مازلت ملكة فى بيت أبى

الحلقة الخامسة

مازلت ملكة فى بيت ابى
-----------------------------
الحلقة الخامسة بقلمى #كوثرمحمد
-------------------------------------------
صفاء:- بابا ممكن بعد اذنك اطلب طلب قبل ما البس
عبدالرحمن:- اطلبى يا حبيبتى عايزة ايه
صفاء:- ممكن اكلم منار تيجى معانا
عبدالرحمن:- هههههههه والله كنت حاسس انك هتطلبى كدا
صفاء:- يعنى اكلمها
عبدالرحمن:- طبعآ يا حبيبتى كلميها
صفاء:- وهى تقبل جبينه ...... ربنا يخليك ليا يا احلى عبودى فى الدنيا
عبدالرحمن:- ويخليكى ليا يا احلى بنت بالدنيا
ولاء:- ادا بقا ياسى بابا هى صفاء اللى بنتك بس ولا ايه لأ انا كدا اغير بقا
عبدالرحمن:- بضحك ......... كلكم فى غلاوة واحدة ......... وياخدها بحضنه
أحمد:- احنا كدا مش هنخلص النهاردة ..... ورامى هينزل دلوقتى واحنا مش هنخلص منه
عبدالرحمن:- بس يا واد انت ......... يلا يا صافى ادخلى البسى بسرعة قبل ما رامى ينزل
صفاء:- حاضر يا بابا .......... وتدخل صفاء تكلم منار وتلبس قبل ما رامى ينزل
     ...........................................
فى منزل منار
منار:- ماما يا ماما يا مااااااااما
امها:- فى ايه يا مجنونة
منار:- صفاء يا ماما صفاء
امها:- يالهوى  مالها
منار:- هتتخطب يا ماما هتتخطب
امها:- وهى تخبطها على راسها ......... الله يخربيت جنانك رعبتينى انا قولت البت جرالها حاجة
منار:- الف بعد الشر عنك يا سوسو يا عسل انت
سهير:- والله انت هتموتنى بالسكت القلبية فى يوم من الايام
منار:- وهى تحضنها الف بعد الشر عنك يا ماما ربنا يخليكى ليا
......... ما تقوليش كدا تانى انا مليش غيرك فى الدنيا
سهير:- ويخليكى ليا يا رب وافرح بيكى انتى كمان ....... المهم صفاء هتتخطب لمين
منار:- لابن عمها ...... انا هنزل دلوقتى ولما ارجع هحكيلك كل حاجة
سهير:- تنزلى تروحى فين
منار:- رايحة مع صفاء هتشترى الشبكة النهاردة ....... يلا سلام اما ارجع هحيلك كل حاجه ....... وتقبل والدتها وتذهب
    --------------------------------------------
عند رامى
رامى:- يلا يا جماعة انا خلصت ......... يا رامز يا رضوى يلا يا بشرررررر
رامز:- بطل دوشة بقا .. .... انت ايه الازعاج اللى عامله دا
رامى:- انا خلصت من بدرى وانتوا لسه
رامز:- انا كمان خلصت بس هالة لسه بتلبس
رامى:- من غير نفس ....ً.. هى مراتك جاية معانا
رامز:- ايه مش عايزها تيجى
رامى:- لالالا ابدآ مش قصدى والله
رامز:- بضحك ايه يا عم مالك بهزر معاك
رامى:- طيب يلا بقا هنتاخر كدا
رامز:- انا هدخل استعجل هالة وانت ادخل ل رضوى
رامى:- ماشى ....... ... ويدخل رامز عند هالة....... ويدخل رامى عند رضوى
رامى:- يلا يا رضوى خلصتى ولا لسه
رضوى:- اه يا ابيه خلصت
رامى:- طيب يلا بينا ........ يا رامز احنا هنسبق على تحت
رامز:- واحنا معاكم اهو ..... يلا يا هالة
هالة:- انا خلصت اهو
رامى:- يلا بينا
    -------------------------------------------
عند صفاء
صفاء:- ما تيجى معانا يا بابا
عبدالرحمن:- لا يا حبيبتى روحوا انتوا انا  مقدرش على المشاوير دى
ولاء:- سيبيه براحته يا صفاء وبعدين احنا معاكى اهو
احمد:- يلا يا صفاء رامى بيخبط اهو .
