اندروفين

٢

جاسم طقطق باصابعينو في وش ريم....
جاسم: ي حلوو سرحان كدا وين ؟
ريم كانت بتتبسم ليهوو فجأه صرت ليهوو وشها....
جاسم: ي ستااار😂
ريم( بتكورك): انت مسطول صااح...انا لي نص ساعهه واقفهه هنا براا والشمس في نص رااسي ...لا وكمان بضرب ليك وانت تلفونك المخستك دا مره يجيني مقفول ومره م يخش معاي مع انو عارفهه دي كلها حركات منك ي فقري ....واسي جاي عامل ليها روميوو ..وبتصل من قبيل و ...
جاسم(قاطعها): هشش
ريم: هش في عينك
جاسم: الحق علي انا جااي اترمسن ليك شويهه قلتا البت سنجل وزيتها طالع
ريم: بالله انطما...النتيجهه حصل فيها شنوو اهاا ؟
ريم اول م جابت سيره النتيجهه ..جاسم ملامح وشو اتغيرت .....
جاسم : ارح العربيهه بحكي ليك هناك
ريم: جاسم..في شنو؟
جاسم: ارح بحكي ليك في العربيهه ي بت بدل واقفين في الشمس كدا

ريم وجاسم مشوو العربيهه وسكتوو مسافهه وريم اتوترت من سكوت جاسم....
جاسم: انا م نجحتا ي ريم
ريم: خلاص م مشكلهه ي ولد...يعني دي م نهايهه العالم...وانت اجتهدت وعملتا العليك ...والمره الجايهه بتنجح ان شااء الله الحياه م وقفت علي كداا ي جاسم
جاسم: اصحابي كلهم نجحو وح يتخرجوو ويشتغلوو ويرفعو راس اهلهم ..وانا شغلي جاهز ...لكن انا واحد فاشل ساي ...ابوي كان عندو حق لمن قال علي اني واحد فاشل
ريم: م تتكلم كدا ي متخلف...ابوك كلامو م صح ...انا عارفهه قدر شنو انت اجتهدت...بتتعوض السنهه الجايهه انت م تشيل هم و و ما انت براك علي فكره انا كمان م كنت بنجح طوالي علي فكره
جاسم: ههه م كلمتيني لكن ...وغالبا لو انتي م نجحتي انا متأكد انك ح تكونو السنهه كلها مكشره وبتجعري فينا ....انا زهجتا شديد ي ريم
ريم( بتوتر): ي ولد قول بسم الله ...البزهجك شنو؟؟
جاسم: انتي
ريم: نعم
جاسم: زهجتا منك شديد
ريم: م م معليش ..عشان النتيجهه كتمتها فيك وكدا م بسألك
جاسم: انتي غبيه كدا ليه؟
ريم: ح اتجاوزك بس
جاسم بقى بعاين لي ريم مسافهه وفجأه دور العربيهه وبقى ماشي سريع في الشارع ويضحك ويكورك 😂
ريم(بصوت عالي):واااي ...ي ولد انت جنييت ولا شنو ...الليله بتعمل بيناا حادث وبنموت
جاسم: موتي سااي انتي الدايرك منو 😂
ريم( بصوت عالي): ي فقور...سوق براحه يااخ
جاسم: بالمناسبه انا نجحتااا ي غبيهه
ريم( بصوت عالي): قوول والله
جاسم: والله....بس وطي حسك العالي دا شويهه اضاني اتقدت😂

ريم فرحت شديد وبقت تزغرد جووه العربيهه ..وقربت من جاسم تزغرد ليهو في اضانو وتغني سااي لغايهه م وصلو شارع النيل .....

ريم: الكوز الني...جوه الحلهه ساطه...ينقل في الكلام...بس تقول مشااطه🕺🏼
جاسم: انا م قلتا ليك انتي مسطوله...اقول ليك انا نجحتا تقومي تغني لي الكوز الني 😂
ريم:انت تعال هنا ي سغيل كذبت علي من الاول لييه ؟؟لا وكمان بتنبز فيني...انا للحظه قلتا الولد طار بالعربيه كدا داير يعمل حادث وينهي حياتي وحياتو ...الله لا جاب باقيك

