مازلت ملكة فى بيت أبى

الحلقة 28

مازلت ملكة فى بيت أبى
----------------------------- بقلمى كوثر محمد
الحلقة28
     ___________________________
بعد منقشات وحورات كتير جدا استطاعت منار اقناع والدتها بعد تدخل رامز فى الكلام واقناعها ايضآ وان هذا الزواج سيكون خير للجميع وانها بذلك الزواج ستكون بجوار ابنتها فى اى وقت تحتاجها فيه وهى ايضآ لن تعيش وحيدة بعد الان وسيصبح لها ونيس فى الحياة.... وبالاخير اقتنعت سهير ان تتزوج من عبد الرحمن
     ----------------------------------------------------
.......... نروح عند صفاء وعبد الرحمن نشوفها عملت معه ايه.... طلبت صفاء من والدها ان تتكلم معه فى امرآ هام
عبد الرحمن:- ها يا صفاء خير عيزانى فى ايه
صفاء:- بصراحة كدا يا بابا ومن غير لف ودوران..... انا عايزة اجوزك
عبد الرحمن:- بضحك.... تجوزينى كدا مرة واحدة.... وهتجوزينى مين بقا ان شاء الله
صفاء:- ايوا هجوزك مرة واحدة امال هعمل جمعية للجواز..... ولو سمحت يا بابا من غير تريقة ولا استهزاء..... انا فكرت اجوزك طنط سهير ام منار
عبد الرحمن:- ايه الكلام الفارغ اللى انتى بتقوليه ده.... هو انتى اتجننتى ولا ايه يا صفاء...... وبعدين نفرض ان انا وافقت تضمنى منين ان الست ام منار توافق
صفاء:- ملكش دعوة انت بام منار.... المهم انت موافق
عبد الرحمن:- لأ انا مش موافق طبعاً
صفاء:- ليه بس يا حبيبى والله دى طنط سهير عسل خالص وحلوة ولسه صغيرة
عبد الرحمن:- اهو قولتيها لسه صغيرة.... يعنى عايزة واحد من سنها
صفاء:- سنها ايه بس يا بابا هو انت يعنى اللى كبير اوى الفرق بينك وبينها مش كبير اوى يعنى..... ممكن يكون نفس الفرق اللى بين رامز ومنار
عبد الرحمن:- ولو... الناس هتقول ايه بس.... بعد العمر دا كله اتجوز..... الا ما عملتها وانتوا عيال صغيرين لسه هعملها بعد ما بقيت جد
صفاء:- اولآ احنا ملناش دعوة بكلام الناس..... ثانياً.. بقا اه معملتهاش واحنا صغيرين علشان متجبش مرات اب تبهدل فينا.... لكن دلوقتى احنا كبرنا وكل واحدة شافت حياتها ومستقبلها.... وانا كلها كام شهر واتجوز واسيبك هتكون لوحدك..... مين هياخد باله منك.... يعنى لقدر الله لو تعبت بالليل ولا حاجه هتلاقى حد جنبك ياخد باله منك ومن صحتك
عبد الرحمن:- ما انتى هتكونى معايا فى نفس البيت..... لو احتجت حاجه هتصل عليكى تنزلى عالطول..... ولا مش هتقدرى تنزلى الدورين دول
صفاء:- يا حبيبى انا انزلك عشرين دور مش اتنين ولا تلاتة.... لكن انا عارفك مش هتتصل دى حاجه.... والحاجة التانية لقدر الله نفرض اغمى عليك ولا حصل حاجه مقدرتش تتصل او تطلب حد منا او اى حاجه لقدر الله..... ساعتها بقا هتعمل ايه... يا بابا يا حبيبى انا بدور على راحتك ومصلحتك..... وبعدين انت هتلاقى حد يونسك ويصحا معك الصبح ويفطر معاك وتتكلم معه وتحكيلو كل اللى مش بتحكيه معانا..... غير ان هى كمان عايشة لوحدها ولو حصل لها حاجه لقدر الله محدش هيلحقها... لكن اما تكون موجودة معانا وفى وسطنا هنكون مطمنين عليها ولا ايه
