انا ويوسف مشينا لصاله فيتينيس .. في الطريق قال لي سندس خليك مهذبه عليك الله عشان المدربه تتقبل بيك .. اوووعك تطولي لسانك على البت هناك لو سمحتي
انا: يوسف خلاص وعد ما حاقل ادبي اطمن ياخ ..
دخلنا الصاله واتهجمتا طبعا .. صاله كبيييرة وكيفه وحلوووة اول مرة اشوف حاجه زي دي .. اتعرفتا على المدربه سحر. وسلمتا عليها ومعاها وحدة تانيه اسمها لدن ... يوسف قال ليهم نحنا من طرف ليلى .... سحر قالت ليهو ايووة اتفضلو ..
قعدنا وسحر بتعاين لي من فووق لي تحت ماعجبها مستواي 😪 .. ويوسف كان خايف ترفضني وتكسر قلبي .. لدن جابت لينا موية وقعدت برضو تعاين لي .. انا فهمتا نظراتهم وسكتا عشان يوسف .. قامت سحر قالت لي ممكن تعملي جولة في الصاله .. اتفرجي فيها وادينا رايك ..
يوسف: طيب ارح
سحر: لالا اقعد انت خليها هي براها ..
"انا حسيت في شي عايزة تقولو من وراي المهم مشيت وقلتا الف اشوف الصاله الكبيرة دي .. "
سحر: يا استاذ يوسف بعتذر نحنا وظفنا وحده تانية
يوسف: كييف. يعني ؟!
سحر: يعني ما محتاجيين كوتش جدييدة ..
يوسف: بس ليلى الصباح اكدت لي انكم محتاجين !!
سحر: بعتقد حصل سوء تفاهم
لدن: ايووة شكلو ليلى مافهمت كلامنا
يوسف: يا مدام .. انا عارف انتي غيرتي رايك عشان مستوى سندس
بس انتي ماشفتيها .. هي موهوبة شدييد ..
سحر: يا استاذ لو سمحتا .. هسي البنات حيجو داخلين لو سمحتا سوق سندس واطلعوا .. ماعندنا شغل
" انا كنتا بلف وعجبتني الصاله .. دخلتا مكان البنات برقصو كلووو مرايات رهييبه وكبيره .. طلعتا ملابس الشغل وبقيت با الاستريتش و الكط والطرحه وفكيت شعري وشغلتا تلفوني الربيكه .. ورقصتا حفيااانه ❤❤ والجو عجبني شديييد.. اوول مرة القى المكان المناسب للرقيص .. بدون ما اشعر بقيت ارقص وبعاين لي روحي في المرايات .. سحر ويوسف ولدن اتناقشو ويوسف زعل انها ما حتشغلني عشان ما مناسب مستواي .. البنات المشتركات جو عشان زمنهم خلاص .. دخلو الصاله ولقوني جووة برقص😍 اتخلعوا 😍😍 دي المدربه الجديييدة 😍😍😍 كلهم بقو بعاينو لي برقص❤ ..
سحر قالت لي لدن امشي نادي سندس عشان تطلع .. وكلميها انو لقينا مدربه غيرها .. سحر جات ولقت البنات ملموومات بعاينو لي برقص ..وهي زاتها اتبهرت من طريقة رقصي❤ وانا ده كلو ما جايبه خبر ليهم بره .. وبرقص لسسه ❤ ..
سحر: البت دي اتاخرت مالها .. هسي لو البنات جو من الباب الخلفي يقولو شنو بس ..
يوسف:😒😒😒
سحر: انا حامشي اشوفهم الاتنين انت خليك هنا تمام ..
جات سحر عشان تنادينا لقت البنات ولدن بعاينو لي 😍 ومدهوشييين .... سحر استغربت😕ديل متجمعين كده في شنو ... كوركت ليها
يا لدن يا لدن يا بنات ..
اتلفتو ليها .. ووحدة من البنات قالت ليها ..
يا كوتش😍😍 الكوتش الجديدة رقاااااصه شديييد
سحر: الكوتش الجدييدة!!
لدن: ااااا يا سحر تعالي معاي
" ساقتها على ركن وقالت ليها:
سحر البت دي موهوووبة 😍😍😍 موهوووبة شدييد .. لو اشتغلت هنا حتجيب لينا تراااب😍😍 لازم لازم توافق ..
سحر: توافق شنو انتي هبله ما شايفاها عامله كييف ؟؟
لدن: سجر شوفي البنات عجبتهم كييف .. تعالي عايني ليها بالمرايه
" وقفت سحر مسافه بتعاين لي برقص وهي زاتها اتبهرت البت دي رقاصه كيف .. اتلفتت لي لدن وقالت:
طيب اها بس نعمل شنو لي شكلها؟؟
لدن: ياخ نديها لبس بودي جديد ونظبطها والموضوع بتحلها كده 😉👌
سحر: ادخلي ناديها طيييب😪
جات لدن داخله ونادتني ... ويادوب اتلفتا وانتبهتا للبنات الكتااار واقفين مشيت بره وهم بصفقوا اول ماجيت طالعه ...
