مازلت ملكة فى بيت أبى

الحلقة الثانية

مازلت ملكة فى بيت ابى
................................
بقلمى #كوثرمحمد
.........................
صفاء:- ايه اللى انا بقوله دا استغفر الله العظيم. .. ......انا اكمل الاكل احسن
....... وتكمل صفاء الطعام وبعد ان تنتهى تأتى منار ورضوى
يدق الباب ويذهب رامى ليفتح
رضوى:- انت هنا يا ابيه
رامى:- لأ هناك دا خيالى
رضوى:- وهى تدخل ....... طيب عن اذن خيالك فين ابلة صفاء ميس منار معايا
رامى:- اهلآ وسهلآ اتفضلى
منار:- شكرآ  ....... وتدخل منار ورضوى عند صفاء
ويدخل رامى عند عمه
منار:- انتى لسه مخلصتيش الاكل يا ست هانم
صفاء:- بخضة ......... الله يخربيت الشيطان ......... هو انتوا ناوين على موتى النهاردة
منار:- بضحك ......... ليه مين خضك غيرى
رضوى:- بضحك......... اكيد ابيه رامى
صفاء:- اه يا لمضة هانم هو. ............ واتفضلى اطلعى غيرى هدومك وتعالى اتغدى معانا
رضوى:- هو ابيه رامى هيتغدا هنا
صفاء:- اه عند حضرتك مانع
رضوى:- لأ طبعا هو انا اقدر ..... فريرة واكون هنا
...... وتذهب رضوى الى شقتهم
منار:- وهى تمسك صفاء من دراعها ........ بت انتى هو المز اللى فتح الباب دا هو حبيب القلب
صفاء:- واطى صوتك لا يسمعك
منار:- بصوت خافض....... طيب قولى هو ولا لأ
صفاء:- ايو هو اكتمى بقا
منار:- يالهوى على جماله ......ادا يابت انتى معرفتيش توصفى كويس
صفاء:- لأ ماهو شكله اتغير عن اخر مرة نزل فيها
منار:- ااااه ..... هو ليه اخ مش كدا
صفاء:- بضحك ........ اه يا ختى بس متجوز
منار:- يا خسارة ...... وشبه بقا على كدا
صفاء:- اه شبه اوى كمان بس رامى على احلى واصغر
منار:- اوعدنا يارب بواحد زيه كدا
صفاء:- ما تتلمى يابت انتى وروحى وادى الاكل على السفرة بدل وقفتك دى
منار:- لا ياختى روحى انتى وانا اكمل مكانك
صفاء:- طيب اتنيلى كملى
.......... وتذهب صفاء تضع الطعام على السفرة وتنادى على والدها
صفاء:- يلا ياعبودى الاكل جاهز
عبدالرحمن:- جاين اهو ......... يلا يا رامى انت مش ضيف
رامى:- لأ يا عمى ضيف ايه دا بيتى
عبدالرحمن:- طبعآ يابنى اتفضل ........ ويذهبا الى السفرة
صفاء:- تعالى يا منار مافيش حد غريب ....... دا حبيبى عبودى ..ورامى ابن عمى واخو رضوى
منار:- اذيك حضرتك يا عمو
عبدالرحمن:- الحمدلله يا بنتى اتفضلى
منار:- وهى تجلس  ........ شكرآ ....... ازيك يااستاذ رامى
رامى:- اهلآ بيكى يا انسة منار
صفاء:- امال رضوى لسه مانزلتش
رامى:- لأ مانزلتش
صفاء:- انا هطلع انادى عليها ........ منار انتى مش غريبة البيت بيتك ....... شوية واجى
منار:- ولا يهمك اطلعى انتى
........ وتطلع صفاء تنادى على رضوى ......وهى على باب الشقة تسمع صوت بكاء رضوى تبكى بصوت عالى