عبد الرحمن:- طيب ما هى ممكن تعيش مع بنتها عادى
صفاء:- يا بابا يا بابا بقا معقول الست هتعيش مع جوز بنتها يعنى.... لا هى هتكون مرتاحة  ..... ولا هو هياخد راحته فى بيته ولا ايه وانت اكتر واحد تفهم فى الاصول..... ولا ايه وانت فاهمنى طبعاً
عبد الرحمن:- طيب واخواتك هيكون رأيهم ايه
صفاء:- بفرحة..... ولاء موافقة جداً.... ورامز هيكلم وفاء ويقولها.... وان شاء الله هتوافق.... بس المهم انت...... رأيك انت اهم حاجه فى الاول والاخر
عبد الرحمن:- هو رامز كمان عارف
صفاء:- رامز ورامى كمان وكلهم موافقين ومرحبين جداً بالموضوع وفرحنين كمان.... بس المهم انت
عبد الرحمن:- بتفكير..... خلاص سيبينى افكر وارد عليكى
صفاء:- ماشى يا عبودى براحتك بس مش كتير.... يعنى هستنا ردك الصبح اول ما اصحا
عبد الرحمن:- الصبح كدا عالطول بالسرعة دى
صفاء:- خير البر عاجله
عبد الرحمن:- اللى فيه الخير يقدمه ربنا
صفاء:- كله خير ان شاء الله
عبد الرحمن:- آنِ شُآء آلَلَهّ
صفاء:- وهى تقبل جبينه..... يلا تصبح على خير
عبد الرحمن:- وانتى من اهل الخير
   ويدخل كل واحد فيهم ينام......  ويظل عبد الرحمن يفكر فيما قالت له صفاء
وصفاء تكلم رامى وتحكى له ما حصل وتاخد رأيه ايضآ ويرحب رامى جداً بالموضوع
ومنار كلمتها أيضاً وبلغتها موافقة والدتها
      -----------------------------------------------------
تانى يوم الصبح صفاء دخلت تصحى والدها وتعجبت انه لم يصحي الى الان وهو الذى كان يصحهيها
صفاء:- بعد ان دقت الباب..... صباح الخير يا عبودى.... انت لسه نايم ولا ايه..... وتفتح الشباك
عبد الرحمن:- صباح الورد والياسمين يا قلب عبودى
صفاء:- اخرت فى النوم يعنى النهارده مش بالعادة
عبد الرحمن:- اعمل ايه ما انا قاعد طول الليل افكر فى كلامك
صفاء:- وهى تجلس بجواره...... ها وقولت ايه موافق صح
عبد الرحمن:- لو الست ام منار موافقة انا كمان موافق
صفاء:- وهى تحضنه..... حبيبي يا عبودى..... اكيد هتوافق.... منار ورامز كلموها وهى موافقة جداً.... وهناخد معاد من اخوها عم صلاح ونروح نتكلم معه ونحدد معاد لكتب الكتاب عالطول
عبد الرحمن:- كتب كتاب عالطول كدا
صفاء:- وهى تغمز له 😉...... امال عايز فترة خطوبة ولا ايه يا عبودى
عبد الرحمن:- خطوبة ايه بس يا بنتى..... انا بقول يعنى هى تكون محتاجة حاجه كدا ولا كدا
صفاء:- حاجه ايه بس يا قلبي لو احتاجت حاجه ابقا انزل انا ومنار نجيبها
عبد الرحمن:- خلاص اللى يريحكم اعملوه
صفاء:- طيب يلا قوم نفطر علشان انا كدا اتأخرت على المدرسة
...... ويفطروا وتنزل صفاء مع منار على المدرسة..... وتبلغها بموافقة والدها أيضاً...... وتكلم منار خالها وتحكى له كل شئ ويوافق هو كمان...... ويحدد معاد يقابل فيه عبد الرحمن فى بيت ام منار
وبعد انتهاء العمل يرجعان الى البيت وتبلغ منار والدتها بموافقة عبد الرحمن وكلامها مع خالها صلاح واتفاقها معه على معاد يقابل فيه عبد الرحمن.....
