ادهم فضل يعاين لي ويعاين وانا شغاله .. لحدي ما خلصتا شغل .. الغريبه انو قعد في المطعم لحدي ما انتهييت ولما جيت طالعه .. اتهجمتا لما لقيتو قاعد😳 بسم الله ده لسه ما مشى!
سفهتو ومشيت .. وانا ماشه في الشارع هو كان سايق عربيتو بي وراي براااحه كانو متبعني .. طبعا انا اتضايقتا من حركتو هسي لو زول شافو وعربيتو مظلله كمان يقول شنو عني 😒😒 .. قلتا اطنش وامشي بس ادهم لسه مصر بمشي وراي بالعربيه ... لحدي ما وصلتا جنب المواصلات وجنب جامعه الرباط .. وواقفه منتظرة الحافله تمر .. قام هو نزل وجا وقف جنبي وعمل نفسو ما شغال بي كانو عايز يركب المواصلات .. اتغظتا منو وماقدرتا اقول ليهو واقف مالك ..
والحافله اتاخرت وهو لسه واقف .. وكل دقيقه مرة اعاين ليهو بي قعر عيني اتاكد منو .. ولسسه هو واقف .. وهو برضو كان بعاين لي بقعر عينو😂😂 وبس شغاليين كده 😂😂💔 .. كانت مراقبانا صحبتو افنان .. بتاعت يابييبي 👌😒 قطعت الظلط وادهم ما منتبه ليها .. وجات لفتتو .. ادهم يابييبي مالك واقف والعربيه واقفه هنا ..
ادهم: ااا.. ماعرف يقول شنو ؟؟
افنان: داخل الجامعه .. ولا ماشي وين؟؟
ادهم: لالا ما داخل ..
افنان عاينت لقتني انا بعاين بقعر عيني وبتلفت تاااني .. قالت ليهو خلاص ارح نتغدا برره انا جوعاااانه ياخ " قالتها بطريقه استفزااازية وانا طبعا بدون ما احس حاكيتها بصوت كمان جوعااااااانه 😒😒😪 غاظتني طريقه دلعها وحنكشتها .. بس افنان سمعتني قالت لي .. عفوا قلتي شنو؟؟
ادهم: ضحك 😂😂😂😂 ماقدر يكتمها ،😂😂😂
افنان: كانك حاكيتيني؟؟
انا: انا اتكلمتا معاكي؟؟
افنان: وتتكلمي لي شنو اصلا .. ومنو انتي عشان تحاكيني ااا؟؟
ادهم: افنان خلاص خلاص ارح .. 👋
افنان: لا دقييقه .. دي قايله نفسها منو.. كان ما شغاله في مطعم وبنجي نديها بقشيييش عشان تركب بي مواصلات ..
" وكلامها ما بقدر ارد عليهو .. متخيلين كميه الوجع السمعتها منها .. متخيليين انها قدرت تزلني بي كلام بسييط والاصعب انو كلامها صح 💔 ماقدرتا ارد عليها .. حسيت نفسي اتكسرت واتزليييت مرتين منها ومن ادهم لما اعتذرتا ليهو عشان ما اتطرد 💔💔 والاصعب من كده انها اهانتني وادهم واقف وطريقه استفزازها بالكلام خلت دموعي تقيف طرف عيني والعبره خنقتني وبرضو ما بقدر ابكي قدام ادهم .. الحمد لله انو الحافله وقفت وجرييت عليها ركبتها وطوالي بكيييت 😭😭 لما ناس الحافله قايلييين في حاجه حصلت لي💔💔 ..ادهم من جواهو زعل واول مرة يزعل واضايق من كلام افنان .. وعاين لي لما مشيت وكان حاسي اني حابكي .. وافنان ولا همها شي .. قالت ليهو ادهم يلا ارح نتغدا نفسي في شيش طاووق❤👌"
ادهم كان زعلان من جواهو وبطنو طمت منها و ردا ليها بي برود .. افنان امشي هسي عندي شغل .. طلع دور وخلاها واقفه مكانها .. في الطريق منظري وانا زعلتا ما راح من بالو وبقى بتذكر بما اتعذرتا ليهو ولما افنان كسرتني قدامو .. لحدي ما وصل بيتهم واخد دش وطلع رقد في السرير .. انا ما رحتا من بالو .. ❤ بقى بكتب في الحيطه بي اصبعو سندس الاء❤ الاء سندس❤ .. آليتي ❤ سندس❤ ..
