اندروفين

٢٦ الجزء الثاني

أنت َ.... الذي جئت مختلفاً لست صديقاً و لا حبيباً .... لكنك حياة .
أنتِ .... كقعطة موسيقى تضخ في وتيني 💜

جاسم قام من كرسيهوو سرعهه..ومسك ريم من يدها وجراها...كان متنرفز وزهجان شديد...ساقهاا بالقوهه...وقفوو في حوش صغيرر كدا....

ريم: دا شنو مالك انت !!
جاسم(بصوت عالي): اسكتي
ريم: اهدا ووريني في شنو!م تعلي صوتك في ناس في البيت
جاسم(بصوت عالي):انتي م بتوريني اعلي صوتي ولا لا!فاهمهه

ريم بتعاين ليهو وخايفهه شديد..رده فعلو م كانت طبيعيهه!بقت ساكتهه وصاره وشها بتعاين ليهو...ضرب الحيطهه بيدو وهي اتخلعت....قرب منها وبقي يتكلم معاها ...ويدو قريبهه لي راسها...
جاسم(بصوت حاد وواطي): انا مش قلتا ليك ابعدي من معتز! مش قلتا ليك م عندك شغلهه بموضوعو هو وشيماء!اها قلتا ولا م قلتا!

ريم ساكتهه وبتعاين لسهه لجاسم...عرفت انو معتز بكون كلموو بالحصل..وتدخلها في موضوعو هو وشيمااء....
جاسم(بصوت عالي): جاوبيني سرعهه انا مش كلمتك!
ريم(بتوتر): انا كنت بس عايزهه اساعد شيمااء
جاسم(بصوت عالي): وتساعديها ليه!!انا من الاول منعتك وقلتا ليك م تقربي من حاجهه بتخص معتز وقلتي انك م ح تتدخلي ولمن ارجع اجي القاك صايتهه الدنياا كلها وما عايزاني كمان اتكلم معاك!!ولا عشان انتي متعودهه اني افوت ليك طوالي اي كلمه بقولها ليك وانتي تضربيها في الحيط!انا لمن قلتا ليك م تتدخلي في الموضوع دا كان عشان شنو!!
ريم: عشان معتز م يختني في راسو
جاسم: ايوااا ...شااطره...بس انتي م اشتغلتي بكلامي ومشيتي عملتي ال في راسك...ومعتز فاكر اني لزيتك عشان تعرفي لي الموضوع شنو!يعني بقي يفكر فيني تفكير كعب
ريم: لكن اصلا شيماء ...شيماء بالجد كانت محتاجاني ...خلينا نفكر في الموضوع دا من ناحيه ايجابيه انا كنت ساعدتها عشان هي .....
جاسم(بصوت عالي): ريم...قفلي ياخ...م شغلتي بشيماء وغيرها في ستين...م تزهجيني ي بت
................................

سامي كان جاي عليهم يشوفهم مالهم اتاخرو...اول م وصل م لقاهم بس كان سامع صوت جاسم العالي...مش لقي جاسم بكورك مع ريم ومنفعل فيها شديد وهي متوتره...مشي عليهم بسرعهه...

سامي: جاسم...في شنو مالك ي زول صوتك ليه عالي كدا في شنو!
جاسم: سامي عليك الله م تتكلم معاي لانو انا في اللحظه دي م طايق نفسي
سامي(بصوت عالي): في شنو!!ليه بتكورك فيها كدا!
جاسم(بصوت عالي): لانها م بتسمع الكلام...راسها حجر ...ودايرهه تنفذ ال في راسها بس...اتخيل يجيني معتز ويطعني بالكلام ويقول اني لزيت ريم عشان تعرف موضوعو هو وشيماء...ويقول انو موضوع زواجهم وفضيحتهم قدام ابوي سببو انا!!تتخيل!

ريم مشت خلتهم...وكانت زهجانهه ومتعصبهه وماشهه بسرعهه وعيونها مدمعهه..وسامي بتناقش مع جاسم....
جاسم(بصوت عالي): تعالي هنا
سامي(بزهج): ياخ اهدا خلاص...جنيت انت ي زول!الموضوع م مستاهل دا كلو!
جاسم: لا مستاهل
سامي: اسمع...ريم م كانت براها..انا كنت معاها وعارفها هي عايزهه تعمل شنو...ولمن قصهه معتز وشيمااء اتعرفت قدام ابوك انا كنت قاعد
جاسم(بضحك وبصفق): واو...رهيبين ...اها وتاني
سامي: انت م طبيعي من اليوم الجيت فيهو من البلد ديك...م حاكتر كلامي معاك ...لو انت عارف ريم عملت كدا ليهه م اظن كنت ح تهيج فيها قدر دا!
جاسم: انا منعتها م تتدخل في الموضوع عشان زفت معتز م يختها في راسو
سامي(بصوت عالي): ياخ اسمعني...بعيدا عن معتز...هي عملت كدا عشانك...عشان عارفهه المشاكل المسببها ليك معتز ...وعارفهه جن معتز بس بالرغم من كدا حبت تتعرض ليهو هي بس عشانك ..وعشان يبطل كل مره يقيف في طريقك...سمعتني عملت الحاجه دي عشانك...وعشان البت شيمااء لانو مسكينهه...معتز خدعها!ولو الحاجهه دي م كانت حصلت وابوك سمع كلامها هي وشيماء المرهه الفاتت وقرر يزوجها لمعتز...البت دي اهلها كانو ح يقتلوها...بس حصل الحصل عشان ربنا يسترها...ان شاء الله تكون ارتحت بعد سمعتني اسي!هههه لكن واضح انو معتز استفذاك شديد وعكر مزاجك برافو عليهو وانت بدون م تفكر جيت وخربت الدنيا ...ي شاطر