...فريجه ...
....بين..نقاشاتهم..الحاده واصواتهم العاليه
..كاعده اباوعلهم..ووجوهم..محتقنه...
.....والدمارت..بارزات على..جسمهم..جان
..حجي...مجيد...
_ يابه الرجال فاضحني فضحيه بالسوك صار سنه
يروح ويجي عليه رجعلي اختك
....ردله ابويه وهوه يهز برأسه
_ يابه شني انته شايفه شلون مابي خير وجايبلنه
السالفه ويركض وره ولد عمه
...كال..مجيد
_ ياب لعد انه عليش ماردت انطي سالفه مو ادري
بسوالفه المكسره بس يعني هوه صار سنه
فاضح نفسه بين العالم يعني اكيد هوه يريد خاطرها
.ويدور رضاها علمود يرجعها
....ابوي شرب الجاي وحط الكزيز بالكاع
وكال
_ هاي الناس ماتنحرز خاف هم سنه وسنتين يسوله
طلابه وذاك الوكت يا بويه احنى ماضمنين رواحنه
عايشين ميتين كله بيد ربك منهو يضل الها
ولجهالها غير ذول الجلاب يركضون وراها وينهشون
بلحمها
..جان مجيد مدنك راسه ويسمع لحجي ابوي
رفع راسه وكال
_ بويه صح حجيك بس احنه نجربه اذا ما مشه عدل
ترجع معززه مكرمه واذ كال لا والله الم مرتي وجهالي
واعوف اخوتي ذاك الوكت يتخلى على الراس
وبعدين صار سبع سنين شنهو كعدتها وهيه مره
حمره خضره (تجذب النظر) احنه خوما خلصت الدنيا
وحكمنه على الرجال بسرعه يمكن تغير وصار زلمه حوك واتعلم من غلطه
...كال ابويه
_ هذا الحجي كله مايفيد نسألهأ لان هيه هاي حياتها
احنه ماندخل بيها وهيه مره جبيره وجهالها
بطولها وكل واحد (عكله (عقله) برأسه يعرف خلاصه) هواي دخلنه بيها وحياتها نهدمت من ورانا
عوفوها براحتها
......جنت اسمع..وابجي..وأكل بروحي اكل.من القهر
...لان ابوي لحد هسه شايل همي..
..ومخلي ذنب على نفسه..
..جنت اسمع..مجيد من يكول صار سنه يروح ويجي
..ماصدكت..هوه يتنازل او اخوته يقبلون يرجعني
بس شكلهم..اكتفوا من الفلوس..وكال بعد مانريده خل يروح يرجعها
..وره شنهو جاي يرجعني وره طيحان الحظ
وصخام الليالي وره ما حاتم وناصر صاروا زلم
وسعديه على باب زواج وره ما ما ضلت عيون من البجي والتفكير شلون اعيشهم
وهو يجي على الراهي ..يريد يرجعني
...مرات افكر ..ارجع...والم اهل بيتي ...ونرتاح..بس
بعدين اكول انه اصلا ماطايقه العيشه ويا شلون اردله
...بس جهالي راح يطشرون..
وكل واحد..بمكان..وعالم..حتى من يزوجون...وتصير عدهم عائله بعدها تصير مشاكل ويطلكون من اجي اريد احجي ويا شكللهم
! أخذونا انه وابوكم مثال الكم
....اصلا يضحكوم عليه ! همه وين شافوا مره الاب والام متفاهمين واحد محترم واحد ! وحب بيناتهم
..اذا همه عاشوا حياتهم كل واحد بجهه
أنت تقرأ
ليلة ويوم..
ChickLitالقصه من سنه 1914 تتمحور احداثها من الجده الأكبر التي عاصرت أجيال وأجيال بشخصيتها القويه التي تحكمت وصنعت ثلاث عوائل أساسها 3 اجداد ....سوف ندخل حياة كل عائله فيهم ونرى طريقة عيشهم١ في ذالك الوقت....
