اندروفين

١٣

شيمااء بقت ماشه سرعه سرعه...ريم كانت ماشه بوراها بس م عارفه السبب البخلي شيماء تتهرب منها!وللحظه حست انها م ح تلحقها...شيماء وقعت والناس اتلمو فيها ورفعوها...جات ريم وقفت قصادها....

شيماء(بزهج): في شنو انتي ليه لاحقاني!

ريم: يعني انتي سامعاني بكورك ليك وعارفاني لاحقاك

شيماء: خلصيني دايره شنو ...انا م فاضيه ليك دايره الحق شغلي

ريم: انا بس عايزا اساعدك...عارفه انو في شي بينك وبين معتز

شيماء(بنرفزه وتوتر): في شي بيني وبين معتز!!كيف يعني!!مافي اي حاجهه بيني وبينو

ريم: لو م توترك دا كنت صدقتك

شيماء: معتز بكون مديري في الشغل ي استاذه م اكتر ....واذا قاصده شكلتو لي المره الفاتت ديك ...ف السبب انا لاني كنت مقصره في شغلي

ريم: لدرجه يلزك لمن تقعي ويكورك فيك ويهينك!ومدام هو الموضوع موضوع شغل كان تنبهيني بدل تخليني اتكلم معاهو بالطريقه ديك

شيماء( بزهج): ياخ خلصيني انتي دايره شنو؟دايراني اشكرك عشان وقفتي معاي المره الفاتت يعني...اها شكرا ليك

ريم: انا م دايره منك شكر...عايزا اساعدك لانو عارفه في شي بينك وبين معتز..وانتي م ح تقدري تحكيهو لزول

.........

شيماء تفكر في كلام ريم ...وتفكر انها تستغلها لمصلحتها في الضغط علي معتز عشان ينفذ ليها طلباتها...ولقت فعلا انو ماف احسن من ريم عشان تحكي ليها قصهه علاقتها مع معتز ...م ح تقدر تحكي لزميلاتها عشان سمعتها وعشان خايفه الموضوع ينتشر في الشركهه...وعارفه علاقهه ريم وجاسم القويه وريم ممكن تحكي لي جاسم عن الكلام ال ح تقولو ليها هي وخصوصا انو هي م ح تقدر تحكي ليهو هي ...وعارفه انو جاسم اكبر عدو لمعتز والاتنين م بطيقو بعض...ومعتز ما عايز يدي جاسم فرقهه فيهو..عشان كدا فكرت تستغلها....

شيماء(بعد سكوت طويل):اوك تعالي لي بعدين في الشركه

ريم:طيب

..................

ريم فرحت شويهه بعد م شيماء وافقت انها تحكي ليها عشان تساعدها ويمكن سامي وجاسم يقدرو يحلو المشكله وخصوصا هم م قادرين يتكلمو معاها ....ركبت مواصلات...وصلت الجامعهه..سرعه خشت علي المحاضرهه ال كان قربت تنتهي ....قعدت في البينش ونفسها قايم....تفكيرها كان في جاسم وموضوع شيماء والكلام ال ح تقولو ليها...المحاضره انتهت ..جو صحباتها قعدو معاها.....

----:شنو ي حب مركبه لينا وش الخشب من يوم الشكلهه 🌚

ريم: اسي م تمعطيني ...م عايزا اتذكر اليوم داك انا

----: الصراحهه ليك حق تكوني م عايزا تتذكريهو...بس بالجد انا م فهمت مدثر عمل ليك شنو لدرجه يقومو يتضاربو كدا هو وجاسم!