اندروفين

١٦

وحين عارضته زوجتهه حرضوه قائلين :"إرها رجولتك" ....فنهض وقبل رأسها وقال: انا معك وانتي على حق💜

ريم وشيماء وهم بتكلمو...باب المكتب فتح...كان معتز ورشاد!!شيماء اتخلعت اول م شافتهم!معتز كان واقف ورا عمو رشاد وبعاين لشيماء بغضب شديد......

رشاد(بنظرات حاده): دا شنو السمعتو دا!

معتز(بتمتم): دا كلام فارغ....دايرين تشوهو سمعتي مش كدا!!عمي انت بتصدق كلام زي دا!!انت ربيتني علي يدك انا مستحيل اعمل كدا وديل دايرين يفترو علي 

شيماء(بصوت عالي): نفتري عليك! 

معتز مشى ناحيه شيمااء ومسكها من يدها وبقى بكورك فيهاا ....وريم بقت بتحاول تبعدو عنها.....

معتز(بصوت عالي): اااي بتفترو علي....انتي انسانه وضيعه جدا يااخ!جبناك وشغلناك عندنا ...لمن تكوني محتاجهه لينا قاعدين نقصر معاك!!دا جزانا اسي!!تفتري علي بالطريقهه دي ...انتي انسانهه غبيه ولا شنو!

شيماء(بصوت عالي): انا ما شغالهه عندك انت فاهم!انا م عبده عندك...اوعك تتكلم معاي بالاسلوب دا تاني ...بتمن علي كمان!!انا م قادرهه اوصف ليك كميه القرف الشاعره بيها اسي اتجاهك!انت انسان مقرف شديد...مستعد تعمل اي حاجهه عشان مصلحتك ...انت اهم والباقيين حريقهه فيهم مش كدا!!عشان اوريك انت كيف غبي.... يا الله من غبائك افتري عليك علي حساب شرفي !!يعني انا اسي اقول الكلام دا للناس عشان اشوه سمعتك هههه طيب وانا سمعتي مشت وين!

ريم: اهدي اهدي شويه عليك الله 

شيماء( بصوت عالي): ما ح اسكت بعد دا ....كفايه الاهانه ال انا بتعرض ليها بسبب المقرف دا! ...طول الفتره ديك انا ساكتهه عشان كنت عايزاك تسترني...وانا غبيه اقسم بالله...انا وقت عايزا زول يسترني تسترني انت...انت!!

.................

اصواتهم كانت عاليه والموظفين سامعين الجوطهه بس ما فاهمين في شنو!!معتز حاول يضرب شيماء وهي هاجت في زياده رشاد مسك معتز وبعدو عنها وبقى بعاين ليهو بنظرات كلها غضب.....

رشاد(بصوت واطي): تعال وراي انت وشيماء بسرعهه 

رشاد طلع وكان متنرفز شديد...خبط الباب وراهو بقوهه....وهو ماشى علي مكتبو شافو سامي ....سامي لاحظ ليهو مضايق وما حب يتكلم معاهو... ومشى علي مكتب شيمااء....

معتز(ضاغط علي اسنانو):تفتكري بعد الحصل ح اخليك!وحياتك ي شيماء ح اطلع عينك وبتشوفي 

ريم(رافعه اصبعها في وشو): اوعك تهدد...انت قايل نفسك منو!الله يقرفك ياخ 

معتز( قرب منها وبضحك): بترفع اصبعها في وشي انا!!انتي البخليك تتكلمي مع شيماء في الموضوع دا شنو!علاقتك شنو اساسا في الموضوع دا!!رسلك جاسم صاح!وديني اخليك تندمي علي اليوم الشفتيني فيهو...لو م كنا اسي في الشركهه كنت بوريك ح اعمل شنو