اندروفين

٣٠ الجزء الثاني

في شريعهه الحب!من احيا قلبآ بعد انطفائه فهو له💜....

ريم حاسهه انو المكان غريب!فيهو حاجات غريبهه بتحصل!اتوترت شديد اول م شافت انو في رجال داخلين...شباب..ورجال كبار كمان وباين عليهم مروقين شديد...كانت بتفتش في عايده عشان تسألها عن البحصل دا!...بس م قدرت تتحمل تقعد اكتر من كدا!...جات طالعهه في واحد مسكها من يدها!وكان بسحبها عليهو وهي بدت تضرب فيهو شديد لغايهه م اتفكت منو...كانت خايفهه ومتوتره شديد...شنتطها الوقعت منها وهي بتلاوي في الولد وبتتفكا منو...خلتها وراها وطلعت سرعهه...جرت بره الحوش.. فتحت الباب الشارع...لقت عساكر شرطهه واقفين قدام الباب!وفي بكاسي كتيرهه واقفهه!ريم اطمنت اول م شافتهم شويهه....
ريم(بصوت متقطع): الحمد لله انكم جيتو...البيت دا غريب!..في ناس....

الولد المسك ريم...جا طالع برهه داير يلحقها...ولقى الشرطهه واقفهه...دخل جوهه سرعهه...وبصوت عالي بقول ليهم البوليس كبس!.....

---: اقبضو لي التافهين ديل كلهم...خشو...وانتي تعالي هنا
......................
الضابط مسك ريم من يدها شديد...وهي اتوترت زيادهه...كان موديها علي البكسي...
ريم: اسمعني...والله العظيم انا م عندي علاقهه بالكلام دا..واول مره اجي هنا...وجيت عشان شغل والله
---(بصوت حاد): اي شغل...شغل لكن...عليك الله م بتخجلو من نفسكم انتو!وسط حي يااخ!قرف يقرفكم
ريم(بتوتر):صدقني انا جيت هنا عشان شغل...في مره اسمها عايده وهي بتشتغل في شغل الخبايز ومحتاجهه ليها بنات....
---(قاطعها وبصوت عالي): اتلهي ي بت...انتي عايزه تشرحي لي!وتقنعيني انك برئيهه!اصلا البيت دا بيت مشبوه ومن زمان سكان الحي بشتكو...اركبي يلا

ريم حاولت كتير انها تتكلم مع الضابط...بس هو م كام بسمع ليها!...ركبها بالقوهه في البكس...والناس الكانو جوهه طلعوهم وركبو في باقي البكاسي...ريم كانت بتبكي ومخنوقهه شديد..وبتفتش في شنتطها وما لاقياها!...وصلو القسم...نزلوهم...ختوهم في الحراسهه...وريم بتتكلم مع اي زول بتشوفو هناك وتترجاهو عشان يديها تلفون ويخليها تتكلم مع اهلها!...الوقت اتأخر شديد!...واهلها بدو يقلقو عليها!وابوها كان هايج شديد ومتنرفز...سوزان قلقانه لانو بتتصل عليها بس تلفونها مغلق!....

---:دي شنطهه منو!
ريم(بتمتم): دي بتاعتي انا...اديني ليها عليك الله
---: لا
ريم: الله يرضي عليك اديني ليها...لازم اتكلم مع اهلي..الوقت اتأخر شديد وح يكونو قلقانين علي...عليك الله خليني اتكلم معاهم
---: ي بتي...انتي باين عليك زولهه كويسه وبت ناس...البجيبك المكان الوسخ داك شنو!
ريم(بصوت مخنوق): والله ي عمو انا م كنت بعرف عنو حاجهه...انا جيت عشان شغل وبس..وبعدين شفت المكان غريب وخفت شديد..ولمن جيت طالعه لقيت البوليس في وشي
---: طييب...هاك امسكي التلفون...اتكلمي مع اهلك ووريهم...بسرعهه

الضابط كان راجل كبير...حن علي ريم شديد...وعلي حالتها...طلع تلفونها من الشنطه واداهو ليها...
ريم: شكرا♡