ليلة ويوم..

البارت الثلاثون(الأخير من النصف الأول)

عطشانين اجينه من الشمس '
حفاي

ماندري"
الجرف مكتول
والمحسب بجيب الري

ولا ندري"
الصحاري كبور متروسه جثث
للفي '

لكينه الدنيا سوك
حضوض""

"' والميت دفن
نفسه ورجع خطار وي
الحي'
_________________________________

(سعديه)

....جان يوم...كله...صدمات....اول شي سالفه
ريم...وبعدها..صدفة..ان حاتم اجه...
...والصدمه الثالثه ...او موقف...الي صار....وخلاني
اضوج....وانزعج ....ليش صار...
عن .. هل...شي..وليش حسيت بهالشعور ! مو مبتعده
عنه وماريده !

.....مو كلت...هذا الشي مو الي...ولا انه اله
شغيرني ! زين انه ليش داحجي على نفسي
بدون ما اتأكد من شعوري ليش !
معقوله يعني ! جواد ! شلون وشوكت
صار هيج بأي يوم !

....شكد ..ماردت..ابتعد..لكيت..نفسي..واكعه
بدون مادري.. ! دخلت روحي بمتاهه
من المشاعر والفوضى مالها...حدود

....فكرت...وفكرت..وحللت...واخطئت..نفسي
.. كلت..مجرد..وهم...مو أكثر مستحيل يصير
هذا الشي ! بس ...رغم كل عنادي ومعارضتي..للفكره
..لكيت نفسي ..بيها شي...يرغب..او يميل
او حتى يبتسم ! من يحس

...بس اني ارفضه ! وماقبل ..الجأ لكلبي
..وهو يوجهني ! لأن دائما غلط !

...ومو كلشي احنه نحسه! لازم...نصدكه
..ونأمن بي.. لأن كلشي بالدنيا تتبعه العواقب
وكل احساس واله أشخاصه...وعواقبه

.....ودأئما....احساسنا..الغلط..
يوجهنا...للهوايه...واحنى..تابعين...كل
من الأشياء الذكرتها ...

.....كاعده بيناتهم...وبين امي...الحاطه
حاتم بحضنها...والي تغير ...تغير جذري.. حتى شكله
...وشعره...متغير..صاير...عبالك...مثل الأفندي
هو وشواربه..وعيونه الحاده
...المجروره

.......ريم الي..وصلها...ناصر لبيت اهلها...
اتذكرت لحضات...شوفت حاتم
لريم...ونضرات بيناتهم...ماعرف ..احسها
جانت ممزوجه..بالدمع....واللهفه من جهة...حاتم
اما ريم

....فقط ..جانت...دموعها مغطيتها
..والأستنجاد...بنضراتها...احسها تكله...مالي
احد غيرك
ماكدر اعبر عن مشاعرهم..الحقيقه بس
من ردة فعل القويه..والأحاسيس..
الضهرت منهم همه الأثنين
كدرت..او كدرنه...اني وامي وحاتم...نحس
بيهم

....اتذكرت...ورجعت بذاكرتي لقبل
ساعه او ثنين

_______________________________

...طلعت...من..امي ...دزتني...على ناصر
علمود ريم ...و اني مقهوره
..وأردرم...على الاهل الي...يعوفون بناتها...
بالشوارع...يعني
همه ليش يولدون...اذا..ماعدهم بيت ..واب
يحمل مسؤليه

..صح احنه..ماجان عدنه اب...بالبدايه
بس امي ماعافتنه..ولا اخوتي
ولا حتى...ابونه

...على الأقل..ماجانت علينه سمعه مو زينه
احمد ربي وأشكره على هذه النعمه
..غيري ماعنده لا اب ولا ام...ولا حتى أخوان