نمتا وانا زعلانه شدييد .. صحيت كالعادة مشيت الشغل واصلا ماعندي مزاج لي اي شيء الليله .. مشيت غيرتا وطلعتا بشتغل .. جاتني ولاء جااارية .. سندس سندس اها حصل شنو 😍😍 ..
انا: في شنو؟؟
ولاء: يوسف .. اتكلمتو مع بعض 👊
انا: لا ما اتكلمنا .. ما قدرتا اصارحو بي اي حاجه
" وانا بتكلم مع ولاء ضربت لي جناان .. صحبة طفولتي❤"
انا: الووو.. جنااان❤ نورتي
جنان: حبي مشتاااقين ياخ وين انتي
انا: قااعدة في الشغل هسي
جنان: اشتقتا ليك والله .. سندس ياخ طولتا منك شدييد💔
انا: اعمل ليك شنو .. الجامعه شايله وقتك كلوو مننا .
جنان: اااخ انا اسكتي بس .. جامعه الخرطوم دي فقر 💔
انا: الله يوووفقك حبيبتي ..
جنان: امييين.. انتي زهجانه !
انا' لالا ابدا
جنان: يابت انا مابعرفك مثلا😒😒 .. انتي بتخلصي بتين !!
انا: والله الليله متاخر شديد.. لانو بعد المطعم في الصاله
جنان: اي اي يوسف كلمني
انا: يوسف😍 حيوان ياخ مابتتبلى في خشمو فولة 😂😂💔
جنان: هههههه اي والله .. طيب انا لازم الاقييك
انا: بتيين لكن يا جنان .. الليله اليوم زحمه
جنان: انا بطلع من الجامعه .. وبجيكي في المطعم . ياااخ لازم الاقييك ضروووري الليله ..
انا: يابت بسم الله احكي في حاجه؟؟
جنان: في حاجااات❤❤😍😘😘😘 عندي ليك خبر رهييب
انا: طييب خلاص يا شمشارة تعالي .. نتلاقى جنب المطعم ..
.....
قعدتا اشتغل لحدي ما جنان تجي .. والليله ادهم ما جا 💔💔 اتخيلوا اني. فقدتو رغم انو حيوان شديييد .. انتزرتا جنان جات وكلعتا ليها سلمتا عليها بالاحضان والبوسات لاني مشتاقه ليها شديييد كنتا . جنان زيي اختي او تومتي عدييل حتى لو انشغلنا وما لاقينا بعض كتير ..
انا: يابت ياخ سمنتي ❤❤😘😘 لكن برضو قرضه
جنان: وانتي نحفتي 💔 ده الجري الكتيير ولا شنو
انا: اااخ يا جنان اسكتي بس .. اقعدي اقعدي طلعتا بالدس من عاصم 💦 الليله كان عرفني مااف بيقتلني
جنان: يحليلك ..عاصم الثقيل داك 😂😂😂
انا: وكل يوم زاايد ثقاااله 😂😂😂💔
جنان: انتي لسانك ده لسا ما قصيتي ..
انا: ااخ تتذكري لما كنا في المدرسه زمااان واحنا صغار😂😂.
جنان: ياااه. ماتذكريني ياسندس .. وااي😂😂 كنا حقارات ياخ اي بت تقل ادبها علينا نقيف ليها في زقاق البوفي وندقها دقه مظبوووطه انا وانتي وبعداك نمشي نشتكي عليها😂😂😂💔💔
انا: كنا كعبيين ياخ وظالميين💔💔😂😂
جنان: ولا انتي لما يقولو ليك ما بتلبسي طرحه ليه .. تقولي ليهم شعري الطويل ده لو عندكم ماكان سالتو😂😂
انا: وااي😂😂😂💔💔من زمان قليله ادب انا ياخ
جنان: ياااه ايام ياخ حلوووة❤
انا: لا تتذكري لما يوسف يجي يرجعنا البيت من مدرستو 😂😂 ويقول لينا نشتري فشار بجنيه 💔💔😂😂
جنان: وكنتي حقاارة .. بتقلعيهو وبتجري وتخلينا انا ويوسف نتلفت
انا: زي تايه بتلفت حيرني😂😂😂💔💔وفااات روووح💔💔
جنان: بس انا كنتا ببكي لي يوسف .. وبقعد يحنسني بحلاوة عشان ما اتعاور ليهو😂😂💔💔😭
انا: وهو اصلا ما كنتي بتنزلي دمووع يا كذااابه😏💔😂💔
جنان: هههه اي ياخ لكن هو حنين 😂😂💔
انا: ياااه ايام والله ❤.. هيي يابت انا نسيتك دايرة تقولي لي شنو انتي .. جبتيني سرييع سرييع وما انتظرتي لما ارجع للبيت
جنان: ااي❤ امبارح مشينا ناس خالتو نفيسه .. "ام يوسف" اتغدينا سوا كلنا وقعدنا لحدي بعد المغرب وشربنا شاي المغرب سوا ..
