حصل شفتو ليكم اتنين اول مرة يتلاقو كان في قسم الشرطة 😂😂💔 انا و ادهم اتلاقينا هناك .. ❤💓 ..
من وانا صغيرة قمتا على طولة اللسان وده الوصلني قسم الشرطة .. بت مسلطه ولساني طويل ومابعرف امسك حاجه الا احتو كلوو معروووفه سندس القوااله😂😂😂😂 من وانا في المدرسه اي بت تجي تقل ادبها علي بمسكها بدقها لما تقول بس .. شكاااله و مابسكت لي زول مهما كانت مكانتو .. اتعودتا على كده والظروف علمتني اكون كده .. كيف !!
لما كان عمري سبعه سنيين ابوي خلانا .. طلق امي ومشى عرس مرة تانيه وسابنا💔💔 ولا يوم ما فكر يسأل مننا ولا اكلنا شنو ولا عايشيين كييف .. بنتنفس ولا متنا .. مشى وما رجع عاش حياتو مع بت اهلو العرسها.. امي كانت غريبه 💔 عشنا وضع صعععب شدييد انا واخواتي الاتنين سمر وسوونة الصغيره .. انا الكبيرة ولانو الظروف كانت صعبه شدييييد ومالاقيين حق العيش الناكلو . خليت المدرسه وبقيت ببيع ايسكريم" داردوما" مع امي في الشارع .. كانت بتبيع اي شي وبتعمل اي شي بس عشان نعيش .. بتشيل حلاوة وبتحنن .. ورزق اليوم باليوم .. وده غير الايجار بتاع الخرابه العايشيين فيها 💔💔 عايشين في بيت بنخاف من الخريف قبل ما يجي عللينا ..
نسيت عممري بسبب الشفتو وما قدرتا اعيش طفولة حلوة ولا ايام سعيدة .. ده الخلاني اكون قوووية وادافع عن روحي لانو مافي راجل معانا يجمينا .. لازم اكون انا الاخو والاخت بالنسبه لي سمر وسوونة .. لازم اكون قوية واتحمل اي شي ..
قمتا على كده .. مابسكت على الغلط وما بجامل بالكذب وصرييييحه لابعد الحدووود .. وشكااله ودقااقه💔💔😂😂 .. ومابرضى زوول يهبش امي ولا اخواتي .. اتعلمتا المسؤووليه من بدري وشلتها مع امي عشان. نقدر نعيش في الدنيا دي .. ولما بقى عمري ١٩ سنه بقيت اشتغل في المطاعم واقدم الطلبات .. وحاليا شغاله في مطعم جنب جامعه الرباط .. بشوف العجايب هناك بس بسكت .. عشان شغلي وعشان ما اطرد زي كل مرة💔💔 اشتغلتا قبل كده في كافيهات وغيرو بس كنتا بطرد😂😂💔 لاني يا قولتا على موقف قليل ادب .. او القروش كانت مستفزة وانا اي فلس محتاجة ليهو ...
حرمتا نفسي من حاجات كتيرة .. لو نفسي في شكولاته ما بشتريها💔 عشان اوفر قروشها لي ناس البيت يمكن وحدة فيهم تشتهي حاجه وبخاف اجرحها واسمعها كلمة ما عندي قروش.. امي لانو عارفه بتها وطبيعتا بمية رااجل ما كانت بتخاف علي .. وممكن اجي البيت بعد اخلص لحدي الساعه تسعه مساء وبتكون مطمنه عشان عارفه اني مابعمل حاجه غلط .. 💔💔
الفي عمري.كان عندهم اهتمامات تانيه .. تلفونات وتصوير وغيرو.. وانا كنتا بغسل الصحون بتاعت المطعم لحدي الليل يجي عشان اشيل البقشيش .. 💔💔 الدنيا مرمطتني لاخر حد بس غير اني احمد الله ما كنتا بعمل شي💔.. ووسط الزحمه دي .. برتاح جنب حاجتين
يوسف💓 صاحبي وولد جيرانا من نحنا صغاار شديييد .. هو واصل تعليمو وانا طبعا قطعتو 💔 بس صحبتنا ما اتقطعت ولا يوووم .. ممكن اقول عليهو الاخو والسند .. و جنان ❤ صحبة الطفولة من نحنا صغاار سوا التلاته .. هم دخلو الجامعات وانا في حالي ده💔 ..
بنتلاقى برضو وبنتونس ولسه قلوبنا نضييييفه وبريئه ...❤❤
الحاجه البحبها وبلقى نفسي فيها .. الرقيص❤
بحبووو شديييد كنتا برقص كل ما القى وقت في البيت .. برقص براي بشغل اغاني في تلفوني الربيكا 💔 وبرقص .. والرقيص هو الخلا جسمي يتقسم ❤ وزي ماقال طه" والنص انقسم😉"
جسم اي بت بتحلم بيهو .. ويتعبو في الرياضه والزومبا عشان يصلوهو .. ببساطه الرقيص اداني الحاجه دي.. وربنا اداني الجمال😍 ..
