انته البيك واضح بس عقول الناس
تريد ابچف غموض
الواضح تحلـــه
* * * *
ظل انته اعله حالك هذا حالك دوم
ضميرك بيه ملك
واعليك يتولّــه
* * * *
والبروحه جبل ميهمه من اتصير
تله وجوه رجله
من امده التلــه
* * * *
والمخلص العمر خطواته بالصعبات
ميتوسل شدد
بالصعبه تسهلّه…__________________________________
....كاعده على صخره بين الساكيه والزارع.....
...والمي الجاري..صافنه....بهل الجو الحلو الي
بده يتغير والنخل والشجر ينطن هوه بارد...اكول...اي يفريجه ...وين وداج العمر.....!
....بليله ويوم صار عندج ٣ جهال وحمل فوك حمل
وشايله همومهم...والرابع بالطريق.........شوكت ترتاحين..ويبطلون الناس من عندج ويكفون
سوالفهم تضلين انتي تعاركين ومسويتلج وهوسه
كل يوم والثاني الى متى................اشوف بنيتي سعديه جايه من صوب
بيتنه هيه ودشداشتها...وعصبتها...الي على رأسها
هيه بعدها صغيره بس من تشوفني اشد على راسي
تسوي مثلي....طولهه الحلو وشكلها الي وملامحها الصارت
مبينه...بس هيه بعدها صغيره...وشايله مسؤلية
اخوتها وكلب على كلب همه.......اسأل الله يديمهمانه سعديه ماريدها تعيش العشته اريد تشوف حياتها وماتتحمل حمل ماتكدره هيه بعدها صغيره وافكر بيها خاف تكبر ويغصبوها على الزواج وتعيش حياتها كلها تعيسه ...اي مدلي انه عشت ويا هذا العمر الطويل...وجبنه جهال...وصارت حب العشره والاحترام بيناتنا....
...هذا امر وانفرض عليه تقبلته وعشت تفاصيله
وانه راضيه بي.......اجاني صوتها الناعم
_ كوه يمه...جيت ادورلج مالكيتج كلت اكيد امي
كاعده بالبستان_ الله يكويج بنيتي اي جيت احفر المجرى للزراع..
وين اخوتج الباقين_ حاتم بالسلف يفتر.. ناصر يم الملا اليوم راح من الصبح
...جريت حسره كلتلها
_ اووف يهل ناصر شالع كلبي وج يمه لا يحجي لا
يسولف حاط ذن الكتب ويقره هسه انه اكيف يتعلم
ويصير..بس خل يحجي ويايكالت وهيه تكعد يمي وتحط ايدها على خدها والشمس بعيونها مقلصه عينها وتحجي
_ اي والله يمه مدري شبي مو هذا حاتم جنه البخت
....
شهكت واندارت عليه جنها متذكره كالت_ يمه حاتم ضرب ولد بيت ابو ناجي وهسه متعاركين
من الرأس ....والولد خطيه جوه ايده موته من الكتل.._ يبوو يحاتم بزعني من كد طلايبه بس ماروح لان بزعت خل يتحمل مشكلته واذا اجو اهل الولد يهدون
نهد هذا وينه الفاس اشيله واليصير يصير
أنت تقرأ
ليلة ويوم..
ChickLitالقصه من سنه 1914 تتمحور احداثها من الجده الأكبر التي عاصرت أجيال وأجيال بشخصيتها القويه التي تحكمت وصنعت ثلاث عوائل أساسها 3 اجداد ....سوف ندخل حياة كل عائله فيهم ونرى طريقة عيشهم١ في ذالك الوقت....