ليلة ويوم..

تكمله البارت الثاني 💓

تكمله البارت الثاني...

...واني اطب للمطبخ الي يطل على الدير الي نام بي
..شربت مي من الرازونه ورحت نزعت عصبتي وشيلتي ذبيت عباتي وشداشتي النيليه تطلع حراره
من كد العرك .....

.....غسلت وجهي..ورجعت ذبيت شيلتي على راسي
..وطلعت الحوش امي نفس كعدتها وغازيه نايمه ع حضن امي ونعيمه
كاعده تحجي...

...رحت الهن وتربعت كلت
_ الله بالخير
..ردو اليه

_ هله فريجه هله!
وضلن يباوعون على امي بحيره نطقت نعميه وكالت
_ يمه شرايج بالسالفه

..ردت امي وهي تتنهد
_ والله يابنيتي ماعرف بعد

.....كالت الها وهي تتقرب من عدها وتلزم ايدها
_ يمه شني هيه ماتعرفين السالفه مبينه وذيج وينها
واضحه مثل عين الشمس

....ردت امي وهي تبتعد وتبعد عن حضنها غازيه الي كانت نايمه ع رجلها وصافنه

_ اكول نعيمه تكومين من يمي لا اصكج طراك انه شمعرفني غير هو الحجي بيد اخوتج وابوج

.....حجيت واني مافتهمه شني السالفه
_ يمه شني السالفه الي بيد اخوتي وابوي

...ردت امي وهي تباوعلي بأستنكار
_ خايبه فريجه جنج ماتعرفين لعد منهو
اخذ الدرب كله يتوسل احجيله

....اتذكرت على سالفه الزواجه الكشره الي اني ماريدتها حجيت بصوت عالي

_ يمه ماريدن ازوج ماريدن انه مو مال زواجه ورجال
ردت امي وهي تكول

_ فريحه صارلج نوبتين (مرتين) تزمخين بيه شبيج
وبعدين عليش ماتردين الزواجه شبيها اخرتج بيت رجلج وجهالج

...رديت واني اباوع الصفحه الثانيه
_ يمه والله متريد هلزواجه تالي ازوج ويجيبوني
ثاني يوم والله يمه تجي بعكلي( بعقلي) واشرد وافضحكم فضيحه

...شهكت امي من اثر كلامي وهي صافنه عليه
واخواتي نفس الحاله يباوعون متفاجئين

..امي لزمت راسها وهي تكول بتنهد
_ ولكم الحكولي انه هاي البنيه ماكدرلها
جسمها يحكها تريد طك ال ماعلمتج

_ رديت واني ابتعد عنها خوفا من الراح يجي
_ يمه لعد اله تنقهرين كلتلج ماريدن ازوج

..ا مي وجهت كلامها لغازيه وهي تكول
_ كومي يغازيه جيبي التوثيه كومي هاي
الصلفه ماراح تكف عني

.... اني من سمعت الحجي طكيتها ركضه للبيت
...
....واني اتنفس بسرعه وكفت شويه وماشوف اله وهيه فوكاي

_ ها يفريجه من يمتى تخافين اشو كربي ال ماعلمتج

..لزمتني من شعري واني احاول اهدهه او تعوفني
لكن هي ضخمه وكدرت تسيطر عليه
بدات تضربني بالتوثيه بكل مكان واني
ابجي واحاول افك من ايدها بس الطك انه متعوده
عليه بس الزواج ماريدنه كلت بصوت عالي

_ ماريدنه ماريدن هل زواجه الكشره هاي
..ردت امي وهيه تكف عني وكعدت على صفحه
والعرك نازل على وجها وشيلتها النازله ومطلع شعرها
كالت بصوت هدر

_ يمه منج انه ماكدرلج خل يجي مجيد واخلي يشوف جاره وياج يا صلفه يا وكحه

...... عافتني امي وكامت وغازيه راحت وراها ونعيمه بقت تباوعلي بأستهزاء وكالت وهي تحط ايد على ايد
وتحطهم على بطنها وتهز بنفسها وكالت

_ خايبه اله تنطكين ياله تنعدلين اركدي
لعد موخوش جاتج خطابه لا تضلين بايره

رديت واني اتنفس بصعوبه كمت سندت نفسي عل حايط وأبعدت خصلات شعري عن وجهي وكلتلها بصوت جامد

_ نعيمه توخرين مني لا اكوم ابتلي بيج
ردت وهي تتراجع عن نبرة صوتها المستهزءه وكالت بصوت جدي

_ يا خيه انه شحجيت غير لمصلحتج
...عافتني وراحت واني مسحت دموعي وعدلت
نفسي وكمت غسلت وجهي الي صار بس شدخات
جروح وصار ينزل منهم دم وراسي الي مورم جعلت مني صوره بشعه لكن اني مادرت بال متعوده على ضرب

....كملت غسل وجهي ورحت كعدت يم امي واخواتي
كان يوسف ومجيد وحميد كاعدين بنيتهم الخشنه واصواتهم الرجوليه القويه كان شكلهم مخيف وهمه
مبينه علامات الغضب علا وجوهم حجه مجيد

_ يابه فريجه ماتصير غير لمحمد ولو اعرف اذبحها ولا انطيها لغيره وهذا اخر كلام...

....................................
خوخات حيستمر هذا الروتين ٣ أيام
بارت الصبح وتكملته بليل وبعدها
لا اعذروني راح انقطع عنكم فتره بس
انتو ضلو حافضين القصه بأي وقت افاجئكم وانزل
___________________________

.... في امان الله ) معكم الكاتبه( تقى العكيدي )🇮🇶✍