اندروفين

٢٥ الجزء الثاني

وملأت روحي منك حتي لم يعد مني لروحي موضع ومكان!💜

سامي كان قاعدد مع موظفين معاهم في الشركهه...بتونسو بس هو م معاهم...ولع سيجارهه وبقى يشرب فيها وبعاين لريم من بعيد💜...
...........................
عفاف: ريم...وين سماح وسوزان ليهه م جو معاك!
ريم: م بقدرو يجو ي خالتو لانو مره عمي وبتها جو الليله من القصارف وكدا
عفاف: ايواا حمد لله ع سلامتهم...جميل انك جيتي انتي الليله حبيبتي 💜
سلمي: هي المعفنه كانت عايزا تجي..الا جرجرتها انا
عفاف(بتضحك): وانتي الليلهه مالك سمحهه كدا ي بت !
سلمي: يعني انا اصلا م سمحهه ولا شنو يعني قاصدهه انتي ي عفاف!
عفاف(بتضحك): حاشا ياخ
يقين(بتضحك): الليلهه جعفر الجواها شويهه لمتو
سلمي: يااه..دا شنو الملل دا!ليه ماف اغاني وهجيج كدا.. دي شنو العالم الكئيبه دي!...ليه اهل العروس بساط كدا!
عفاف: اهلها معظمهم في الاقاليم وم بقدرو يجو مع المطر الشديد دا
.................................

بعد نص ساعهه سمعو صوت بوري ...والناس بقت واقفهه قدام باب الصالهه...معتز وشيماء كانو وصلو...يقين وسلمي ومعاهم عفاف مشو وقفو قدام باب الصاله...وريم كانت قاعدهه بتعاين من بعيد...بقت سرحانهه فيهم...شيماء م باين عليها مبسوطهه!بالرغم من انو اليوم دا بتستناهو اي بت♡وبتكون مبسوطهه والدنياا دي م سايعاها من الفرحهه...كانت بتتبسم كمجامله بس م اكتر للناس وقدام اهلها...زعلت عليها شديد بس ماف حل غير كدا!اما معتز فدا شاطر في رسم الابتسامات المصطنعهه والخبيثهه في نفس الوقت!...الحفلهه بدت...كلهم كانو برقصو...وريم قاعدهه بعيد...جات سلمي جرتهاا...مشت وقفتتها محل الناس برقصوو...سلمي بقت تهز في كتافينها بصوره مضحكهه قدام ريم😂وريم بتضحك فيها وبدت شويهه شويه ترقص معاها...سامي يجماعهه مركز مع ريم شديد ...واقف بعيد..خاتي يدينو في جيوبو ...وبعاين ليها وبضحك💜...بعد مسافهه اتسحبت منهم ...طلعت برهه الصالهه...جا سامي لحقهاا وشايل قزازه بارد معاهو....مداها ليها...وهي اتلفت عليهو..شالتها منو وابتسمت....

سامي: مالك واقفهه بره!
ريم: ماف شي...بس خلاص عايزهه ارجع البيت وكدا
سامي(ضحكه خفيفه): زهجتي!
ريم: اااا...لا يعني م كدا...بس العرسان لو م كانو مبسوطين العرس م بكون ليهو طعم هههه
سامي(بضحك): صح ...اشربي البارد انتي اصلا خاربه الريجيم طبيعي
ريم: وووب حفظتني حفظ عديل😂
سامي: لازم ههه....ممكن اسألك سؤال !
ريم: احكي
سامي: في دفترك...ذكرتي انك م بتتمني تحبي من طرف واحد...اذا زول عايش التجربهه دي بسببك طيب!
ريم(بتتنهد): مبدئيآ كدا م بتمني زول يعيشها بسببي لانو كعبهه...شديد...انك تفضل مراقب زول بقلبك واي حاجهه فيك لكن هو م ليك!دي صعبهه ...ولا بقدر اكون معاهو وانا م عندي اتجاهو اي شي...لانو بدل اكون سعادتو...ح اكون مصدر قرف ونكد في حياتو بس

سامي وريم قعدوو مسافهه برهه وهم بتونسو..بعديها خشوو جوهه...الحفلهه انتهت..والصاله شبهه فضت...مشو باركوو للعرسان...بعد م الناس خفو منهم شويهه
شيماء: ريم!
ريم(بابتسامه): مبروك
شيماء: الله يبارك فيك