اندروفين

٩

جاسم طلع غرفتو وكان زهجان شديد من كلام ابوهو والتلميحات البقول فيها ....بقى بفكر في الكلام القالتو ليهو ريم عن شيماء ومعتز والحصل...هو عارف انو معتز بكون عامل مصيبه بس حابي انو يتأكد ويضمن اول انو شيماء م ح تتأذى بسبب الموضوع...شال تلفونو واتصل علي سامي....

جاسم: ي ماان ....معتز جا تاني الشركهه ولا لا؟؟

سامي: ولا عتبها زاتو...ريم قالت ليك شنو؟

جاسم: ريم م سمعت حاجهه...بس قالت لي انو ردت فعل معتز كانت عنيفهه وشيماء كانت بتبكي وواضح انها متوتره كانت....تفتكر كدا ح يكون عامل شنو معتز؟!

سامي: والله ي صحبي انا م داير الف شمال...لكن مدام الشغلهه داخل فيها معتز لازم تلف شمال

جاسم: ح يكون لعب علي البت الله يستر...طيب نحنا لازم نتكلم معاها

سامي: ح تتحرج مننا اكيد وم ح تقدر تقول لينا حاجهه عشان نساعدها

جاسم: اخلي ريم تجي تتكلم معاها ولا كيف؟

سامي: م ح ترتاح ليها...ومعتز ح يكون هددها اسي بعد الموقف الحصل دا انها م تفتح خشمها بكلمهه لزول...بعدين ياخ كدي اتكلم بمنطق اوعك تخت ريم قصاد معتز دا انت م عارفو مجنون قدر شنو؟

جاسم: آه معاك حق

سامي: شكلك تعبان...او في حاجهه حاصله ليك

جاسم: ابوي كالعاده

سامي: طبعا هو جا بعد طلعتا انت وريم شويهه ..اول م عرف انك طلعتا مع ريم بدا يتعصب

جاسم: طبيعي بتعصب من اي بعملها...يلاا م عليناا

سامي: انت وريم مشيتو وين؟

جاسم: بيتنا...شغلتك شنو انت

سامي: انت بتحب البت دي ولا شنو مان؟

جاسم: ريم اختي ي متخلف...م بفكر فيها كدا

سامي(باستهتار): باين باين

جاسم: كدا انت خلينا من ريم اسي...جاسمن وسميه وفيفي كويسين😂

سامي: اااه والله انت قديم بشكل 😂

جاسم: ي بني آدم انت م مخلي امريكيه ولا فلبينيه ولا نوبيه ياخ انت م فاضل الا يجيبو ليك فرعونيه😂

سامي: براك بتقولها ي مان...ذنبي شنو اذا كنت جذاب 😂💜

جاسم: ديشك ياخ...اقطع وشك دا

في جهه تانيه......

ريم كانت زهجانهه وقاعده في غرفتها لانو جاسم هددها ح يمشي ويكلم ابوها عشان م يخليها تمشي😂وعرفت انو موضوعها بايظ...طلعت من غرفتها مشت علي المطبخ وعملت لي ابوها قهوهه 💜وهي بتعمل قهوهه زابطهه عديل💜في محاوله منها لاقناع ابوها عشان يخليها تمشي الرحلهه مع صحباتها ....ختت القهوه في الصينيه ومشت لابوها ومدنقره راسها ...ابوها عرفها دايره تتطلب منو حاجهه ...