....حسيت..على صوت سعديه وهيه..تحرك بأيدها
على عيوني

_ ياحلو وين صفنت
..