تاني جيت ماشه الشغل وكالعادة امي بتوصي 😫 سندس ماتعملي مشكله .. سندس عليك الله محتاجيين للقروش نحنا .. اختك لازم ندفع ليها قروش التسجيل لسنه رابعه .. سندس عليك الله امشي ساي وتعالي ساي وماتفتحي خشمك مع زول وما تعملي مشكله...
انا: ووووب علي ده كلو.. الليله يا يوسف اصبر لي طوالي قلتو كلو لي امي وما انتظرتا الصباح 😡
امي:سندس😡 انا بقول في شنو هسي مش بحذر فيك ما تتشاكلي
انا: حاضر حاااضر.. الليله خشمي ده بمسكو علي😪
يلا مع السلامه .. تعالي هنا ابوسك في راسك الماسرحتيهو من الجمعه. الفاتت 😂😂😂
امي: يابت👋👋 قليلة الادب خلاص😂💔 لسااانك ده اقدري عليهو
" طلعتا من البيت وماشه لي بييت يوسف سريييع .. دخلتا وسلمتا عليهم وسالتو خالتو وداد ولدك وييين .. من شاافت وشي عرفت في حاجه😂😂 ولا اتفاهمت معاي .. قالت لي هناااك في الصالون .. ومشيت بي رجليني مستعجله شدييييد للشكله ..
يوسف يوسف 😡😡😡 كرو كرو دخلتا طوااالي وضربتا ليهو باب الصالون عشان يصحى ..
قام مخلوووع 😳 سندس في شنو من الصباح 😡😡 .. مالك ..
انا: ملا تسل رقبتك ان شاء الله ياكلب ..
يوسف: بسم الله😕
" مشيت ضربتو بالشنطه في كتفو لبعه حااااره عشان يصحى لي"
يوسف: في شنو يابت😡😡😡
انا: تكلم امي ليييه بالحصل امبارح .. 😒
يوسف: قووولي كده ✋😆
انا: يقلقل ضلوووعك بركة الله 😏 ..
يوسف: غايتو شكاله شكل 😂😂😂😂
" طوالي اديتو لبعه في كتفو التاني👋"
يوسف: يابت .. كسرتي لي ضلوعي ياخ .. استهدي بالله ..
من الصباح سندس💔 الله يستر على باقي اليوم يكون كيف😭..
امبارح خفتا عليكي في القسم .. وقلتا مافي حل غير اني اكلم امك بيها بتتادبي وبتعرفي تمسكي لسانك..
وعلى فكرة اعرفي امسكي يدينك برضو😏😏 اصلوو ماشبه البنات
انا: شبه نكير بس😡😡
يوسف: طيب يا نكير استعجلي لانو الزمن اتاخر وبرفدوووك بعد ده💔"
" طلعتا عشان الحق الشغل وما اتاخر وفي الشارع بتبسم براااي .. قال لي بخاف عليكي😍❤ اتكيفتا شدييد .... مابسمع كلام حلو زي باقي البنات محرومة منو لانو مافي زول حباني قبل كده 😭💔..
....
وصلتا المطعم وسرييع سريييع استحميت وغيرتا بي زي المطعم ورفعتا شعري كعكعه .. ده اللبس كده والقوانين كده .. طرحه مافي عجبك ولا ماعجبك تخلي الشغل .. وانا بلبس الطرحه لما اكون جايه ولما اطلع وفي الشغل بقلعها .. عشان ما اتطرد بس 💔💔.. حتى زميلاتي القي الشغل مرتبطات ومجيهات وانا وشي شي مافيهو غير موية الوضوء .. بجونا ناس جامعه الرباط اكتر شي وناس من بره اذا غاشيين الطريق لكن المطعم اقرب للجامعه ..
اليوم داك قررت اسكت بس وابتسم لكن ما اكتر كلامي..
ولاء زميلتي في الشغل كانت مستغربه سندس دي ساكته مالها اليله كل دقيقه تودي طلب تمشي وتجي تعاين لي😳 ..
وبعد وقت الفطور وزحمة الطلاب ومشو والمطعم كان فيهو .. راجل ومرتو .. وبنتين صحبات من الرباط برضو.. وراجل كبير كده منتظر زول .. جا داخل ادهم ❤ الزول السمح الشفتو امبارح في القسم .. هاااديء وملامحو هاادئة .. دخل ومعاهو ولد برضو من الرباط .. وقعدو في زاويه المطعم .. ادهم ما عندو حركات الاولاد دييك يجي داخل بقطرسه وعينو مع دي و ديك والحركات دي.. زول هاديء شديد ..دهل ومسك تلفونو.. انا من شفتو جريت لي ولاء جووه ..
ولاء ولاء الحقي😳😳😳..
ولاء: في شنو يا هبله
انا: شايفه الولد السممح داااك
ولاء: ماتاشري بي يدك بقتلونا
انا: طيب طيب.. الولد السمح دااك ..
ولاء: اها مالو؟؟
انا: امبارح طلعني من القسم هو..
ولاء: طلعك كيف؟؟ .. انا قايله ناس المطعم طلعوك
انا: يا بت مطعم شنو.. امبارح اول ما الزول ده دخل انا طلعتا..
