مشيت قعدتا مع ادهم .. قال لي انا اسف عشان الحصل امبارح .. انا ما كنتا منتبه انو افنان اتمادت في الكلام معاك وما كنتا قايل المشكله الحصلت بينكم .. افنان غلطت شدييد في حقك ولانها ما حتعتذر منك انا اعتذرتا لييك بدلها انا اسف يا سندس ..
انا: وانتا تعتذر بدلها هي لي ؟؟؟
ادهم: لانو هي غلطت وانا مادايرك تزعلي وتاخدي في خاطرك
انا: وانت مالك الدخلك شنو اشيل في خاطري او لا ؟!
ادهم: سندس😒
انا: طيب تمام .. حصل خير
جيت اقوم وهو لسه قاعد .. قعدتا تاني في الكرسي وقلتا ليهو:
ادهم انحنا صاح ناس ماعندنا حاجه .. وصاح انا محتاجه للقروش وبتقطع في اليوم مية قطعه عشان اجمع قروش بالنسبه ليك تافهه وممكن تنتهي في سفرة عشاء .. بس بالنسبه لي بتبني عيله .. ادهم انتا ما جربتا تكون مسؤول من امك واخواتك وانتا زاااتك محتاج زول يهتم بيك .. لما عمرك كان ١٩ سنه كنتا بتطلع مع اصحابك وبتتفسح وكده .. بس انا عمري ١٩ سنه وبعد بكرة حيبقى عشريين سنه وانا عندي مسؤووليه اكبر من عمري .. بفكر في حاجات تشييب الراس .. حاجات ما بتستحملا بت صغيرة ..
" انا بتكلم وادهم قاعد يسمعني ويعاين لي ☺ وعيونو كلها حب .. "
انا: ادهم بتعاين لي كده ليه؟؟
ادهم: انتي بت فرييدة من نووعك 😍 ماا بتشبهيهم انتي غير كل النااس .. ليه كده ياخ
انا: ادهم😡😡 انت بتشاغل مش😡😡
ادهم: ياخ ليه انتي عصبيه كده هسي انا قلتا حاجه عيب ولا قليت ادبي معاك .. بس قلتا ليك انك بت فريدة يعني قوية وكده بس
انا: ايوااا تماام .. خلاص انا حاقوم ..
ادهم: لا ما تقومي ..
انا: في شنو تااني؟؟
ادهم: عايز اقول ليك حاجه ... غير انك فريدة .. " وعاين لي في عيوني وعيونو حلووووة 😍😍 عيونو لونها بين البني والاسود .. والرموش العندو انا ما عندي .. لما ركزتا في عيونو خفتا اديهو عين تصيبو .. وعشان ما ادوب طوالي .. صريت ليهو وبي رسميه قلتا ليهو "
انا: قول طيب،😒
ادهم: عيونك حلووة 😍 وشعرك حلوو .. حلاتك زاتها فريدة ❤
انا: ايوااا ... وتقول لي ما اتماديت " وقمتا من الكرسي لفيت عشان امشي .. لكن من جوواي اتبسطت بكلامو وقعدتا اتبسم براااي😊 لما ولاء جووة لمحتني وقالت دي مالها😳 وادهم بي وراي قال لي .. يا الوية طيب اقيفي شوية😂😂😂 .. آليتي ❤ استني دقيقتين ..
اتلفتا حمرتا ليهو 😒😒 الكويس انو المطعم ما كان فيهو ناس كتار والا كان حيفضحني بي حسو وضحكو ده 👊😂"...
وانا شغاله يوسف كان عايز يعمل لي مفاجاة ومنها يتطمن علي اني كويسه في الشغل ❤ .. قام جاني ضرب لي تلفون وطلعتا ليهو بررة مبسووطة انو جا❤ .. ادهم راقبني من بعيد ماااشه 😕 لحدي ما وصلتا يوسف وسلمتا عليهو .. طبعا خلاص بدا يتسال الزول ده جا لي سندس كم مررة وهي بتتبسط لما تشوفو ! معناها الزول ده حبيب سندس 😕 .. انا كنتا واقفه مع يوسف برره وبنتكلم ..
يوسف: سندس انتي الليله حتتاخري؟
انا: لالا مافي شغل كتيير زاتو
يوسف: اها عاصم عمل ليك شنو !!
انا: يوووسف 😍😍 ما طردني .. اتخييل ما طردني عاصم ..
يوسف: غريبه مالو!!
انا: ياخ بحكي ليك بعديين 😍 اها احكي لي
يوسف: قلتا اجيك من الجامعه اشوفك ..
انا: يوسف البخاف علي☺😜😜
يوسف: يابت كدي امشي كده😏😏
انا: هههه😂😂😂😂 يازول بتخاف ولا لا
يوسف: مافاضي للعباطه بتاعتك .. يلا انا راجع عندي محاضرات ..
انا: طيييب✋ سلام ..
" ادهم هناك قاعد متغايظ مني ...😡 اتونس واقهقه مع يووسف .. مراقبني لحدي مارجعته .. ودخلتا لي ولاء ولاحظ لي مبتسمه ومبسووطه وبتخجل وانا بحكي لي ولاء"
انا: ولاء شكلو كلامك صح
ولاء: كلامي ياتو يابت ؟
انا: ولاء خلاص حاعترف لييك انا بحب يوسف😍
ولاء: كذااابه😍😍😍😍 يييييي 😍😍
انا: يابت اهدي .. ماتجوطي كده هسي عاصم بجينا 😒
ولاء: اها كلمتيهو ..