المهم يازولة جابو سيرة العرس وكده .. وانا قاعدة ويوسف قاعد هناك .. قامت خالتو نفيسه قالت لي امي ما شاااء الله جنان كبرت وبقت حلاتها بعد ده العرسان يقيفو صف وهي تعزل .. امي قالت ليها الا تخلص الجامعه اول بعد كده العرس .. بس خالتو نفيسه قالت ليها يعني لو هسي جاها عريس مابتوافقو؛؟ لسا جنان باقي ليها. تلاته سنين غير القرتها .. امي قالت ليها اي ممكن نعمل خطوبه ولا عقد .. لكن ماعرس وبيت وكده .. قامت خالتو نفيسه سالتني .. جنان انتي ماعندك زوول كده ولا كده❤❤ .. قعدتا اتخجل طبعا يا سندس عارفاني😂😂 قلتا ليها مافي ياخالتو ... قالت لي ولا في الجامعه ولا تلميح ولا اي حاجه . قلتا ليها ابدا والله ماعندي اي زول .. والصدمة كانت هنا😍
انا: اها ؟؟
جنان: قالت لي يعني هسي لو اديناك يوسف ده بتوافقي !.، طبعا ياسندس صبت فيني مطرة ويوسف قاعد كمان بعاين لي وبتبسم .. ماعرفتا امشي وين 😊 دخلتا جووة ضفوري واتمنيت الارض تبلعني .. يوسف قااعد في وشي ومنتظر الرد. .. قكتا سكتا وخجلتا .. تاني عادت لي السؤال ياجنان يوسف ده بتدوري؟؟ .. قلتا ليها ياخالتو منو البترفض يوسف❤ راجل مابتعوض .. طبعا ضحكو ليك فيني ياسندس ضحك 😂😂😂 امي قالت لي عااد لكن ياجناان طلعتي خفيييفه 😂😂😂💔💔 خالتو نفيسه قالت ليها .. ومالو لو الاولاد دايرين بعض .. امي قالت لي يوسف.. يا يوسف الكلام ده صححي؟
يوسف قال ليها والله ياخالتي صحي ما كملنا دراستنا لكن لو بتدوني جنان بكرة دي نجي نخطبها انا وامي وابوي .. نحنا نلقى زيها وييبن ..
طبعا ياسنظس كلامو خجلني زيااادة😍❤ حبييب قلبي❤ . امي قالت ليهو لو جنان دايراك نحنا اصلو ما بنقيف في طريقكم.. طبعا كلهم بقو بعاينو لي لما جريت من الخجل فتحتا الباب وجرري على بيتنا😂😂 خليتهم كلهم بضحكو حتى يوسف .. خجلني ياخ❤
.....
