شفنا البت واتخلعنا فيها انا و ولاء سممحه شدييد وانيقه ولونها نضييف وكلها نضييفه .. ولاء قالت لي سندس😭شووفي الناس عايشيين كييف .. الله يسالك نحنا لو شبه ديل كان جبنا ناس سمحيين 😭😭الحمد لله بس الحمد لله 😭 .. ناس عايشين وناس دايشيين ..
انا: ولاء😒 قوولي الحمد لله مالك بتتعابطي .. الحياه قسم والله قسم لي اي زول عيشه ماتعايني في رزق الناس..
هسي انا اطلع كييف مع الورطه دي😡😡.. شلتا ورقتي وقلمي ومشيت ليهم بابتساامه عريضه .. اتفضلوا تطلبوا شنو ؟؟
ادهم:😊 انتي عارفه طلبي ..
انا: قهوة وموية 😊 ..
ادهم: بالضبط كده .. يا حلوة تطلبي شنو ..
افنان: نسكافيه لو سمحتي .. " طريقة الكلام كيف كيف 😂😂 كنتا دايرة احاكيها .. بس اتلفت لقيت ادهم مراقبني 😂😂 منتظرني احاكيها .. صريت ليهو ومشيت 😒 .. بي وراي ضحك وقال غايتو "
افنان: مالك يا بييبي !
ادهم: مافي حاجه .. اها قلتي لي حتسافري بتييين !...
.....
انا: الله ياخدك ياخ 😡😡
ولاء: يابت بتتكلمي براك مالك ؟؟
انا: ياخ حيوان خلاص .. عايز يزلني بي اي طريقه .. خصوصا قدام البت دي .. "ياحلوة 😒😒"
ولاء: 😂😂😂😂غايتو يا سندس لما تجي تحاكي بتتعولقي خلاص .. انا: كدي زحي لي😒😒
ولاء: 😂😂😂😂😂😂💔💔
.. مشيت قدمتا ليهم الطلبات .. وقلتا ليهو تامروني بي حاجه تانيه؟
ادهم: لا تسلمي✋
... مشيت دخلتا المطبخ واضطريت اقعد طبعا لانو جا 😡😡 وكل ما اطلع بره اقدم طلب القاهو متبعني في خطواتي 😒 لما زهجني .. قلتا لي ولاء .. ادهم ده حيتلايق وما حيطلع انا حازوق منو بي البوابه الخلفيه .. ولاء قالت لي لا ياسندس ماتعملي مشكله .. بس انا اصريت اطلع طلعتا ملابس الشغل ومشيت طلعتا .. ادهم قعد وقعد هو وافنان وبعد مسافه افنان طلعت وودعتو .. وهو لسه قاعد ..
....
انا ركبتا مشيت شارع النيل اللي هو جنبنا .. لاقيت الدكتور العريس سلمتا عليهو وقعدتا .. وطبعا عارف اسمي رهف ..
عبد الله: اهليين يامرحب بييكي رهف 😊
انا: ايووة .. اهليين
عبد الله: اتفضلي اتفضلي ..
" في سري .. الله يحلنا واخلص😒😒 غايتو الحمد لله 💔"
بدا يتعرف علي .. وطبعا كلو كذب في كذب 😂😂😂 .. وبدينا نتكلم ونتونس عن شغلو وعن شغلي .. وبرضو ما وريتو وضعنا ..
....
يوسف في الجامعه قاعد بتونس مع صحبتو ليلى .. صحبتو شدييد ليلى .. كانت بتحكي ليهو انها نزلت رياضه عشان تنحف وبعد الرياضه صاله زومبا .. كانت بتوريهو انها بتتعب وده ارهاق وبتفكر تقيف عشان الجامعه والامتحانات قرربت 💔💔 ..
يوسف: ليلى .. يعني بتدفعي قروش عشان ترقصو😂😂
ليلى: ااي والله قروش كتيره كمان💔 اتخييل بس😪
يوسف: قدر شنو كده ؟
ليلى: الاشتراك بي ٤٠٠ جنيه عشان الصاله سمحه وكده ومظبطه
يوسف: ومدربتكم بت ؟!