جاسم صره وشوو لريم وقرب منها....
جاسم: انتي لييه انسانه جنك مشاكل وردحي ودعايه ...ونكديه كدا
ريم( بصوت عالي وبتصفق بيدينا): ااسم الله عليك انت ي ترعه الفرح ي مستنقع المرح ي براميل السعاده
جاسم: ي بت ...انطمي ..اسكتي خلاص...وبعدين تعالي هنا دا منو الولد ال كان قاعد قبيل معاكم في الكافتيريا دا ؟
ريم: انتو شفتو كيف ؟
جاسم:اول م جيت دخلت جوه الجامعهه وبالصدفهه شفتك انتي وصحبتك ومعاكم الولد دا دخلتو جوه ..عشان كدا ضربتا ليك عشان امرقك منهم
ريم: ايواا ...دا زميلنا
جاسم: زملائكم عادي بعاينو ليكم كدا!
ريم( بتوتر): كيف يعني ؟...مالو هو اسي ...عادي يعني زي اخونا وكدا
جاسم: دايراني اصدقك بعد توترك دا؟!الزول دا بعاين ليك كدا ليه؟
ريم: ي جاسم مافي شي ياخ...انت اصلا زول معقد كان سلمتا علي واحد ساي تقوم تعمل من الحبه قبه
جاسم( بصوت عالي): انا م ارتحتا ليهو ولي نظراتو ليك ...وتاني م اشوفك معاهو ولا بأي شكل فاهمه ولا اي ولد من اولاد الجامعهه ديل ...حدك معاهم السلام وبس .
ريم: انت اسي كيف عرفت كيف نظرتو لي م كويسه من خلال الثواني الجينا مارين بيها دي بس؟
جاسم( بصوت عالي) : م لانك ي استاذه م كنتي منتبهه ليهو ومع صحبتك وهو ماشي بوراكم وانا شفتو...وكلامي قلتو ليك وحذرتك وتاني م بعيدو ...ابعدي منو لا زميلي ولا بطيخ فاهمهه
ريم: م تكورك فيني
جاسم: بكورك....لمن يكون في زول قدامك مخو زنخ ومقفل لازم تكورك فيهو عشان يفهم
ريم: عان انا م دايره مشاكل معاك...وديني البيت
جاسم: ليه...قالو ليك سواقك انا
ريم( بصوت عالي): لوااايه ي جاسم لوااايه
ريم اتنرفزت شديد من كلام جاسم ...وجاسم بحب يكاويها اول م شافهاا بالمنظر دا بقى بضحك فيها...
جاسم: عايني منظرك في المرايهه عليك الله ...لو كنت عارفك بتتنفشي كدا زي ابو القنفد م كان نرفزتك كدا😂...
ريم: مستفز
جاسم: عروستي
ريم(بابتسامه خفيفه): بالله ....لو بقيت اخر زول م بعرسك...البخليني اعرس شافع شنو؟اربيك انت ولا اربي اولادي...انطم بالله
جاسم ( قرب من ريم):بالله 😂
ريم: ياخ عليك الله روق ساي م تعمل لي كدا 😂....ارح وديني لي خالتو اشتقت ليهاا شديد من يوم رحلتو الحلهه بقت مسيخهه شديد
جاسم: اي اي اصلا الحلهه بدوني مسيخه
ريم: يمسخ عيشتك ...ارح ياخ استعجل م تكرهني
جاسم: ماف زول ممسخها لي غيرك😂

ريم وجاسم اصحاب من هم وصغار وكانو ساكنين جمب بعض بس تاني اهل جاسم رحلوو بالرغم من كدا هم قريبين لبعض شديد...ابو جااسم ( رشاد) زول صعب شديد واخلاقوو ضيقهه جداا وحصلت مشاكل كتيره بينو وبين جاسم لانو ابوهو دايما بيتدخل في حياتو وبيفرض عليهو حاجات هو م عايزها وبسببو جاسم اضطر يقرا تخصص هو م راغب فيهو لانو ابو جاسم مصر انو يمسكو شغل الشركهه بتاعو وتحت ضغط امو ليهو قبل ....امو ( عفاف)طيبهه شديد وحبوبه ....عفاف وام ريم اصحاب شديد ...رشاد م كان متعمق وداخل شديد في اسره ريم حدوو معاهم السلام وبس ....جاسم عندو اخت وحده اسمها (سلمى) اصغر منو بتقرا في الجامعهه...
جاسم وريم وصلو البيت وقبل م يمشو علي الباب اختو سلمي فتحتو وجات جاريهه حضنت اخوهو وبقت تزغرد ليهو في الشارع ....
سلمي: طلعتا ذكي شديد لكن ي اخوي الحبوب😂
جاسم: من يومي ي عيون اخوك
سلمي: بالله ...لو م ريم واقفهه ليك بالمرصاد رمادك م كنت جبتو وكنت شغال كل الوقت صياعهه ساي
جاسم: اصلا البت دي لصقهه انا عايزا اتخلص منها 😂عامله لي كتمه شديد
ريم: م تخليني اقوم ادعي عليك دعوه اسي اوريك ان الله حق
جاسم: لا النبي ...خشم الحبوبات العندك دا امسكيهو عليك😂

جاسم وريم وسلمي خشو جوه وسلمت عليهم عفاف وقعدو يتونسو ويضحكو مع بعض بعد كداا قررو يحتفلو بنجاح جاسم ...
سلمى: تعالي معاي ي ريم...ارح نعمل كيك
جاسم: الليله ي احمد شرفي جاك زول
عفاف: ي ولد😂
جاسم: عليك الله ي سلمى راقبي البت دي كويس تقوم تعمل ليها حاجه كدا ولا كدا في الكيك نروح فيها كلنا ...البت دي طيره ساي
ريم: طيره!🙂الصبر جمييييل 🙂الصبر حلوو🙂
سلمى: انطم عشان م يفكوك بالشبشب😂

ريم وسلمى دخلو المطبخ وبدو يعملو في الكيك ومشغلين الاغاني بعديهو جاا جاسم وبقى بشغال فيهم لمن الدقيق الزيت اتكشح في ريم😂وبقت تكورك فيهو وهوو مبسوط وابتسامتو لاضانو عشان استفزاها😂...جاسم تلفونو ضرب وهو م كان منتبه ريم لاحظت للتلفون ونبهتو ...جاسم اول م شال تلفونو وعاين ليهو ابتسم....
يتبع....