مازلت ملكة فى بيت أبى

الخامسة عشرة

مازلت ملكة فى بيت أبى
الحلقة الخامسةعشر
بقلمى #كوثرمحمد
------------------------------
رامز:- مين بقا العروسة
عبدالرحمن:- منار صحبة صفاء............ صح ولا غلط
رامز:- بضحك........ لأ غلط
عبدالرحمن:- امال مين........ دا انا شايف فى عينك نظرة الحب ليها كل اما تشوفها
رامز:- وهو ينظر إلى الارض.……… بس انا بعد اللى عملته هالة لازم اتجوز صفاء
……. صفاء كانت نزلة بالشاى واول ما سمعت كلام رامز صنية الشاى وقعت من ايديها وطلعت تجرى على فوق
رامز وعبدالرحمن سمعوا الصوت وقاموا بسرعة يشوفوا فى ايه........... شافوا الاكواب اللى متكسرة على الارض وفهموا ان صفاء سمعتهم
عبدالرحمن:- اكيد سمعت كلامك
رامز:- انا والله ما اقصد حاجه انا بس كنت
عبدالرحمن:- يقاطعه.……… مش وقته الكلام دلوقتى تعالى نطلع نشوفها الاول
ويطلعوا الاتنين شقة عبدالرحمن
  -----------------------------------------------------
عند صفاء اول ما طلعت دخلت غرفتها وفضلت تبكى على اللى حصل معاها……… اول ما طلع عبدالرحمن ورامز
عبدالرحمن:- انا هدخل اشوفها الاول وبعدين اندهك
رامز:- بدون رد هز راسه بمعنى موافق
دخل عبدالرحمن عند صفاء واول ما شفته جريت على حضنه
صفاء:- ببكاء……… ليه يا بابا ليه بيحصل معايا كدا ليه انا عملت ايه
عبدالرحمن:- وهو يهديها............. هشششش............ اهدى خلاص .......... ليه كل ده.............. عاملة فى نفسك كدا ليه............. انا مش عايزك تضعفى تانى ابدآ............... عايزك دايمآ قوية.............  ودايمآ توجهى اى حد مهما كان مين............. ودلوقتى قومى اغسلى وشك وتعالى اقعدى مع رامز وشوفى هو عايز ايه واعرفى وجهة نظره.............. وانتى كمان قولى كل اللى فى قلبك متخبيش حاجه ابدآ.............. واعرفى دايمآ انى هكون موجود فى ضهرك وسندك طول ما انا عايش
صفاء:- وهى بحضنه ربنا يخليك ليا يارب وميحرمنيش منك ابدآ......... طول ما انت فى ضهرى هفضل واثقة من نفسى دايمآ............ باسته فى خده وخرجت من الغرفة الى الحمام لتغسل وشها............. وخرج عبدالرحمن الى رامز
رامز:- هى كويسة
عبدالرحمن:- اه الحمد لله
رامز:- طيب ممكن اشوفها
عبدالرحمن:- هى جايه حالآ
....... وتأتى صفاء
صفاء:- خير يا ابيه
رامز:- فى سره ابيه فى عينك............ بصى يا صفاء انتى طبعآ سمعتينى وانا بكلم عمى عليكى
صفاء:- وانا م
رامز:- يقاطعها............. لو سمحتى اسمعينى للاخر
صفاء:- اتفضل
رامز:- انا عارف انك كويسة ومافيش حاجه حصلت من الزفت ده اللى اسمه عادل............ بس يا بنت عمى المثل بيقول (العيار اللى مايصبش يدوش)............ وطبعآ لو جالك واحد علشان يخطبك اول حاجة هيعملها هيسأل عنك................ وطبعآ انتى ست العارفين ان الستات اللى فى الشارع موراهاش حاجة غير اللت والعجن.............ولما انا اتجوزك دا هيسبت انك كويسة وهيخرس السنتهم.......... دا طبعآ بعد ما رامى اتخلا عنك من ساعة ما شاف الصور ولا حتى جيه من يوميها ولا اتصل........... ها قولتى ايه ؟