وهو بتبسم براهو " ويبدو انو ادهم استلطفني❤❤❤"
.....
انا بعد العشاء جعتا ومالقيت حاجه اكلها .. كوركتا لي امي ..
انا: امي مافي حليب؟؟
امي: فااتحه نفسك والله لي حليب😒 امشي يابت نومي سااي
انا: يااااخ ما ممكن
امي: سندس 😳 ما تعترضي على عيشتنا واحمدي الله
انا: ما اعترضتا يا امي.. استغفر الله 💔
امي: خلاص في كيس لبن بدرة بي جنيهيين امشي جيبي من الدكان وتعالي اعملي لبن بدرة بي موية وفي حبة سكر .. وعيش ناشف قرقووش رشي عليهم واكلي ..
انا: طيب😪😪
... وماشه في الشارع اجيب اللبن وبتكلم براي.. الحمد لله الزول يجي من الشغل والتعب ياكل عيشه ناشفه .. الحمد لله على كل حال في ناس ما لاقيينها يا سندس احمد ربك.. وفي ناس 😒😒 يشربو النسكافيه ويخلو نصو في الكبايه عشان الاتكييت😒💔 .. طبعا قاصدة ادهم وافنان💦.. بعد اشتريت اللبن لاقيت يوسف رااجع من الكورة سلمتا عليهو ..
يوسف: يابت الكلعه شنو بالليل
انا: كنتا جعانه قلتا اجيب لبن بدرة
" يوسف فهم انو مافي شي في البيت ياكلو .. وعارفني نفسي عزيزة مستحييل اقول ليهو ماعندنا حاجه ومساحيل احسسو بالجوع .. قام قال لي .. انا زااتي جعاان .. طبعا طوالي فكرتا الحياكل العيشه الناشفه منو انا ولا هو😂😂😂 وبصراحه جعاانه مابقدر اجامل قمتا قلتا ليهو بظراافه كده.. يا يوسف انا ماشه اكل عيشه بي لبن لاني مابحب اكل بالليل وانتا عاارف 😆 .. يوسف لسه مصر😂 خلاص باكلها معاك المشكله وييين !
انا: يوسف😡😡😡 عيشه وحدة هي ..حتكفينا كييف
يوسف: ايواا😂😂😂😂قولي كده يا انانيه .. خايفه على روحك 😂😂😂 ... خلاص طيب بمشي بيتنا اشوف قرقوشه واجي .. الليله الا اكمل ليك لبن البدرة ده والسكر 😂😂 ...
انا: امشي خلاص سرييع يا ثقييل ..
مشى البيت وجاب القرقوشه بتاعتو .. وانا كبيت المويه واللبن والسكر في حله وصطهم وكترتهم طبعا بالموية😂💔 .. وفتيت القرقوشه لحدي ما لينت وجينا قعدنا في الحوش انا ويوسف في الارض .. اكلنا واكلنا .. وربنا بارك لينا فيها.. اتخيلو حتى فضل منها وانحنا شبعنا ❤ والحمد لله ❤❤❤
......
الصباح صحيت عشان الليله الصاله .. لبستا سرييع سريييع ومشيت الصاله .. ولاقيت سحر ولدن اتفقتا مع سحر انو اجي الساعه سبعه مساء لانو شغلي في المطعم بنتهي الساعه سته ومسافه المواصلات وكده .. وحامسك صفين في اليوم .. وكده حاطلع الساعه تسعهه❤ مضيت العقد معاها واتفقنا .. وسحر طلعت لي ملابس رياضه .. عشان تبقي الموضوع ظريف وماتعلق على لبسي قالت لي ده الزي الرسمي لما تجي هنا حتخشي الحمام وتاخدي دش وتغيري ولدن بتهتمه بالباقي .. ما دايرة اعمل معاها مشكله ونقاش فقلتا ليها تمام طيب .. وطلعتا سريييع للشغل مشيت. المطعم ولقيت ولاء صاره لي😡 اتاخرتي مالك ياعواليق ؟؟؟
انا: ولاء كلمتك حامشي الصاله .. دقيقه اغير واجيكي ..