ليلى: طبعا ياخ ده سؤال لييك .. بت صغيرة قدرنا رقااصه لكن😍
يوسف: راتبها كوويس ؟؟
ليلى: اييك ياخ بكون كووويس شدييد .. يوسف اذا البت ابوحدة ٤٠٠ جنيه اتخيل انو الصف الواحد بكون فيهو ٣٠ بت .. وانو الكوتش بتدرب تلاته صفوف على الاقل يعني راتبها بطلع تقريبا تلاته مليون في الشهر .. ده غير انها تلاته ايام بس في الاسبوع ..
يوسف: ياخ الموضوع سممح عديييل كده 😍 ..
ليلى: انت بتسال ليييه يعني ..
يوسف: حاقول لييكي .. بس وريني دايرين ليكم مدربه ؟
ليلى: ماعارفه والله .. الا اسال ليك ..
يوسف: اسالي لي وردي لي سريييع .. بكره منتظر جواب
ليلى: اصلا حقتنا دي تقريبا قالت ده اخر شهر ليها بس ماعارفه
يوسف: اتاكدي و وريني .. لااازم
ليلى: عندك مدربه ولا شنو😉
يوسف: عندي مدربه رقااااصه شديييد عندها موووهبه الرقيص براااها علمت روحها .. رقاااصه شديد
يوسف: دي منو .؟
ليلى: بعرفك عليها لما اجيبها الصاله .. بس انتي اكدي لي..
.....
ادهم قعد وقعد في المطعم وطبعا بفتش بعيونو علي .. ما لاقي سبب عشان يزلني بيهو.. قام على حيلو وختى الحساب وماشي .. ولاء كانت مراقباهو .. تاني رجع دخل ونادى ولاء اشر ليها بيدو.. جاتو لحدي الباب .. قام سالها ... الاء وين؟؟
ولاء: الاء منو؟؟
ادهم: صحبتك البتشتغل معاك هنا👆😕
ولاء: عفوا .. يا سيد ادهم مافي بنت هنا اسمها الاء ..
ادهم: البت الكانت بتجيب لي الطلبات اسمها منو ؟؟
ولاء: اهااا قصدك سندس 😂😂 ..
ادهم: سندس 😕 .. ما غريبه عليها تكذب برضو كمان ..
ههه طيب تماام .." وطلع مشى .."
ولاء: ده مالو ؟؟
سندس كذبت عليهو وقالت اسمها الاء😂😂💔💔
....
طلع ادهم وهو سايق في الطريق .. بضحك 😂 والله البت دي . ما بتخاف كلو كلو .. نفسي اعرف هي شيطاانه كده مالها .. وهو بتكلم مع نفسو عني وبضحك وقف في الاستوب وشافني قاعده في شارع النيل .. ادهم اتخلع 😳😳 الاء .. هي سندس😳😳 ..
وقف عربيتو في شارع النيل ونزل .. قرب من المكان القاعدة فيهو مع العريس عبد الله .. ونحنا قاعدين بنشرب في القهوة 😪 ..
سمع عبد الله : قال لي يا رهف .. انتي عارفه انا نفسي اعمل عرس قرييب ...
طبعا فرحتا وقلتا خلاص الامور ظبطت 😍😍 .. وحاعرس خلاص ..
عبد الله: بس اتعرف على اهلك اول .. واشوف شغلك في الشركه وكده عشان ارتب للعرس .. يعني نتعرف اكتر ..
" واظهر لي يا ادهم وهو بضحك😂😂😂 يا رهف .. 😂😂 اتهلعتا واتلفتا لقيتو هو😳 قمتا من الكرسي مهجووومة😳😳 ..
ادهم: ولا اقول ليك نووورة ولا سندس ..
انا :😳😳😳
عبد الله: عفوا!!!
ادهم: تعال تعال ياعريس 😂😂😂 ... ده العريس الجدييد يا سندووسه 😉..
انا: 😡😡😡😡
