__________________________________
...بين مجموعه ..الشباب..
العسكريين...وبدلاتهم الرماديه الي كانت غير مضافه بأي رتبه عسكريه والي كانت تضهر ركب رجليهم وشعار الي كان مخطوط ( بالسيف والبندقية) على شكل حرف الاكس وشعار الله _ الوطن _ الملك
على جانب وتبعد سانتيميترات عن الجتف
...الشمس بعيونه واحنه كاعدين كدام ساحه تخلو
من اي بناء مجرد مساحات واسعه من
الصحراء
....جنه...هسه مخلصين تدريبات...وانطونه وقت
نريح جسمنا وناخذ نفس
....جانوا الشباب على شكل مجمعات..
وكل واحد حاط صديقه ويحجي ويا
...واني جنت لازم بطل المي بأيدي اشرب واخذ
نفس ...
..غطيت البطل..و كعدت على المسطبه ..
.....نزلت راسي واني لازم حواف(مقدمه الشي)
بأيدي واتنفس وازفره اليوم جان متعب ومرهق الى حد
...شويه بين اخذ نفس ونضرات على المكان...وراحه
اجانه الضابط
...كانت تزين جتفه النجمه الذهبيه..الي ذروة تعبي
حتى احصلها..واخليها تلمع بجتافي...
..كان بشرته الحنطاويه او مائله للبياض..
والعرك ينزل قطرات على وجهه
صوت نفسه العالي...وطوله الفارع
..خطواته المنتضمه وكفته الثابته !
اديه الي نخفت وره ضهره
ورجليه الي انفتحت ويه مستوى الضهر
...تصنع هيبه وحضور اله !
كال بصوت رجولي عالي..يرن صدا بأذانه
_ اليوم التدريب انتهى..وباجر وقت نزولكم حتى
تشوفون عوائلكم حضروا نفسكم من هسه
ومده النزول اسبوع
....جان هذا الكلام الي اريده..انزل واشوف اهلي
..والديره والسلف وهوى ذيج "
...اه يا حاتم صار سبع سنين مانسيتها ولا كدرت تنساها...
...وعدت نفسي مره ومرتين وماكدرت...
بيني وبين نفسي اكول هذا عرض صاحبي
وبعدين اكول هوه شي بيني وبين روحي ليش
أتحسس!
...كل ذيج السنين وعايش على السوالف
الي يحجيلي صالح عنها
..واتخيلها وياي صايره...كل ذيج السنين واني
كل ما امشي بالديره..اشوف بيتهم وبابهم
...على امل تطلع او اشوفها
ومتأكد ماراح تعرفني لتغير شكلي
..ست اشهر انتضرها يوم يوم وساعه ساعه...
حتى انزل علمود اشوف امي واخواني وهيه !
....اي يمكن..شوفتي الها ماجانت هوايه او حتى
كلامي وياها جان مره وحده
بس بقت يم كلبي بعد...
...كل مايجي صالح يكول دابني بالبيت وجهزت
اموري ينقبض كلبي اريد اصيح بوجهه
اكله لا تجي تحجيلي تره احبها
بس ماكدر صاحبي ووكف وياي بكل الشدد
أنت تقرأ
ليلة ويوم..
Chick-Litالقصه من سنه 1914 تتمحور احداثها من الجده الأكبر التي عاصرت أجيال وأجيال بشخصيتها القويه التي تحكمت وصنعت ثلاث عوائل أساسها 3 اجداد ....سوف ندخل حياة كل عائله فيهم ونرى طريقة عيشهم١ في ذالك الوقت....