......... ويفتح احمد الباب ....... اتفضل يا عريس
رامى:- هو انتوا لسه ماخلصتوش
احمد:- لأ خلصنا يلا بينا
وينزل رامى ورامز واحمد وبعدهم رضوى وصفاء وبعدهم هالة وولاء
عبدالرحمن:- ولاء ثوانى عايزك فى كلمتين
ولاء:- خير يا بابا
عبدالرحمن:- خدى الفلوس دى خليها معاكى لو صفاء عجبها حاجة ورامى فلوسه مكفتش هاتيها انتى لكن من غير رامى ما ياخد باله
ولاء:- ربنا يخليك يا حبيبى وتقبل ولدها وتنزل
      -------------------------------------
قبل شوية على السلم
..... صفاء وهى نزلة وهالة وراها وتقف على ملابس صفاء ..........  وصفاء تقع على ضهر رامى ........ ويقع الاتنين على السلم
رامز:- بصوت عالى ايه اللى حصل فى ايه
رضوى:- مش عارفة والله يا ابيه مرة واحدة ابلة صفاء وقعت
رامز واحمد يرفعوا صفاء من على رامى .......... ورامى يقوم
رامى:- انتى كويسة حصلك حاجه
صفاء:- انا بخير الحمد لله
رامى:- انتى وقعتى ازاى
صفاء:- مش عارفة فى حاجة مسكت فى ترف الفستان ومعرفتش امسك نفسى
احمد:- حصل خير يا جماعة  ....... المهم انتوا بخير
رامى وصفاء:- الحمد لله
رامز:- طيب هنكمل ولا نرجع
رامى:- انتى ايه رايك
صفاء:- اللى يعجبك
هالة:- انا بقول نأجل وتروحوا يوم تانى
رامى:- بنظرة غيظ ........ لأ احنا هنروح دلوقتى
ولاء:- فى ايه..... ايه اللى مواقفكم كدا
رامى:- بسرعة ..... ابدآ مستنينك
احمد:- انتى اتاخرتى كدا ليه
ولاء:- ابدآ كنت بعمل حاجة كدا
احمد:- طيب يلا بينا علشان ما نتاخرش على مكة وتتعب عمى
ولاء:- هتروح على فين يا رامى
رامى:- انا مش عارف المكان اللى يعجبكم
رامز:- نروح الصاغة ايه رايكم
هالة:- بسرعة ......... ليه يعنى ما نجيب من هنا وخلاص
رامى:- المكان اللى يعجب صفاء هنجيب منه
صفاء:- بخجل  ....... انا
رامى:- اه انتى ..... مش انتى العروسة ولا ايه
........ تأتى منار فى هذه اللحظة
منار:- اتاخرت عليكم
صفاء:- بصوت همس ........ اخرتى ليه
منار:- بنفس الصوت ......... مسافة السكة بس
وبعد السلامات على منار من الجميع
رامى:- ها قولتى ايه يا صفاء
صفاء:- نعم
رامى:- حنروح فين هنا ولا الصاغة
صفاء:- اى حاجة اللى يعجبك
رامز:- خلاص يا رامى نجيب من هنا وخلاص
رامى:- بغيظ ......... لأ مش هنجيب من هنا ...... بقولك يا احمد الصايغ اللى جبت منه شبكة ولاء فين
احمد:- اه دا كويس ومعرفة كمان
رامى:- خلاص نروح له
احمد:- اوك هكلمه واظبط معه ........ انت امكنياتك ايه
رامى:- امكانياتى مفتوحة تحت امر صفاء فى اى حاجة
احمد:- خلاص يلا بينا انا هاخد البنات معايا فى العربية وانت ورامز تيجوا ورانا بتاكسى
رامى:- ماشى... .. وخلى هالة مع رامز علشان العربية مش هتكفى
رامز:- احسن كدا علشان تاخدو راحتكم
احمد:- خلاص اللى يريحكم
هالة:- واشمعنا انا اللى مروحش بالعربية
رامز:- علشان مافيش مكان كفاية