صفاء:- للاسف يا ابيييه انا لو وفقت عليك الناس هتتكلم اكتر وهيقولوا بيتستر على الفضيحة............ واى واحد هيجى يتقدملى ويسأل عليا ويصدق الكلام اللى بيتقال يبقا ما يلزمنيش.......... زى ما اخوك مايلزمنيش بردو............ اذا كان هو معشرنى عمرى كله ومتربيين فى نفس البيت وصدق اللى اتقال عليا ............. يبقا عايز الناس تصدقنى........... انا خلاص فكرة الجواز دى شلتها من دماغى خالص لحد ما ربنا يأذن من عنده............... وبعدين يا ابيه زى ما بابا قالك ان انت بتحب منار ودا باين عليك............ هى كمان معجبة بيك.......... فاذا كنت جاد وصادق فى حبك ليها روح اتقدم لها وهى اولا بيك منى........... عن اذنكم
............ وتركتهم صفاء ودخلت الى غرفتها
رامز:- هى صفاء كبرت اوى كدا امته يا عمى
عبدالرحمن:- اللى شافته مش قليل......... والمواقف بتعلم البنى ادم
رامز:- عندك حق
عبدالرحمن:- طيب ايه
رامز:- بعدم فهم.............. ايه
عبدالرحمن:- مش ناوى ولا ايه ؟
رامز:- على ايه
عبدالرحمن:- على منار
رامز:- ان شاءالله يا عمى.............. بس هى ممكن توافق عليا
عبدالرحمن:- وماتوافقش ليه........... ما انت لسه سامع صفاء بتقول انها معجبة بيك
رامز:- اكمن انا مطلق وهى لسه انسة يعنى
عبدالرحمن:- جرب ومش هتخسر حاجه
رامز:- ان شاءالله واللى عايزو ربنا هيكون............. طيب يا عمى استاذن انا اطلع اشوف رضوى
عبدالرحمن:- اطلع نادى عليها وتعالى نتغدا سوا على ما صفاء تسخن الغدا
رامز:- ملوش لزوم يا عمى......... دا احنا تقريبآ بنتغدا عندك يوم ويوم
عبدالرحمن:- ملكش دعوه انشالله كل يوم ............. يلا اطلع نادى رضوى وانزل
........ وبالفعل طلع رامز نده رضوى ونزلوا ........... وصفاء كانت حضرت السفرة وقاعدوا يتغدوا
رامز:- صفاء انا مش عايزك تزعلى من كلامى........... واعتبرينى ماقولتش حاجه
صفاء:- مش زعلانة ولا حاجه........... وانا فعلن بعتبر انى ماسمعتش منك حاجه
رامز:- اذا كان كدا اسألى منار ممكن اجى اتقدم امته................ وطبعآ عرفيها كل ظروفى
صفاء:- هى تقريبآ عارفة كل حاجه
رضوى:- الله يا ابيه انت هتتجوز ميس منار..........يا سلاااااااام دى عسولة اوى وانا بحبها اوى اوى اوى
رامز:- ان شاءالله بس هى توافق......... ماتنسيش يا صفاء تقوليلها انى هعيش فى نفس الشقة بتاعت ابويا
صفاء:- حاضر يا ابيه
رامز:- 😬 وهو يجز على اسنانه.......... انتى عارفة يا صفاء لو مبطلتيش كلمة ابيه دى هقطع لسانك دا فاهمة
صفاء:- بخوف مصتنع............. حاضر ياااااا ابيه.......... وتطلع تجرى على غرفتها
رامز:- بغيظ........ شايف يا عمى بتغظنى ازاى
عبدالرحمن:- وهو يكتم ضحكته........... عادى يا رامز بتضحك معاك
رضوى:- بخبث.......... وانا يا ابيه اقولك يا ابيه ولا اقولك ايه
رامز:- امشى يا جزمة لمى الترابيزة(السفرة) واعملى شاى ليا انا وعمى
عبدالرحمن:- وهاتيه على تحت يا روضى
رضوى:- حاضر يا عمو
عبدالرحمن:- يلا ننزل نقعد فى المحل شوية
رامز:- اتفضل يا عمى
........... وينزل رامز مع عمه الى المحل
......... وتحضر لهم رضوى الشاى وتنزلهم................ ثم تصعد الى شقة عمها مرة اخرى وتدخل لصفاء
رضوى:- وهى تدق على باب غرفة صفاء........... ممكن ادخل
صفاء:- تعالى يا ضاضا
رضوى:- وهى تدخل........... مابلاش ضاضا دى بتفكرنى بضاضا سيديهات
صفاء:- بتعجب😏😏........ مين ضاضا سيديهات دا
رضوى:- وهى تجلس على السرير بجوار صفاء........ فى حد فى مصر مايعرفش ضاضا سيديهات