جميله شدييد وعلى الطبيعه .. ما محتاجه لي اي اضافه .. عيون كحيله وحواجب غزيرة وشفايف حلوة وردية وشعر طويل .. بس الاهمال الانا فيهو مابخلي اي زول يركز في الجمال ده💔 ..
مافي زمن للاهتمام ومافي زمن حتى عشان ارتبط واحب .. زمني كلو يا شغاله يابفتش في عريس 😂😂😂..
عايزة اعرس بي اي طريقه عشان ارفع وضع ناس البيت .. وده الموضوع الفلقتا بيهو راس يوسف كل ما القاهوو .. يوسف عايزة اعرس ...😂😂 حاولتا بي كل الطرق اعرس زول مهندم بس عشان الوضع يتصلح💔💔 والعرسان بطفشو😭💔 ..
كل مرة بحاول اصطاد فيها عريس كان بكشفني ولا بقع في مصيبه معاهو😒😪 .. ولسه المحاولات شغاله ... شخصيتي المرحه والمضحكه والعفوية يمكن هي البتجيب لي الرزق لحدي عندي .. وده بس البملكو .. الروح الطيبه والعفوية ..
اما لو زول هبشني بتقلب عفرييييت،😕😕😕.. بوسف كان مابتم يومو لو ما اتلاقينا وقعد معاي وضحكتو 😒 وبعد كده يمشي😪
قسم الشرطه 💔 اول مرة ادخلو كان الليله😫👇
يوسف: ياسعادتك انا بضمنها لييك والله .. عليك الله طلعنا الليله
الضابط: ياولد الناس مافي طريقه تطلع
انا: مافي طريقه 😒 عملتا شنو اصلو 😒
يوسف: سندس اسكتي😒" بحميييرة كده"
الضابط: شفتها من جات بتتلائم 😒.. بعدين كيف تضرب ولد العقيد كف ؟؟؟
انا: ويعني شنو لو ولد العقيد😪 رمى السجارة بعد مسحتا الارض وانا قلتا لسهو ارفها ومارفعا
الضابط: وانتي شغلتك شنو في المطعم! مش جابووكي للنضافه والمسح!
انا: 😒😒 لكن ما يرميها بعد نضفتا الارض دي قله ادب بس ..
يوسف: سندس😒
الضابط: الليله ما بتطلعي من القسم ده😒
انا: تطلع روووحك بركه الله
الضابط: قلتي شنو؟؟؟
يوسف: سندس😒😒😡
لو سمحتا ياسعادتك انا بتكفلها تاني ماتغلط لا مع ولد عقيد ولا ولد سفير ولا ولد اي زول .. بس خلينا نطلع
انا: يوسف😡😡 بتحنسو كده لييه انا ماغلطتا
الضابط: انا نفسي اعرف بت شغاله في مطعم راافعه نخرتك كده على شنو.. شفتي شكلك انتي قبل كده ..؟!
الليله مابتطلعي الا تعتذري مني ومن ولد العقيد عثمان ..
انا: في احلاااامك 😆
يوسف: سندس😡 .. لو سمحتا يا حضرة الضابط بدون اساءه رجاء طلعنا من هنا ..
" واثناء ما يوسف بتناقش مع الضابط .. دخل ادهم .. هو منو! ولد منو! وجنسو شنو! .. ما عارفه عنو غير انو واحد وسيييم شديييد وحلات الدنيا عليهو وفي شكلو هاااديء كده ولابس لبس الرباط 💓 يعني بقرا هناك .. عيونو حلوووه شديييد وملامحو حللوه ووسيم لابعد حد .. لونو بين الاسمر والقمحي .. وحتى ما اتكلم كتير لكن اول مادخل قال لي الضابط مشيهم والحقني سرييع ..
انا و يوسف ما فاهمين شي 😕 فجاه الضابط جا طلعني وطلعتا مع يوسف بره القسم .. كان نفسي اشوف ملامحو اكتر بس دخل المكتب والضابط لحقو .. حتى ماشالو كفاله ولا اي شكوى ضد المطعم ؟؟
حاحه حيرتني شدييد .. بس الحيرني اكتر انو ادهم ما اتلفت عاين لي اصلا💔 اشر بي يدو للضابط بس💔
والضابط قال لي احمدي ربك انو ادهم جا داخل .. ومن هناك عرفتا اسمو💔... يوسف ما خلا نبذه وشكله ما قالها لي في الطريق واحنا راجعين .. بس انا عيوني علقت في الزول السمح داك 💔 بقيت بردد جووه ادهم ادهم😂😂 ..
"وتتخيلو انو قسم الشرطه كان وش خيييير علي❤❤❤"
