يوم جديد
نزلت نور من البيت ومعها شنطه مليئه بالملابس واغراضها
عم حسنين: عنك يابنتي هاتي
نور: شكرًا ياعمو اتفضل ثواني هفتح الشنطة
وضع عم حسنين الشنطة في السياره وقال: عاوزه حاجه تانيه يابنتي
نور: شكرًا ياعم حسنين تسلم
عم حسنين: خلي بالك من نفسك يابنتي ربنا يحفظك ويحميكي ويبعد عنك ولاد الحرام
نور: يارب شكرًا ياعمو
ركبت نور السيارة و استغرقت الرحلة حوالي ساعتين تقريبًا
وبعد مرور أكثر من نصف الوقت رن الهاتف ..
نور: الو ازيك يا أسيل
أسيل: ايه يا بنتي فينك أنا وصلت بقالي نص ساعة تقريبًا
نور: قدامي نص ساعه واوصل اهو ان شاء الله
أسيل: طيب انا حطيت حاجاتي في الاوضه الشقه شكلها حلو فيها اوضتين وصالة وحمامين
نور: تمام حلو انا كدا كدا مكنتش عاوزه ارجع الشقه القديمه اللي كنا فيها ف تمام كدا
أسيل: طيب تمام اسيبك بقى روحي ركزي في الطريق
.......
شادي: يا ماما هفطر امتى بقى
وفاء: لو صبر القاتل خلاص بخلص اهو
شادي بضحك: مش فاهم ياماما لازم لازم تقعدي تضبطي الاكل ليه ماهو كدا كدا هيتاكل
وفاء: العين بتاكل قبل البوء ياحبيبي
شادي: انا لو مراتي معملتليش كدا هطلقها
حسن: صباح الخير ضحكوني معاكم
وفاء: ابنك هيطلق مراتو قبل مايتجوز
علي: عين العقل يابني والله
وفاء: بتقول قول حاجه ياحبيبي
شادي: انا لو منك ياماما مسكتش ابدًا
حسن: ابدًا ياروحي بقوله بس مراتك دي تشيلها في عينك
وفاء: بحسب
شادي: جبت ورا على طول يابابا
حسن: هفهمك بعدين
وفاء: بتقولو حاجه
شادي: ابدًا ياماما جعانين بس
.........
نور: ايوه يا أسيل انا تحت اهو بس مش عارفه انهي عماره
أسيل: بصي البوابة كبيرة ولونها أسود كدا وجنبها نخلة
نور: شفتها شفتها طيب انزلي طيب
اسيل: ماشي نازله اهو
نور نزلت من العربيه ونظرت للعمارة تبدو انها جديدة ومكانها استراتيجي على مقربة منها يوجد سوبر ماركت و صيدليه
اسيل: وحشتييييني
نور تضم اسيل: وانتي كمان اكتر والله
اسيل: استني بقى انادي على عمو اللي هنا علشان يطلع حاجاتك
عمووو ابراهيم عمووو ابراهيم
ابراهيم: ايوه يابنتي
اسيل: اهي نور ياعمو اللي اجرت الشقه من حضرتك
ابراهيم بابتسامه: القمر بيطلع بالنهار والا ايه ازيك يابنتي
نور: الحمد لله كويسه حضرتك تمام؟!
ابراهيم: في خير من ربنا يابنتي نحمده .. معاكي حاجات اطلعهالك
نور: ايوه معايا شنطتين معلش هتعب حضرتك معايا
ابراهيم: ولا تعب ولا حاجه تحت امرك
يقوم ابراهيم بإنزال القائب من السيارة ويتجه الى المصعد وبرفقته أسيل
نور: هركن العربيه واحصلك
تصعد نور الى الدور الرابع وتدخل للشقة
اسيل: ايه رايك
نور: ماشاء الله جميله جدا وشكلها لسه متشطبه جديد
اسيل: ايوه يابنتي دي جاية من واحد معرفه تبع بابا بس انتي كدا هيبقى مشوار الجامعه بعيد عليكي
نور: لا بعيد ولا حاجه نص ساعه بالكتير واكون هناك المهم انك مش هتقعدي معايا اكتر من اسبوع
اسيل: لا لا انا قاعده على قلبك لا تروحي كدا ولا كدا
نور: لا ياحبيبتي انا عارفه انو عمو موفقش تقعدي الا علشاني واكيد مش هيرضى تقعدي هنا انا عارفه بيخاف عليكي ومش هيحب تقعدي في شقق مش سكن طالبات علشان كدا هو اسبوع مش هتزوديه ويلا علشان ناكل انا جعانه نروح اي مطعم ناكل فيه
اسيل: بجد هتاكلي
نور: ليه هو انا اول مره اكل
اسيل: لا اول مره تقولي انك جعانه
نور: يلا يااسيل ربنا يهديكي بس
يمر اليوم وكل يفكر في غد ماذا سيحدث واين ستاخذنا الحياة
.
.
.
يـتـبـع ..
رأيـكـم ؟ 🦋
أنت تقرأ
صدفة " مكتملة "
Nonfiksiلسيت دائما الحياة كما نختار تصبينا الصدف فتغير مجرى حياتنا لم تتوقع ابدا ان تصل حياتها الى ماوصلت اليه فأصبحت بلا امل بلا هدف بلا اهل في لحظات كل احلامها تدمرت وكان عليها ان تبني احلام جديدة لتعيش في الواقع الذي اقتحم احلامها
