ليلة ويوم..

البارت الخامس 💕

....منو هذا
....شلون اتعده على كاعنه
..شلون يتجرء يجي ويتحارش بفريجه
..اي بس هو حقه انه جنت مكشفه...
بس مو من شيم الزلم تباوع ع نسوان
وتستفرد بيهن
...

....كمت واني اجمع الكلمات بغضب...
اجمعها وارد اكول لا ماتكفي لهذا النذل
اخر شي جمعتهم وحيكون رد اله مرعب
..كمت وعدلت نفسي ولميت فوطتي
كتله

_ يانذل يا ماتستحي وماعندك عرض انته
شني ماعندك عرض جاي تتحارش بنات العالم
شوف اكلك توخر مني لا احط الفاس براسك واخلي دمك بطولك
واسويها وماخاف....انه اعلمك جيت تستفرد بيه
ويحلالك الجو وبعدين شلون تفوت على كاعنه.....

...اشوف هذا ماتأثر بالحجي...واكف وصافن عليه
.....كتله

_ شبيك تخورست ماتحجي لو خفت
...قبل شويه جنت تتمعشك
تقبل اختك هيج يحجون وياها
ويتعدون عليها من ها انلصمت ماتحجي

...هم نفس الشي صافن....
اكو طابوكه يمي شلتهه وجهته عليه كتله واني اصيح

_ يا ماتستحي صافن بجهرتي ياعين صلفه
وكويه يا طايح الحظ تسودنت تكرب صوبي
...شلت الطابوكه وشمرتهه عليه بقوه

...صارت براسه ونزل دم منها مسحها بدشداشته
وكال

_ لو تصيرين بنت الملك هم اخذج يبنت ابوج
....عافني وراح ركب على حصانه وباوعلي نضره
اخيره وهز راسه

....كتله بصوت يوصل لأسماعهه
_ اله اكلب عليك الدنيا....اله اخلي نهاركم ليل اله
اخليك تتوسل على هاي الدكه الناقصه يا ناقص....

....رحت البيت بسرعه واني..ادردم
...وروحي احسها طلعت بس اريد اصيح واحجي
واطيح حظ هذاك الخيال

... _ يا معندك شرف تتحارش بيه اصبرلي اشوفك نجوم الظهر

....طبيت للبيت وانه اشوف امي كاعده وحاطه بالجدريه مي وكاعده تغسل بالخضورات

...كعدت يمها واني اصيح ...بصوت امي كاعده ومانتبهه لوجودي

.._ يمه
....جفلت امي ولزمت الطاسه مال مي وذبتها على وجهي

_ يابنت الزفره على هل دكه الناقصه
......مسحت وجهي من المي ورديت واني اصيح

_ يما شبيج رحمه ع ابيج اذا انتي جنتي سرحانه انه شكو

.....لزمت كلبها...وهي تسمي
بسم لله
...
.._ يما بس كوليلي انتي منين الواحد يشغلج..منين تنداسين وترجعين تحجين مثل قبل خليج وياي..سالفتي جبيره

.._ كالت وهي ترفع اصبعها بتوعد

_ فريجو تكومين من يمي لا اضربج دفره اخليج
ترجعين ليوره

...كلتلها واني اعفص وجهي واكول
_ اهوو يمه شبيج ومو داحجي وياج يمه
راح اكتل نفسي واخلص يمه سويلفه جبيره