اندروفين

٣١ الجزء الثاني

وكأنك النور في ظلمتي او شيئآ من اضلعي وكأنما السماء لفظتك من ثغر غيمها...فآمطرك القدر صيبآ نافعآ لقلبي...!💜

قاعده في غرفتها قدام المرايه...صحباتها بجهزو فيها للعقد...بيتهم كان فيهو ناس بسيطين...ي دوب الجيران والاهل وكدا م كانو ناس كتار...صحباتها كانو بغنو ويرقصو ويزغردو...كانت بتبتسم ابتسامه خفيفه داسه وراها كميه من القلق والخوف م عارفه ليه! بتسأل نفسها كتير...انا ليه وافقت علي سامي! عشان انسى جاسم! ولا بس عشان شاعره بفراغ جواي وعايزه اقضي زمن واملاهو بسامي! لكن دا زواج ما لعب...وانا كدا بلعب بسامي وبأذيهو وهو م بستاهل...ح اكون انسانهه انانيه ياخ!... ولا عشان ابوي جابرني اتزوج! واذا رفضت سامي ممكن يجيب لي واحد انا م بعرفو ويكرهني عيشتي... علي الاقل انا بعرف سامي كويس... لكن دا برضو استغلال لسامي... انا ليه بعمل كدا ياخ وحاسه نفسي مشوشه شديد... اه اليحصل يحصل والكاتبو ربنا كلو لخير... صحباتها طلبو منها تقوم عشان تجهز قبل م سامي يجي... لبست عبايهه بالاوف وايد اكمامها واسعه حلوهه شديد وفيها شغل بالدهبي♡كانت محننه حنه بسيطهه ... ولبست شبط باللون الدهبي... واكسسوار دهبي بسيط برضو... خلت شعرها نازل عادي... كانت جميلهه شديد♡اول م جهزت... صحباتها زغردو ليها...سمعو زغاريد بره... وصوت رصاص... كان العقد خلص... كان في الجامع الجمبهم... طلعت بره من الغرفهه ومعاها اختها... الناس كانو بباركو ليهو... لابس جلابيه بيضااء ولافي عمه في راسو بالابيض... وخاتي شال في كتفو فيهو خطوط بالاسود♡مع نظاراتو والسكسوكهه... وطولو... كان هناي بس💜... اتلفت عاين ليها... سرح فيها مسافهه... قرب منها…خت يدينو الاتنين في راسها... باسها في راسها♡...والنسوان بزغردو...الدعوه كانت مختصره... عم ادريس حب يعقد ليهم بالاول عشان الكلامات كترت بسبب آخر مشكلهه حصلت مع ريم... كان عايز يتم الارتباط بين بتو وسامي بسرعهه وخلاص... م عملو خطوبهه... عم ادريس م كان مدي اهتمام انو يعمل لبتو زفاف... بس سامي مصر انو يعملوهو... تقريبآ كدا كلهم مبسوطين ومرتاحين لسامي♡...كانو مشغولين بالعقد ومباركات الناس... شويهه كدا بعد العصريهه الناس بدت تخف منهم... كانو قاعدين في الصالون وبتونسو... سامي قاعد جمب ريم... وبشرب في قهوه... كانو مندمجين في الونسهه...ابوهو ويقين...واهل ريم..جاسم ورغدهه...الا هو كان مركز معاها شديد وهي ساكتهه بتعاين ليهم... لاحظت انو هو بعاين ليها...اتلفت عليهو... وهزت راسها نظام مالك!... وهز راسو بنفس حركتها... بحاكي فيها... نظام بقول ليها ماف شي... نزل راسو ناحيتها....
سامي: انتي جميله شديد💜
ريم اتوترت وخجلت بعد كلامو معاها... ابتسمت ليهو ابتسامهه خفيفه... وهو ضحك فيها ضحكهه خفيفه كدا وقبل منها...
سناء: اها يخوانا العرس متين!
سامي: لسه بدري... عايز اخليها تخلص قرايتها بالاول... وكدا يعني خلاص نحنا عقدنا العرس تاني بتسهل
رغده(بابتسامه): جميل♡
.............................
بعد مسافهه كدا قام اي واحد منهم شاف ليهو شغلهه... قعد في الصالون جاسم ورغدهه مع سامي وريم....
جاسم(ضحكه خفيفه): ريم...ريم ي سامي! ياها ال كنت بتحكي عنها وما عايز توريني انو دي ريم!
سامي: اي
جاسم: ليه!!
سامي: عشان حاجهه خاصه بي انا... شايف اني اقعد احكي بيها لأي زول حتي لو كان قريب مني حركهه م زابطه
رغده(بتضحك): اووووباااا... كلام لكن
جاسم: وانا مبسوط انو طلعت ريم من نصيبك... كدا انا مطمن انو انت ح تشيل ريم فوق راسك... والله لكن ي قصيرهه غيرتي في الاهبل دا كتير هههه... كان مولع بالبنات وم عندو شغلهه غيرهم
ريم(ابتسامه خفيفه): انت كمان كدا... نسيت! م اكتفيت ببنات جامعتك وبس... ماشاء الله كنت عارف بنات الجامعات كلهم... المهم في النهايه انت ح تبني حياتك ومستقبلك مع منو...دا الاهم
جاسم: انتي صح♡