      .........................................................
... تسريع الاحداث
تمت المقابلة فى بيت ام منار والاتفاق على كتب الكتاب خلال اسبوع ويكون رامز وعزت شهود على الزواج.... ويمر الاسبوع سريعآ ويتم كتب الكتاب وتنتقل ام منار الى بيت عبد الرحمن
..... مع اخذ كل متعلقاتها من بيتها وعرض الشقة للبيع..... واتفق معها اخاها صلاح ان يشتريها لاحد ابنائه
..... وتمر الايام وتنتهى شقة رامى وصفاء تحت اشراف عبد الرحمن ورامز..... ويبلغهم رامى بالموافقة على علي لخطوبة رضوى ولكن بعد عودته قبل فرحه الذى تم تحديد معاده فى اجازة نصف العام......
....... وتمر الايام وينزل رامى اجازته بعد فترة عمل طويلة لم يأخذ بها اجازة نهائي ليأخذ اجازة طويلة من أجل زفافه وليكون شهر العسل طويل
...... وتتم قراءة فتحة رضوى وعلي وتلبيس، دبل فقط والاتفاق على الخطوبة وكتب الكتاب بعد انتهاء العام الدراسى وتم تحديد يوم زفاف رامى وصفاء بعد اسبوع
    ___________________________________
واشوفكم على خير الحلقة الجاية
عارفة ان الحلقة صغيرة بس والله ما ليا نفس اكتب حاجه خالص من اللى الواحد شايفه
اتمنى من الجميع اخذ الاحتياط من الوباء المنتشر وربنا يكفينا ويكفيكم شر الوباء يارب
التزموا بيوتكم واحرصوا على الطهارة فى كل شئ
والتزموا بالدعاء والاستغفار
آلَلَهّمً آکْفُيَنِآ شُر آلَوٌبًآء
آلَلَهّمً آکْفُيَنِآ شُر آلَوٌبًآء
آلَلَهّمً آکْفُيَنِآ شُر آلَوٌبًآء
آلَلَهّمً أغُفُرلَنِآ ذِنِوٌبًنِآ وٌآرحًمًنِآ بًرحًمًتٌکْ يَآ أرحًمً آلَرآحًمًيَنِ
بًرحًمًتٌکْ نِسِتٌغُيَثً
بًرحًمًتٌکْ نِسِتٌغُيَثً
بًرحًمًتٌکْ نِسِتٌغُيَثً
آسِتٌغُفُر آلَلَهّ آلَعٌلَى آلَعٌظُيَمً وٌأتٌوٌبً إلَيَهّ
آلَلَهّمً أنِتٌ ربًيَ لَآ إلَهّ إلَآ أنِتٌ خِلَقُتٌنِيَ وٌآنِآ عٌبًدٍکْ وٌآنِآ عٌلَيَ عٌهّدٍکْ وٌوٌعٌدٍکْ مًآ آسِتٌطِعٌتٌ أعٌوٌذِ بًکْ مًنِ شُر مًآ صّنِعٌتٌ وٌأبًؤ لَکْ بًنِعٌمًتٌکْ عٌلَيَ وٌآبًؤ لَکْ بًذِنِبًي َفُآغُفُر لَيَ فُإنِهّ لَآ يَغُفُر آلَذِنِوٌبً إلَآ أنِتٌ
اتمنى لكم جميعا الصحة والعافية يارب العالمين
مع تحياتي كوثر محمد