🕊مشروع شهيد🕊💜
وطن دمه رخيص وطاح
بي نشغه طفل
بي عاشكه نفجعت
بي ام اختنك بيها صدرها ودرعت التابوت
بي تعداد موته ، وحلم لعابات
بي جدول ضحايا وبي سراية موت
شوكت موطني تندار بيك الشمس تعميلي عين الجرح شوكت "
نتقدم بأقل شي ممكن تقديمه
وهو سوره الفاتحه)
_________________________________________
نهايه الخمسينات تقريبا 1958 او 1959
(فريجه )
....(يمه ابوي مات ) جان
صوت سعديه..وكلامها بهالجمله..جانت
صدمه بالنسبه الي
ماجنت متوقعه..ولا متخيله يجي هاليوم ابدا
..
..جان محمد..شخص بدنيتي
اول واخر عذابي بس هو مو الأساس
بالعذاب
...اي هو جان شخص بحياتي..
..وبلحضه يروح صعبه !
ان انته تعودت عليه بصوته بضحكته
بمشيته..بكل شي يسوي هو تضل طابعه
بالبال ومو بسرعه نتناسها
...بأخر فتره هو محى كل..الاخطاء
الي ارتكبها بالسابق وياي ! وصححها..
وغير نضرتي عليه
حتى وي ولده هو تغير للأحسن وبالفتره
الاخيره..هواي تأقلموا وياي وخصوصا حاتم..
وحتى ناصر..و سعديه..فهو جان يتمنى رضاها
...اتأذيت هواي..وبجيت..وصحيت..وهوست
على سنين عمري الراحت بموته!
وعافلي هم جبير فوك راسي وحمل ثكيل لازم
احسبله حساب
...واشيله هم...جانت ويه كل صرخه تطلع من عندي مو عليه على تعب عمري وسهري وحملي
وصبري عليه وعلى ولده
..ماله الحق يروح ويعوفني اواجه المسؤليه وحيدي
..اي صحيح جنت كل المسؤليه
انه شايلتها بس هسه الوضع يختلف ..
تغيرت وصار اكو شغلات انه ماكدرلها اسويها
وحيدي
...صرت افكر باجر شلون راح ازوجهم ! ويكبرون
واحطلهم بيوت
وشلون راح اواجه هاي الوحوش الي تنتضره
بس يموت حتى تستولي على املاكه
شلون راح اواجهم واكدر اكف بوجهم
..كل هاي الحسبات صارت بالي ... ماجان
بزواجي منه لو طلاكي ورجعتي ومن مات
قدم شي الي او خله حد لليصير !
..بأول الايام..تعبت هواي وأنه اشوف
ولدي..عيونهم حمر
..والقهر مبين بعيوهم
واشوف سعديه..حالتها ماتنوصف ونايمه بالفراش
وانه لا ايد ورجل
من القهر..ومابيه اشيل نفسي..وضعيتي متخربطه
والفكره بالبال واخاف لا تطلع هيه(وتكمل السبحه)
.....من راجعت حساباتي عرفت ان تفكيري صحيح
طلعت حامل ...صدمه فوك صدمه وحمل فوك
حمل ماتحملها
..وهاي النقطه انضافت..لحسابتي..
بلي بطني وشنو مصيره كم هذا كله..واذا
طلعت بنيه هاي مسؤليه وامانه ثكيله
واكول اذبه بس حرام ومرات اكول مو عيب مره بكدي تصير حامل
وارد اكول انه بنص عمري
أنت تقرأ
ليلة ويوم..
ChickLitالقصه من سنه 1914 تتمحور احداثها من الجده الأكبر التي عاصرت أجيال وأجيال بشخصيتها القويه التي تحكمت وصنعت ثلاث عوائل أساسها 3 اجداد ....سوف ندخل حياة كل عائله فيهم ونرى طريقة عيشهم١ في ذالك الوقت....