....... وتخبط صفاء على الباب جامد
صفاء:- بخبط على الباب ......... افتحى يا رضوى
....... تفتح هالة الباب وتقف فى وش صفاء وتضع يداها على وسطها
هالة:- نعم
صفاء:- فين رضوى
قالة:- ليه
صفاء:- عيزاها
هالة:- عيزاها فى ايه
صفاء:- انتى مالك عيزاها وخلاص
هالة:- مش هتنزل عندك مش كفاية واخدة رامى عايزة ايه تانى
صفاء:- ايه الكلام الفاضى اللى انتى بتقوليه دا ......... اخد ايه ومخدش ايه ........ انا عزماهم على الغدا
هالة:- وهو اللى يعزم حد مش يعزم الكل ولا احنا وقعنا من قعر القفة
صفاء:- ولا قعر ولا حرف ....... انتى من امته بترضى تنزلى عندنا ولا هى تلاكيك وخلاص
هالة:- ولا تلاكيك ولا حاجه ......... انا قولت مش هتنزل وخلاص
صفاء:- هتنزل غصب عنك ..... واعلى ما فى خيلك اركبيه .......... وتنده صفاء على رضوى وتاخدها بالعافية وتنزل على شقتهم
وبعد قليل يأتى رامز
هالة:- ببكاء مصتنع ........اهئ اهئ اهئ
رامز:- مالك يا هالة فى ايه
هالة:- ينفع كدا اهئ اهئ .... بنت عمك تشتمنى وتضربنى اهئ اهئ ..... وتاخد رضوى غصب عنى اهئ اهئ
رامز:- بنت عمى مين صفاء
هالة:- وهى فى غيرها الحقودة الغلوية اللى هتعنس اهئ اهئ
رامز:- بشك ....... وهى عملت كدا ليه
هالة:- بكدب ....... علشان عايزة تاخد رضوى بالعافية عندها تحت ........ طبعآ ما هى عايزة تشغلها عندها .......وتخليها تهمل مذكرتها اهئ اهئ اهئ
رامز:- طيب بطلى عياط وانا هنزل اشوفها واجيب رضوى
.......... ويتركها رامز وينزل الى شقة عمه
       ...............................................
فلاش بااك
قبل شوية
............ صفاء ورضوى على السلم
صفاء:- مافيش داعى انك تقولى ل رامى حاجه من اللى حصل يا حبيبتى
رضوى:- حاضر يا ابلة
صفاء:- يلا ادخلى اغسلى وشك وحصلينا على السفرة
رضوى:- وهى تذهب لتغسل وشها ..... حاضر يا ابلة
...... وتذهب صفاء اليهم على السفرة
صفاء:- ايه خلصتوا الاكل ولا ايه
عبدالرحمن:- واحنا نقدر برضه ...... بس الواد رامى اكل
رامى:- لأوالله انا بس مقدرتش اقاوم ريحة الملوخية بصراحة تحفة
صفاء:- بالهنا والشفا
عبدالرحمن:- بس انتى اتاخرتى ليه ..... وفين رضوى
رضوى:- انا هنا يا عمى
عبدالرحمن:- تعالى هنا جمبى يا قطتى الشقية مكان صفاء
صفاء:- ايه يا عبودى وانا اروح فين
عبدالرحمن:- انتى يا حبيبتى اقعدى جمب صحبتك اللى جوعنها معانا
منار:- وهى تاكل بنهم ........ جوعت مين يا عمى ....... انا فى الاكل معرفش حد ومش بتكسف
صفاء:- وهى تلغزها فى كتفها ......... طيب على مهلك لا تزورى
                                             باك
.......... وهنا يدق جرس الباب
عبدالرحمن:- يا ترا مين
منار:- انا هقوم افتح
عبدالرحمن:- يا بنتى كملى اكلك.