لدن: يلا يابنات .. اقيفو شوويه والكوتش بتجي ..
دخلنا المكتب بتاع سحر .. اول ما دخلتا يوسف .. يلا يا سندس
سحر: اصبر اصبر .. كدي اقعدو شويه
يوسف: تاني في شنو؟؟؟
انا: يوسف مالك ؟؟؟
سحر: بصراحه انا يادوب شفتا سندس وبالجد عندها موهبه .. عشان كده حنوظفها هنا .. والراتب اتنين مليون في الشهر وكل ما العددية تزيد لصفووف الرقيص بالذات عندك نسبه .. يعني انتي وحظك ..
انا: بالجد 😍😍😍 ..
يوسف يوسف سااامع 😍😍😍 ياسلااام 👏👏💃💃
يوسف: هههه خلاص خلاص فهمتا 😂😂
سحر: بعد بكره تجي عشان تبدي ونحنا حنعمل العقد في نفس اليوم ..
انا: ما ممكن بكره؟؟
سحر: بكره الصاله لي الاولاد ..
يوسف: سندس بطلي شفقه😂😂😂
انا: مبسوووطة ياخ😍😍😍
يوسف: شكرا ليك يا استاذه ..
طلعنا مشينا البيت وانا مبسووووطة شديييد ويومنا انتهى على كده ..
.......
الصباح مشيت المطعم .. مبسوووطه شديييد 😊😊 واتمليت معنويات شووويه .. بس دايما في زول بخربها لي .. وهو ادهم 💔😒...
جا داخل المطعم .. وقلتا ما اتلائم معاو والزم حدودي .. ناداني اول ما دخل .. مشيت ايهو طبعا وبابتسامه
اتفضل .. حضرتك تطلب شنو؟؟
ادهم: شكلك مبسووطة خير!
انا: يا سيد تطلب شنو لوو سمحتا ؟؟
ادهم: ده حبييبك الامبارح؟؟
انا: يا سيد لوو سمحتا .. تطلب شنو😒😒
ادهم: انتي😉
انا: استغفر الله .. ياااااربي الخلقتا الناااس 😡😡😡
ادهم: زعلانه مالك قدر ده ؟؟😂😂😂
انا: انا عايزة اعرف .. انا عملتا ليك شنو عشان تعاملني كده .. بس عشان حاكيت حبييبتك ديك في الكلام!
ادهم: اولا ديك ما حبييبتي ..
انا: مابهمني كتير .. داير تطلب شنو ؟؟
ادهم: انتي ✋😉
انا: يا ادهم .. في شنو
" طبعا نسيت نفسي لانو زهجني ووصل اخلاقي السما فوووق .. جرييت كرسي وقعدتا جنبو وقلتا ليهو في شنو ؟؟"
ادهم: والله شايفك بقيتي الحاله وحده
انا: انا لما جيت هنا كنتا محترماك بس زول بحاول يتمادى علي انا ما حاخليهو..
ادهم: نفسي اعرف حايبه القوة دي من وين ..؟؟
انا: من الدكان 😒😒
ادهم: هههه .. كمان لئيييمة😂😂
انا: ادهم .. اسمعني " ورفعتا ليهو صباعي .. ادهم استفزتو الحركه .. مسك لي اصبعي الرفعتو بي يدو 😒 وانا حمرتا ليهو طوالي😡"
ادهم: ما تنسي نفسك يا سندس .. تمام ..
انا: طيب انتا احترم نفسك اوول .. وما تخليني ..
ادهم: ما اخلييك شنو!؟ .. تتنرفزي؟ اها وبعد داك حيحصل شنو؟
انا: ادهم فك يدي ..
ادهم: ما حافكها ولو كسرتها لييك هسي مافي زول بسالني ..
" عاصم كان هناك .. قال لي ولاء!! في شنو ديل مالهم!! سندس بتعرفو من وين؟؟"
ولاء: انا زاتي مااا فاهمه اي شي😳😳
يدي وجعتني من مسكتو الحارة .. واتضايقتا شديييد من طريقة استفزازو لي .. نزلتا راسي لي تحت لاني ما بحب الاعتذار .. وقلتا ليهو انا اسفه يا سيد ادهم ..
طريقه كسرتي واعتذاري حركت قلب ادهم .. 💔 ولي اول مرة ادهم كان يحن لي بت .. نزل يدو بسهولة بعد كلامي ده .. والحاجه الخلتني استغرب فيهو .. عاين لي بعين غريييبه عين حنيييه كده ..
وخلاني امشي وبعد مشيت ودخلتا جووة ..
ادهم سرح وعاين لي كانو في حاجه اتحركت في مشاعرو ❤...