صفاء:- لا والله محصليش الشرف.............. ماتخلصى يا بت وتقولى مين ده
رضوى:- بضحك............ دا يبقا مرتضى منصور رئيس نادى الزمالك
صفاء:- بضحك.............. اه اه عرفته........... وانتى بقا مطلعا عليه ضاضا سيديهات
رضوى:- هو انا بس دا تقريبآ نص شعب مصر بيقول عليه كدا
صفاء:- ماشى يا لمضة هانم...............  اتفضلى اطلعى هاتى كتبك وتعالى اراجع معاكى شوية
رضوى:- طيب هو حضرتك هتكلمى ميس منار امته فى موضوع ابيه رامز
صفاء:- بكره ان شاءالله فى المدرسة
رضوى:- يارب توافق
صفاء:- ان شاءالله هتوافق......... يلا اطلعى هاتى الكتب
رضوى:- فريرة............... وتطلع رضوى على شقتهم لتحضر الكتب............. وترجع لصفاء لتراجع لها ( ربنا يوفق كل طلاب الثانوية العامة وينجحهم يارب)
........... ونسبهم بقا ربنا معاهم
    ------------------------------------------------------
عند رامز وعبدالرحمن
عبدالرحمن:- انت جاهز يا بنى للجواز
رامز:- اه يا عمى الحمد لله........... معايا رصيد فى البنك كنت شايله لجواز رضوى......... هاخد منه جزء بسيط واسيب الباقى
عبدالرحمن:- ربنا يزيدك من نعيمه............. بس مش دا اللى انا اقصده........... انا اقصد جاهز نفسيآ
رامز:- اه يا عمى جاهز........... انا مكنتش بحب هالة ........... اللى كان بينا كان تعود وبس.......... انا اما جيت اتجوز اخترت بالشكل مش بالاخلاق ودا كان اكبر غلط عملته فى حياتى............. انا محبتش هالة الحب اللى يخلينى اتعب من بعدها ولا اتحسر عليها............ وهى كمان عمرها ما حبيتنى............... لانها لو كانت حبيتنى مكنتش خانتنى
عبدالرحمن:- ربنا يا بنى يجعلك نصيب فى منار......... دى بنت حلال واخلاقها عالية اوى............ وكفاية وقفتها مع صفاء فى ازمتها
رامز:- يارب يا عمى يارب
عبدالرحمن:- طيب هتعمل ايه مع رامى
رامز:- اعمل معه ايه فى ايه
عبدالرحمن:- يعنى هتقوله انك هتتجوز ولا ايه............ وهو هيرضا يعيش معكم تانى ولا هيعمل ايه
رامز:- والله يا عمى مش عارف.......... بس انا مش هكلمه دلوقتى
عبدالرحمن:- امال هتكلمه امته
رامز:- ان شاءالله بعد ما اتقدم لمنار واخد منها الموافقة بعدين ابقا اكلمه
عبدالرحمن:- اللى فيه الخير يقدمه ربنا
.......... ويظل يتكلمن مع بعض فى امور عادية
........... وينتهى اليوم على ذلك بدون شئ جديد
    ----------------------------------------------
تانى يوم فى المدرسة
صفاء تجلس بالحجرة الخاصة بالمدرسين............ تدخل عليها منار
منار:- صباح الخير يا صافى
صفاء:- صباح الورد والياسمين يا قلبى
منار:- ايه معندكيش حصص ولا ايه
صفاء:- لأ مش دلوقتى................ لسه الحصة الجاية
منار:- حلو وانا كمان معنديش ............ تعالى بقا اما احكيلك حصل ايه معايا امبارح
صفاء:- خير يا ستى احكى يا شهرذات
منار:- وهى تلغزها فى كتفها........ طيب مش حكية حاجه
صفاء:- بضحك......... طيب خلاص حقك عليا احكى بقا............... علشان انا كمان احكيلك
منار:- طيب احكى
صفاء:- لاااااا انتى الاول
منار:- بفرحة................. انا جيلى عريس
صفاء:- بصدمة 😲 ……… ايه _____________________________________
وتنهى حلقتنا واشوفكم الحلقة الجاية على خير
ياترا صفاء هتعمل ايه ؟
وهتحكى لمنار ولا ايه ؟
وفى انتظار توقعتكم
مع تحياتى #كوثرمحمد