منار:- وهى تذهب للباب ...... انا الحمد لله شبعت ........ وتذهب لتفتح الباب
منار:- بعد ما فتحت ........ بهيام حضرتك مين
رامز:- انتى اللى مين
منار:- انا منار صحبت صفاء
رامز:- طيب اندهيلى صفاء من فضلك
منار:- بتنهيدة ........ حااااضر
........ وتدخل منار
عبدالرحمن:- مين يا بنتى
منار:- واحد عايز صفاء
عبدالرحمن:- واحد مين دا
منار:- مقالش
عبدالرحمن:- انا هشوف مين
رامى:- بوش احمر من الغضب ........ انا جاى معاك يا عمى
.......... ويذهب عبدالرحمن ورامى ليرا مين بالباب
عبدالرحمن:- رامز .......اهلا يابنى اتفضل
رامز:- شكرآ يا عمى ..... . بعد اذنك كنت عايز صفاء فى كلمتين
عبدالرحمن:- طيب ادخل ولا هنتكلم على الباب كدا
رامز:- معلش يا عمى ..... هما كلمتين وهمشى
عبدالرحمن:- طيب يا بنى اللى يريحك
...... ويذهب عبدالرحمن ينادى على صفاء
رامى بشك:- ملك يا رامز فيك حاجه
رامز:- ماليش عادى يعنى
رامى:- انت شكلك مدايق
رامز:- وهدايق من ايه انا بس
......وهنا تأتى صفاء وتقطع حدثهم
صفاء:- اهلا يا ابيه اتفضل ادخل
رامز:- معلش يا صفاء ....... بس كنت عايز اتكلم معاكى كلمتين
صفاء:- خير يا ابيه
رامز:- ممكن يا رامى تسيبنا شوية
رامى:- ها.... اه طبعآ ....... عن اذنكم
...... ويدخل رامى
صفاء:- خير يا ابيه مالك
رامز:- بصى انا عارف انك مش بتكدبى وان اى كلمة هتقوليها هصدقها
صفاء:- انا مش فاهمة حاجه ..... كلام ايه وكدب ايه انا
رامز:- يقاطعها ..... ايه اللى حصل بينك وبين هالة
صفاء:- اااااه هى قالتلك ....... طيب ممكن اعرف هى قالت ايه بالظبط
رامز:- مش مهم هى قالت ايه ........ المهم اللى انتى هتقوليه
..... وهنا تاتى رضوى
رضوى:- انا اقولك ايه اللى حصل يا ابيه
.......... وتحكى رضوى كل ما حصل معها ومع صفاء من كلام وافعال هالة
رضوى:- وهو دا كل اللى حصل يا ابيه ....... ولو بكدب يارب ادخل النار
رامز:- وهو يطبطب على كتف رضوى ....... خلاص يا حبيبتى انا مصدئك ......... ويلا علشان تطلعى تذكرى
رضوى:- حاضر يا ابيه ..... هسلم على مس منار واطلع
رامز:- مين مس منار دى
صفاء:- دى زملتى وصحبتى واكتر من اختى
رامز:- دى اللى فتحت الباب
صفاء:- اه هى
رامز:- بس انا اول مرة اشوفها
صفاء:- ما هى اول مرة تفضل وقت طويل كدا ..... كل مرة تيجى وتمشى عالطول
رامز:- طيب انا طالع عايزة حاجه
صفاء:- سلامتك يا ابيه
...... ويصعد رامز الى شقته ...... وتدخل صفاء
عبدالرحمن:- خير يا صفاء رامز كان عايز ايه
صفاء:-بكدب ....... ابدآ يا بابا دا كان بيطمن على رضوى ..... ما انت عارف الامتحانات قربت بقا وكدا
عبدالرحمن:- بشك ....... متاكدة
صفاء:- اه طبعآ ( ولكى تهرب من والدها) ....... تعالى يا منار معايا نعمل شاى ......وانتى يا رضوى يلا اطلعى ذاكرى
...... وتذهب صفاء ومنار الى المطبخ وتصعد رضوى الى شقتهم
.....ويفضل عبدالرحمن ورامى
عبدالرحمن:- اخوك كان عايز ايه من صفاء
رامى:- والله يا عمى ما اعرف
عبدالرحمن:- الموضوع دا فى إن
رامى:- وانا بقول كدا برضه
عبدالرحمن:- يلا يا خبر بفلوس .بكرة يبقا ببلاش ......... المهم موضوع ايه اللى كنت عايزنى فيه
رامى:- .....(هنعرف بعدين)
....... فى المطبخ عند صفاء ومنار
منار:- بت يا صفاء مين المز اللى كان عايزك دا
صفاء:- اتلمى يابت دا رامز ابن عمى
منار:- هو دا اخو رامى
صفاء:- ايو ياختى واتلمى بقا احسن رامى يسمعك
منار:- انتى قولتى. انه متجوز مش كدا
صفاء:- ايو متجوز بس مراته الله يسمحها منكدة عليه عيشته
منار:- بهيام ....... هو المز دا حد ينكد عليه برضه