انا: لا طبعا كيف يعني اتكلم انا اول
ولاء: وهو بحبك؟
انا: وعرفني شنو بيهو !! ..
ولاء: يابت انتي عبيطه .. اقعدي اسكتي كده لما وحدة من صحباتو في الجامعه تلفو وتشيلو منك
انا: ولاء كلامك صحي والله يوسف بتحبى والله ..
ولاء: اي يا هبله انتي لازم تقولي ليهو انك دايراهو الخجل ده ما ليهو لزوم بعدين انتو عرفة من بتيين ..
انا: 😘😘 خلاص حاكلمو اول ما ارجع البيت ..
ولاء: اي خليك كده ملحلحه شوية ياخ ..
" خلص دوامنا وادهم كان مشى قبل الدوام .. ورجعتا البيت بفكر في كلام ولاء .. وبعد كنتا متحمسه في الطريق بسال في روحي .. ياربي اقول ليهو ولا كده ما صاح .. رجعتا البيت وبرضو بفكر في الموضوع ده.. وسيد الموضوع دقى الباب .. لبستا توبي ومشيت فتحتا ليهو..
انا: يوسف😍
يوسف: مساء الخير سندوووسة
انا: مساء النور .. مالك؟
يوسف: سمر لاقيتها وقبيل كانت دايرة دفاتر والدكان مقفول قلتا ليها لما يفتح بجيب ليك. ..هاكي اديهم ليها تكتب
انا: ايوااا عشان كده هي كانت صاحيه
يوسف: يلا خشي جوة.. عشان ما تبردي ..
انا: حاااااضر
يوسف: يلا سلمي على امك لحدي الصباح ..
انا: يوسف دقيقه عايزة اقول ليك حاجه ..
يوسف: قولي لي
" ومن جواي .. بفكر ياسندس لو عرف 😪 اها لو ما بحبني اقبل وشي وين .. اصلا ولاء دي هبله في بت بتقول لي ولد هي دايراهو .. لالا ياسندس كدي اجلي الموضوع ده هسي 💔💔😪"
يوسف: سندس هييي👏 سرحتي وييين👋 انا منتظرك قولي
انا: لالا خلاص تصبح على خير
" ودخلتا قفلتا الباب سريييع وديت الكراسات لي اختي وقعدتا سرحانه .. امي راقدة كانت ولاحظت لي سرحانه .. قالت لي سندس ! في شنو ؟ الشاغل بالك شنو؟؟
انا: يا امي .. في زول حيحبني وانا كده
امي: يابت ده كلام شنو كمان
انا: يا امي .. بت لا وضعها فوق ولا متعلمه ولا بتشبه البنات البره .. اكيد اي راجل ما حيعجبو حالي ده
امي: يابت ما تقولي كده اي شي قسمه.. وربنا لو كاتب ليك عرس بتعرسي وقسمتك بتجيك لحدي عندك ..
انا: امي انتي بتمشيني يعني
امي: سندس .. اي حاجه مكتوبه فووق .. وبعدين انتي لو ما محبوبة بنات الصاله ديل بحبوك كده طوالي .. 💓 ..
انا: امي بس ماحصل زول عاين لي.. امي انا عمري ما اتكلمتا مع زول بالتلفون وعمري مافي زول قال داير تقدم لي لاني عجبتو.. امي هسي انا عمري كم وماحصل سمعتا كلام زي باقي البنات😭😭 وبديت ابكي ..
امي: يابتي ده كلام شنو .. اي زول ربنا كاتب ليهو قسمتو
انا: وانا ليه ما مكتوب لي افرح ولو بي اي حاجه بسيطه
امي: يابت قولي الحمد لله . في ناس ما لاقين عيشتك دي في ناس ما قادرين يلقو حق اللقمه وفي ناس حياتهم كلها مستشفيات والقروش مانفعتهم بي شي ..
انا: طيب خليها القروش ... ابوي خلانا ليه؟؟
امي: سندس😡😡😡😡 ..
انا: ليه ما لقيت حنان الابو زي باقي البنات 💔💔😭😭 وليه ابوي خلاني وما اهتم بي ولا كاني بتو
امي: يابت اسكتي
" وانا لسه بتكلم وببكي وبتخنق 💔💔😭😭"
امي: سمر قومي خشي جوووة 😡😡 .. " سمر قامت سريييع من هرشه امي عشان امي مادايراها تسمع كلامنا"
انا: ليه انا ماعندي ضهر في الدنيا دي 💔💔😭 .. ليه ما زي باقي البنات .. ابهاتهم بجو يسوقوهم ويهتمو بيهم ويدلعوهم .. وانا ابوي خلاني بدون رحمة اتشنطط واتجارى في الشوارع عشان اقدر اشتغل واتحرمتا من حاجات كتيييرة بسببو 😭😭😭
" انا ببكي وبتكلم امي قعدت في السرير جنبي وحضنتني .. ودموعها هي زاتها نزلو معاي 😭 وبقت بتقول لي انتي اقوى من كده انتي بتي القوية .. ماتعملي كده .. هسي اخواتك فخورين بيكي ولو شافوكي كده حيضعفو .. انتي سندي يابتي وسند اخواتك😭😭😭
