عند أسيل
شيماء : يلا يا أسيل اصحي كفاية نوم
أسيل : الساعة كام يا ماما ؟
شيماء : الساعة ١١ قومي يلا
أسيل : أقوم ليه يا ماما لسه الوقت بدري وبعدين انا في اجازه يا ماما في اجازه ماصدقت اخدها علشان انام
شيماء : يعني تفضلي نايمه
أسيل : بصي يا ماما هنام اسبوع كده أسترد طاقتي وبعد كده نبقى نتفاهم
شيماء : ماشي يا ستي ماشي نامي
ثم ذهبت الى المطبخ ..
جمال : مقامتش؟
شيماء : بتقول هتاخد أسبوع نوم على ماتسترد طاقتها
جمال : أسبوع بحالو هي كلها يومين و هنلاقيها بتتنطط زي القرد قدامنا
شيماء : يلا خلينا نفطر احنا
جمال : أحمد جاي بعد يومين قال هياخد اجازه علشان الناس اللي جايين يخطبو أسيل
شيماء : انا متأكده ان الواد ده امه داعيه عليه
جمال : لا ومش اي دعوة
...
عند حسن في الشركة
سيف : اخبار الشغل معاك يا أستاذ حسن
حسن : اهو لسة في بدايته وان شاء الله خير
سيف : ها شد حيلك لسه التقيل جاي
حسن : متقلقش كله هيبقى تمام
سيف : ده عشمي بردو لو احتجت اي حاجه هتلاقيني في المكتب وأسر في المكتب اللي جنبك على طول
حسن : ربنا يحفظك
سيف : أسيبك تكمل شغلك عن اذنك
أما حسن فقد حمد الله الف مره على هذه الوظيفه فقد كان في امس الحاجه اليها ليوفر الثمن المطلوب لكلية شادي و حدث نفسه : صحيح اللي خلف ممتش نور ماشيه على خطاك خطوه خطوه واكنها بتبص عليك وتعمل زيك ربنا يحفظها ويريح قلبها ويسعدها يارب
...
عند عمرو
عمرو وهو شبه نائم : ايه يا زفت حد بيرن على حد دلوقتي
هاني : ما تصحى يا عم بقى انا زهقت
أنت تقرأ
صدفة " مكتملة "
Nonfiksiلسيت دائما الحياة كما نختار تصبينا الصدف فتغير مجرى حياتنا لم تتوقع ابدا ان تصل حياتها الى ماوصلت اليه فأصبحت بلا امل بلا هدف بلا اهل في لحظات كل احلامها تدمرت وكان عليها ان تبني احلام جديدة لتعيش في الواقع الذي اقتحم احلامها