واسمو ادهم كمان .. ماعارفاهو ولد منو
ولاء: يا بت بتخيل ليك.بس.. كيف يطلعك وهو ما بعرفك...
واثناء ما نحنا بنتهامس بصوت براحه .. البنتين اتلفتو عليهم ووحدة بصوت عالي كده.. ادهم 😍 جيتو بتيييين يا بييبي ..
انا: شفتي شفتي.. مش قلتا ليك اسمو ادهم
ولاء: 😕 صحي.والله.. سندس ماتعملي مشكله عليك االله .. ابعدي منو هسي يطلع ابوهو حاجه كبيرة ويودينا في ستين داهيه .. كفى ولد العقيد الامبارح اديتيهو كف وكانو حيودووكي ورا الشمس ..
انا: لالا ما حاسالو .. اتذكرتا كلام امي برضو ..
عصام مسؤوول من المطعم ومشرف علينا.. جا لقاني بتونس مع الاء.. طوالي نهرني😡 سندس😡 مش شايفه الجو دخلو ديل.. ولا مافاضيه من النقه حضرتك نقول ليهم استنوها تخلص ونستها وتجي تشوفكم بعد كده 😡😡😒..
انا: معليش خلاص حامشي ..
" وانا ماشه بنبذ في عصام تحت تحت.. الكريه الفقر الله ياخدو المعفن يتامر في الناس وما حارقاهو الا انا "
وصلتا لي ناس ادهم والبتين قاعديين .. قلتا ليهم اتفضلو تطلبو شنو؟
وحدة من البنات ردت علي ..
هوت شوكلت ونسكافيه اتنين .. و ادهم يابييبي عايز شنو . ..
انا حركة عويج البت لي خشمها غاظتني وبدون ما اشعر قلدتها بي شفايفي .. يابييبي😒😒 .. مع محاكااتي ليها ادهم رفع رايو من التلفون عشان يجاوب .. ولقاني عملتا الحركه دي .. هو الشافني بس والباقين ماشافو شي .. طبعا ادهم اتحير😳😳 وماعرف دي مالها .. وانا دخلتا في ضفوري وماعرفتا امشي وين .. جاوب لي بكل رسميه لما خفتا منو .. عايز قهوة ..
مشيت سريع عشان اجيب الحاجات وانا قلبي ميت من الخوف .. خفتا ينادي واحد من المطعم ويشتكيني واتطرد تاني .. لكن مشيت وانا بتراجف ورجعتا وانا بتراجف .. قدمتا االحاجات والمره دي ادهم عينو في عيني .. وانا كل مايعاين لي امووت من الخووف ..
قدمتا الحاجات ورجعتا .. كلهم قعدو شربو وطلعو الا ادهم .. كان قاعد في تلفونو .. جاني عصام 😏 سندس😡 شلتي الحساب ولا لسه ..
انا: ولاء حتشيلو ...
عصام: ولاء الحاسبت التربيزة ديك؟
انا: لا لا
عصام: طيب امشي سريييع واخدي الحساب
" وانا خااايفه طبعا ادهم قاعد براهو .. خايفه يقول ليهم انا عملتا شنو .. اتوكلتا على الاه ومشيت ليهو .. وصلتو وقلتا ليهو الحساب .. رفع راسو وعاين لقاني انا .. وسكت 😳 ماطلع القروش ..
انا هنا خلاص اتخيلتا روحي في القسم تاني😭😭 .. وطوالي قلتا ليهو ..
عليك الله عليك الله ماتقوول لي لي عصام ... وحيات الله ما اكررها ..
وقبلتا لقيت عصام هناااك بعيد .. قمتا قلتا لي ادهم .. شفتا الراجل داك حبطردني وانا محتاجه للقروش .. عليييك الله ما تعمل كده ..
وادهم مخلووع بعاين لي😳😳
وانا بنق وانق واتكلم في راسو وهو ولا حرف مافتحو معاي ..
قام على حيلو . وانا خلاص غمضتا عيوني وبقيت بقول .. سجمك سجمك الليله حتطردي .. تستاهلي ياهبله ياعبيطه 💔💔💔...
ادهم ضحك ضحكه كتمها كده😂😂 من عمايلي دي .. وقال لي . اتفضلي .. فتحتا عيوني 😳 الرجل الصامت اتكلم .😳😳 ..
مدا. لي القروش ومشى ..
جرييت سكيتو وقلتا ليهو شكرا 😊 .. عاين لي ومشى وماردا علي زاتو....
...
رجعتا لي ولاء وحكيت ليها طبعا مابقدر اسكت عن حاجه .. ولما فتحتا القروش لقيتها زايدة خمسين جنيه .. يعني لي😍😍 فرحتا شدييييد وخميتها ومشيت اديت الحساب لي عصام ..
مع نهاية اليوم .. قلتا لي ولاء انا طالعه خلاص
ولاء: البيت صح
انا: لالا .. ماشه اشوف عريس
ولاء: سندس تاااني عرييس😏😏
انا: يابت مالك .. الزول موظف في البنك ..
ولاء: ان شاء الله .. يصدف ياستي وتظبط اموورك 😂😂..
انا: يلا انا ماشه😘😘