هالة:- طيب ما تاخدو رضوى وانا اركب العربية
رامز:- خلاص يا هالة هو انتى هتعملى زى العيال الصغيرا......... يلا بينا علشان ما نتاخرش
رامى:- يلا يا احمد اطلع قدامنا واحنا وراك
...... ويذهب الجميع الى محل الذهب
فى محل الذهب
احمد:- السلام. عليكم ورحمه الله
الصايغ:- وعليكم السلام ورحمه الله وبركاته .....اهلا اهلا اتفضلوا
.......وبعد السلاماات
احمد:- احنا معانا عروسة وعايزك تشرفنى
الصايغ:- انا والمحل تحت امركم ..... كل. اللى تأمره بيه
هالة:- بسرعة ........ هاتلها غوايش
الكل ينظر لها باستغراب
ولاء:- انا اظن ان الغوايش موضة قديمة ولا ايه رايك يا رامى
رامى:- والله صفاء هى اللى هتلبس  فهى اللى تختار
ولاء:- ها يا صفاء ايه رايك
صفاء:- انا مش بحب الحاجة الاوڤر انا عايزة حاجة رقيقة كدا
الصايغ:- وطلبك عندى دى تشكيلت اساور لسه وصلة امبارح وانتى اول واحدة تشوفهم
منار:- حلوة اوى الاساور يا صفاء اختارى منهم حاجة
صفاء:- بصراحة كلهم حلوين وانا مش عارفة اختار ايه
الصايغ:- هو مين العريس
رامى:- انا ...
الصايغ:- طيب ممكن تقف هنا جمب عروستك .......... وبعد اذن الجميع هما يختارو براحتهم
رامز:- كدا احسن علشان محدش يشوشر على اختيارهم
رامى:- اختارى اللى يعجبك ومايهمكيش حاجة اى واحدة تعجبك قولى عليها
صفاء:- بخجل ...... اختار انت اللى تعجبك
رامى:- طيب اقولك على فكرة
صفاء:-  قول
رامى:- غمضى عنيكى وحطى ايدك على اى واحدة واللى تحطى ايدك عليها هى اللى تاخديها .... ها ايه رايك
صفاء:- وانا موافقة ............ وتغمض صفاء وتعمل زى ما رامى قالها وتختار عشوائى  .......... وتطلع اسوارة فى منتها الرقة والجمال
الصايغ:- بصراحة زوئك روعة جدا ..... دى فعلآ احلى واحدة فيهم
هالة:- بغيظ ... .. وطبعآ اغلى. واحدة فيهم
رامى:- مش مهم الفلوس .. المهم تعجب صفاء
رامز:- يشد هالة خارج المحل ....... ايه الهبل اللى انتى بتقوليه دا
هالة:- وانا قولت ايه يعنى ..... بنت عمك طماعة واخوك مدلوق اوى عليها
رامز:- وااانتى مالك هتدفعى حاجة من جيبك ........ ما اسمعش صوتك تانى لحد ما نروح انتى فاهمة
........ فى داخل المحل قبل قليل
صفاء:- يا رامى لو سمحت هى فعلآ غالية ممكن نشوف غيرها
رامى:- وانا مش هجيب غيرها
صفاء:- لكن دى غالية اوى
رامى:- مافيش حاجة تغلا عليكى
احمد:- ايه يا عم الحبيب مش هتشوف الدبل
رامى:- اه يا فصيل اكيد هنشوف الدبل
احمد:- وريهم الدبل علشان نخلص
الصايغ:- تحت امركم .. .... اتفضلوا
رامى:- ممكن انا اختار الدبلة
صفاء:- اه طبعآ
  ----------------------------------------------
ياترا رامى هيختار الدبلة ليه؟
وصفاء هتعمل ايه ؟
وهالة هتسكت على كدا ولا هتعمل ايه ؟
كل دا هنعرفوا فى الحلقات الجاية
اشوفكم الحلقة الجاية على خير
مع تحياتى #كوثرمحمد