اندروفين

١٨

لو كان سجني حضنك..ومعتقلي عينيك..وقيودي اضلعك..فلتسقط الحريه💜

ابو ريم جا البيت وكان باين عليهوو التعصيب شديد ..بقى بنادي عليها بصوت عالي.....

ريم: بسم الله ..مالك في شنو ي ابوي!

ادريس(بصوت حاد): الوداك شركهه اهل جاسم شنو!

ريم(بتوتر):مشيت شفت صحبتي لانو اكتشفت انها شغالهه معاهم وكدا 

ادريس:اسمعي هنا...تاني اوعك تمشي الشركه ديك فاهمهه ولا لا..صحبتك ماف مكان تاني تلاقيها فيهو غير الشركه!

سعاد: يا راجل روق شويه مالك!!الموضوع م مستاهل قدر دا! 

ادريس(بصوت عالي): م مستاهل!والله انتو م عارفين حاجهه ساي ..قبيل لاقيت رشاد لو شفتو الطريقهه الاتكلم معاي بيها م ح تقدرو تتمالكو نفسكم انا م عارف قدرت اتمالك نفسي كيف!ياخ الزول دا بقى مستفز لابعد حد 

سماح: ليه انتو مالكم!من زمان علاقتكم كويسه فجأه اتغيرتو...وانت بقيت شاني عليهو هجوم طوالي

ادريس(بنبره حاده): طلعتا انا الغلطان اسي يعني!طيب.. اسمعي هنا ي بت كراعك دي تاني م تختيها في شركتهم دي ..لا تقولي لي صحبتي لا يحزنون

ريم: طيب

عم ادريس قعد في الصالون ...لاحظ للعده بتاعت القهوه قاعدهه....

ادريس: كان معاكم ناس ولا شنو!

سماح:اي صاحب جاسم ...اتعرفنا عليهو مره لمن كنا ماشين نودع جاسم ووصلنا هو كتر خيرو..ولد مهذب ماشاء الله عليهو

ادريس: كويس طيب...سجل زياره يعني

سماح: شغال مع جاسم في الشركهه ذاتها ..ولمن شاف ريم وصلها البيت 

ادريس(بزهج): ياخ انا م عارف اعمل للبت دي شنو زاتو!م دايرها تتعلق بالناس دي كتير ...لو علي م دايرر يكون عندها علاقهه بجاسم وسلمي زاتو 

سماح: مهما كانت مشاكلك انت ورشاد م تدخلو الاولاد فيها ...صح رشاد بقى زول صعب بس اولادو ومرتو م زيو...وبعدين ريم وجاسم وسلمى اتربو مع بعض من هم صغار ..فما تدخلهم في القصهه عليك الله 

ادريس: المستغرب ليهو انو كنا كويسين..فجأه اتغير وبقى متعجرف.. ياخ قبيل وانا بتكلم معاهو حسيت بيهو زي القرفان مني !بقى زول لا يطاق ياخ ...معقولهه الزول ال كنت بقول عليهو اخوي في يوم من الايام يبقي كدا !اكلنا وشربنا واتقسمنا الحياهه دي مع بعض ..غيرتو القروش يعني!

في جهه تانيه....

قاعده في الكرسي وبتهز في رجولها ..وبتاكل في ضفرها الابهام...باين عليها متوتره شديد...اختها بتعاين ليها...