ولاء: يا بت ماشفتي عاصم هااايج من الصباح ..
انا: مالو ده كمان !؟
ولاء: قال انك اتاخرتي ..
انا: ماعندو موضوع بس .. كلها دقااايق
ولاء: سندس ساااعه كامله 😂😂😂دقايق قال😕😒
" ونحنا بنتكلم .. اتلفت للزاوية لقيت ادهم قاعد وجنبو فنجان قهوة .. استفربتا وقلتا لولاء ؟! ادهم الجاب ليهو القهوة منو؟
ولاء: انا وديتها ليهو
انا: غرييبه ما سال عني ؟؟
ولاء: برري شكلو زهج وقال اخليك في حالك ومايشغلها ليك 😕 ..
انا: غايتو .. الله يهديه ..
" الكويس انو ماشافني ادهم لما جيييت 👏"
وبعد شويييتيين .. جات داخله افنان ومعاها بتيين .. وما قعدت جنب ادهم قعدو في تربيزة براهم .. لما شفتهم خلاص اتوترتا .. قلتا لي ولاء قلبي قبضني حاسه في حاجه كعبه حتحصل ..
ولاء: هبله انتي .. مالك بسم الله يحصل شنو؟؟
انا: الله يستر بس ❤
ولاء: صحي يا سندس .. بعد الشغل مش حتمشي الصاله
انا: ااي .. يوسف حيجيني ونمشي يوصلني ..
ولاء: انااا يا يوسف❤😉
انا: يابت بتتعاوري مالك 😕
ولاء: عيونك ببقو حب حب لما تقولي اسمو 😉
انا: ولاء ياخ هس😊😊😊
ولاء: خجلتي يعني😉😉
" وانحنا بنتشاغل كده .. نادتني افنان .. طقطقت بي اصابعها بس ونادتني . مشيت ليها .. قالت لي : جيبي لينا نسكافيه وموية..
انا: طييب ومشيت في سكات جبتا ليها الطلبتو
" قعدو وقعدو .. وتاني بعد زمن نادتني ... ومشيت ليها .. طلبو اكل ومشيت جبتو وجيت وانا مبتسمة وساكته عشان ما اتطرد .. "
زمن مواعيدي قررربت للصاله ... وادهم يادوووب خلص حساباتو وانتبه اني جيت ابتسم لي .. وما عبرتو دخلتا جووة ..
افنان طقطقت لي تاني .. عشان اجي اشيل الحساب ... مشيت ليها وهي. بتخت في القروش صحباتها كانو بتضاحكو ... وحركات مغرزة بتاعت بنات .. بس عملتا نفسي ما منتبها ليهم ... افنان قبل ما تمد لي دفتر الحساب وهي ماسكاهو في يدها .. اتكلمت وهي بتعاين لي صحباتها .. وقالت ليهم:
يابنات .. اتخيلو في ناس ما بعرفو الشيش والكرسبي والحاجات دي .. وهم بضحكو بسخرية كده 😂😂😂 ... واتخيلو انو ناس مابلبسو هدوم زي الناس الا في الشغل وبره هدومهم حالتها صعبه ياخ وهم بضحكو 😂😂😂 وانا واقفه لسه 😡😡😡" هنا جات ولاء تقدم طلب للتربيزة الجنبنا وسمعت الكلام ..💔💔 وقفت وسكتت زييي ما انا واقفه لسه 💔" .. واتخيلو يا مزز انو البنات وصلوا ليي ياتو مرحله !!
صحباتها: قولي يافنو 😂😂😂
اتلفتت وهي بتعاين لي .. وقاصده اي حرف بتقولو جووة عيوني قالت:
في بنات قروش البقشيش ما بتشبعهم .. ياخ ما بشبعو الا من الرجال .. وصلو لي درجه يجرو وراهم ولا يركبو معاهم عربات مظلله 😆 ويعملو معاهم العجايب جوووة العربيه وينزلو كانهم شريفات 😆😆 وعايزين يقارنو روحهم بي بنات الناس والعوايل وهم في الحقيقه .. بنات شوااارع 😂😂😂 ...
" انا هنا وصلتا الحد من كلامها وقله ادبها وزلتها واستفزازها .... وطوالي شلتا يدي وخبتها كف حاااااااااار .. خلا المطعم كلووو يقيييف على رجل واحدة ....