طبعا جنان بتتكلم وانا مصدوومة😳 ماقادرة اعبر بس بتبسم وبعاين لي حركه شفايفها وعيونها وهي بتحكي وترص .. وانا ماقادرة اعلق ولا بكلمه حيلي برد كلو .. ماقدرت اعمل شي وحسيت دموعي في حلقي وخلاص حتنزل .. ماقدرت اقاوم نفسي وبكيت .. ااي بكيت قدامها .. ولما سالتني ليه بتبكي ياسندس . حضنتها شدييد عشان ما تشوفني وانا بتكلم .. حضنتها وقلتا ليها مبروووك .. فرحتا شديييد حبييبتي .. مامصدقه انكم حتعرسو.. اكتر اتنيين بريدهم في الدنيا خلاص حيكونو في بيت وااحد ويريحوني من المشي من بيت لي بيت.. 💔💔 حضنتني جنان وبقت بتبكي معاي .. وهي ماعارفه الوجع الجزطواي الخبيتو بابتسامه عشان ابارك ليها😊 .. انا من جوااي كنتا بتقطع تقطيع .. باركتا ليها وسلمتا عليها وعشان الدموع ابت تقيف مني .. قلتا ليها يلا انا ما اتاخر عشان عصام ما يطردني ودعتها عشان ماتشوف الكسر الجواي واظهر قدامها .. جريت وخطواتي كانت تقيييله حسيت المسافه القصيرة القطعتها بقت اميال وبقى المطعم بعيد💔 ومشيت وانا لسه ببكي .. وصلتا الباب وماقدرتا ادخل وانا منهارة .. في اللحظة دي ادهم وقف عربيتو 😳 اتخلع لما شافني بره وببكي براي .. وبعضي كفه يدي عشان الصرخه ماتطلع .. جا جاري علي طوالي وسالني سندس مالك؟؟ سندس حصل شنو !! في زول من اهلك حصلت ليهو حاجه ! . بيسال فيني وانا لسه ببكي وببكي .. حتى ما قادرة ارد ولا عندي حيل لي اي شي 💔 الفيني كملت💔 قعدتا في الارض وبكيت.. وادهم قعد ولسا بسالني مالك ! يابت في شنوو!! ..
لما ما رديت ... جرا العربيه جاب لي منادييل .. واداني ليهم وقال لي امسحي دموعك 💔 .. بقيت بمسح ولسا الدموع كاابه ..
ادهم قال لي خلاص انادي ليك صحبتك الجوة!! وبرضو ما رديت عليهو!
قال لي خلاص اديني تلفونك. اضرب لي صحبك يجي يسوقك ..
قلتا ليهو يوسف💔 يوووسف💔 ولسا ببكي والبكا زاااد اكترر
ادهم: متشاكلين ! طيب حصل ليهو حاجه ؟؟
سندس مالك !! فهميني !! لما ما رديت على ادهم .. دخل جوة نادا لي ولاء .. وجاتني جااريه ..
ولاء: سندس😳😳 في شنو مالك؟؟
انا: ولاء😭😭😭 ولاااء😭😭 يوسف
ولاء: يوسف مالو خير
انا: يوسف حيعرس جناان .. يوسف بحبها ،😭😭💔💔
ولاء عاينت لي ادهم واقف ومافاهم حاجه طبعا .. بقت بتقول لي طيب طيب اهدي اهدي هسي .. قوومي ارح جووة ..
انا: ما دايرة مادايرة ادخل .. انا زهجتا وتعبتا خلاص
وانا ببكي .. ادهم عاين لي وقال لي ولاء خليها خلاص
ولاء: بس عاصم
ادهم: انا بتصرف .. ماتقلقي امشي جيبي حاجاتكم سريع وتعالي .. جرت ولاء تجيب شنطتي وشنطتها .. وادهم قعد على رجلينو عشان الارض ما توسخو وبعاين لي ومستغرب.. وانا ممرمطه في الارض وببكي وما جايبه خبر ليهو اصلا .. لما جات والاء ادهم وقف امجاد ودفع ليهو قروشها وقال ليهو البنات بوروك ماشين وين ... وقال لي ولاء امشو وماتخافي عاصم ما حيعمل ليكم شي الاتنين ..
ولاء: تسلم .. شكرا ليك
ادهم: العفو.. يلا قومي صحبتك ..
" قام هو على حيلو وهي قومتني ومشينا ركبنا💔 .. ادهم كان واقف بعاين لينا .. وبا الاخص لي انا ولي دموعي💔
