اندروفين

١٤

ريم موجهه نظرها في الارض وخاتا يدها في خدها وبتتمايل مع الاغنيه البغنى فيها سامي ...بعد خلصت الاغنيه ريم بقت تصفق ليهو وتضحك وفي مجموعه من الناس كانت قاعده قريبه ليهم صفرو ليهوو...وهو بعاين لي ريم بس.....

ريم: قلتا لي بتعرف اغاني الحقيبه كمان 

سامي: دي ثقافه الفن يا م عندك ثقافهه 😂

ريم: ههي وتااني هيي منو القال ليك م عندي ثقافهه 

سامي: شوف البت...من قبيل عاملهه فيها خجلانه م فاضل ليك الا تحفري حفره وتحشري راسك فيها زي النعامه ...اسي قامت تردح😂

ريم( بتضحك):بس والله كدا صوتك وعزفك حلو شديد 💜والمره الفاتت حكيت لي قصهه لاترافياتا ...واضح انك بتحب الفن شديد

سامي: عموما دي حاجات بلقى فيها راحتي ..بحب الرسم كمان والكتابهه بشوف الحاجات دي ممكن تخلي الزول يعبر عن شخصيتو ...وخصوصا الاشخاص الهادئيين او الانطوائيين (يجماعه البنات البكونو مرتبطين بكتاب ولا رسامين ديل محظوظات شديد💜)

ريم: عايز تقنعني انك هادي يعني اسي؟😂

سامي: لالا شادي 

ريم: ي ربببي😂

سامي: انا اكتشفت انو العزف والحاجات دي م راحتي ...راحتي حاجهه تانيه 

ريم: شنو ؟؟

سامي: انتي ليه انسانه حشريه ...وفضوليه كدا...قومي ارح نمشي ...الوقت اتأخر اسي تلقي ابوك وامك واقفين ليك بره في الظلط 😂

ريم: بسببك الليله بطردوني برا البلد زاتو مش البيت وبس😂

سامي حاسب خالتو...طلع هو وريم وركبو العربيهه ...طول الطريق سامي كان بغني في نفس الاغنيه....

ريم: انت علقتا ولا شنو ي اخينا !

سامي: انا مش قلتا ليك انتي اصلا م عندك ذره احترام للفن بتاعي 

ريم: يعلم الله نحنا عندنا ذره الاحترام والتقدير للفن بس الفن بتاع ناس دبي ناس سواطه ..ودهب امك وشركاتك وعرباتك😂

سامي: عواليق انتي😂

ريم: صحي بمناسبهه دبي دي مش مفروض جاسم يكون وصل ؟!

سامي: ايوا بكون وصل...بس اسي بكون مشغول شويهه كدا وتعبان...ممكن نتصل ليهو بعدين ونشوفو 

ريم: بكون وصل كيف...اسي بكون تعبان نسانا زاتو ...بكون اتخمد ونام زمان...اصلا هو كدا من زمان النوم دا م بفرط فيهو عامل زي الدب بس 

سامي: انتي اشتقتي ليهو للدرجه دي!

ريم(بتضحك): استفغر الله ي ولد اشتاق ليهو شنو...انا حرفيا م صدقتا اتخلصت من خلقتو وح ارتاح منو شويه