صفاء:- بت فوقى كدا ......... امشى قدامى يلا
........ ويذهبا الاثنتين الى مكان عبد الرحمن ورامى ......... وتقدم لهم صفاء الشاى
صفاء:- اتفضل يا بابا ....... اتفضل يا رامى
رامى:- شكرآ يا صفاء تسلم ايدك
صفاء:- بالهنا والشفا ......... تعالى يا منار نلم السفرة
منار:- انا لمتها من بدرى
صفاء:- امته دا
رامى:- وهو يجز على اسنانه ........ وانتى بتتكلمى مع رامز ....... ومخلتش حد يساعدها
صفاء:- طيب تعالى ندخل جوا ونسيبهم براحتهم ............ وتنظر الى رامى بغيظ
منار:- يلا ....عن اذنكم
عبد الرحمن ورامى:- اتفضلى
......... وبعد فترة من الكلام الكتير تذهب منار الى منزلها ......... ويصعد رامى الى شقتهم
عبد الرحمن:- تعالى يا صفاء انا عايزك شوية
صفاء:- خير يا بابا
عبد الرحمن:- وهو يجلس ......... اقعدى الاول
........ وتجلس صفاء
عبد الرحمن:- كنت عايز اتكلم معاكى
صفاء:- تحت امرك يا بابا
عبد الرحمن:- اولآ انا عايز اعرف موضوع رامز ايه
صفاء:- موضوع. .......... موضوع ايه ......... ما ..... ما فيش موضوع ولا حاجة
عبد الرحمن:- عنى فى عينك كدا
صفاء:- اصل يا بابا الحكاية ان .......... وتحكى صفاء كل شئ حصل بينها وبين هالة وكلام رامز معاها ........ بس يا بابا وهى دى كل الحكاية
عبد الرحمن:- استغفر الله العظيم ........ انا مش عارف البنت دى جنسها ايه ........ دا حتى رامى بيشتكى منها
صفاء:- ليه يا بابا عملت ايه مع رامى
عبد الرحمن:- ها ..... لا مش وقته ...... المهم رامى كان كلمنى فى موضوع كدا وكنت عايز اخد رايك فيه
صفاء:- موضوع ايه يا بابا
عبد الرحمن:- كان عايز .........
   .........................................
رامى بعد ما طلع شقتهم دخل غرفة رضوى
رامى:- بتعملى ايه يا ضوضاء
رضوى:- بغضب ..... بذاااااكر
رامى:- ايه يا بنت انتى ما تيجى تضربينى احسن
رضوى:- يا ابيه مليون مرة اقولك متقوليش ضوضاء دى
رامى:- اعمل ايه ما انتى من يوم ما اتولدى وانتى عاملة صداع للكل ..
....... وماما الله يرحمها طلعت عليكى الاسم دا ......... وانا بقا عجبنى
رضوى:- وانا والله عارفة الحكاية دى ......... وكبرت خلاص ...... وبقا عندى 18 سنة ومش بعمل صداع لحد
رامى:- طيب هسألك سؤال لو جوابتى عليه هبطل اقولك ضوضاء تانى
رضوى:- وانا موافقة
رامى:- مش لما تعرفى السؤال الاول
رضوى:- مش مهم اى سؤال انا جاهزة
رامى:- ماشى اما نشوف ........... السؤال بيقول .......... رامز كان عايز صفاء ليه؟
رضوى:- نعم😮 هو دا السؤال
رامى:- ايو هو يلا بقا جاوبى
رضوى:- لا معلش السؤال دا مش فى المنهج
رامى:- وهو يمسكها من ودنها .......... بت انتى هتستهبلى
رضوى:- بتصنع الألم ........ اى اى يا ابيه ودنى بس سيب
رامى:- انتى هتمثلى ........ هتقولى ولا اشد جامد
رضوى:- طيب اوعدنى انك مش هتقول لابيه رامز انى قولتلك حاجة
رامى:- اوعدك
رضوى:- اصل الحكاية ......... وحكت رضوى ل رامى كل اللى حصل
رامى:- بنت التيت دى مش ناوية تجبها لبر
رضوى:- ببكاء ......... علشان خاطرى يا ابيه متتكلمش معاها ......... وحياتى وحياتى يا ابيه
رامى:- وهو ياخدها بحضنه ........... ويمسح دموعها ....... ماتخفيش مش هتكلم معاها .......... ويلا كملى مذكرة ولو احتجتى حاجة تعاليلى
رضوى:- حاضر يا ابيه
........ ويخرج رامى من غرفة رضوى وهو يتوعد لهالة فى سره
     ...........................................
توقعتكم بقا
ايه طلب رامى؟
ورامز هيعمل ايه مع هالة؟
وهالة هتعمل ايه مع صفاء ؟
رامى هيعمل ايه مع هالة؟
اشفكم على خير
مع تحياتى :- #كوثرمحمد