مازلت ملكة فى بيت ابى
----------------------------
بقلمى #كوثرمحمد.
------------------------
بعد ما انتهت صلاة الجمعة
رامى طلب من عمه ان يتكلم معه على انفراض
رامى:- بعد اذنك يا عمى كنت عايز حضرتك فى كلمتين
رامز:- ما فيش داعى يا رامى انا غيرت رائى خلاص ورجعت فى كلامى
رامى:- بفرحة ..... بجد يا رامز
رامز:- ايو طبعآ انا مستحيل ابعد عنكم ابدآ
عبد الرحمن:- انا مش فاهم حاجة خالص ..... ما تفهمونى يا ولاد فى ايه
رامى:- خلاص يا عمى حصل خير...... المهم يا عمى كلمت صفاء فى موضوعى
عبد الرحمن:- ايو كلمتها
رامى:- ها وقالت لك ايه
عبد الرحمن:- ما قالتش حاجة
رامى:- يعنى ايه مش فاهم
عبد الرحمن:- يعنى لسه ما ردتش عليا
رامى:- وهترد امته
عبد الرحمن:- الله اعلم
رامز:- هو فى ايه
رامى:- استنا بس يا رامز ........ يا عمى يعنى انت لما قولت لها عملت ايه
عبد الرحمن:- ولا حاجة........ دخلت اوضتها جرى
رامى:- ودا معنه ايه بقا
رامز:- انا كدا فهمت ....... يبقا موافقة يا برنس
رامى:- بجد
عبد الرحمن:- اهو اخوك اللى مش عارف حاجة فهم
رامى:- بجد والله احلف يا عمى
عبد الرحمن:- عيب عليك يا واد انت ايه احلف دى
رامى:- اسف يا عمى اصل اصلى مش مصدق
عبد الرحمن:- لأ استنا
رامى:- استنا ايه
رامز:- استنا لما هى تقول بنفسها
رامى:- الله مش انتوا قولتوا انها موافقة
رامز:- دا مجرد تخمين من رد فعلها.
رامى:- وبعدين بقا انا مش فاهم حاجة ...... انت لغبطنى وحيرتنى
عبد الرحمن:- ولا تتلغبط ولا تتحير ..... احنا نروح البيت وهناك تسمع الرد منها بنفسك
رامى:- وهو يقوم ....... طيب يلا بينا احنا ايه اللى مقعدنا هنا
عبد الرحمن:- بضحك ........ لا حولا ولا قوة الا بالله ...... الواد اتجنن
رامز:- بضحك وهو يسند عمه ....... اعزرو يا عمى الحب يعمل اكتر من كدا
عبد الرحمن:- بضحك .......... عندك حق يا رامز
.......... ويذهب الثلاثة الى المنزل
------------------------------------------
عند صفاء فى البيت كانت لسه قاعدة مع منار
منار:- انا هقوم امشى زمان عمى عبد الرحمن جاى
صفاء:- بطلى رخامة واقعدى معايا شوية خليكى اتغدى معانا
منار:- لا يا قلبى معلش خليها مرة تانية
صفاء:- والله ازعل منك ......... متبقيش رخمة بقا
منار:- معلش يا حبيبتى انتى عارفة ماما لوحدها وماقولتش لها انى هتاخر عندك
صفاء:- طيب ماشى علشان خاطر ست الكل بس هسيبك المرة دى.
منار:- وهى تقبلها. ........ سلام يا قلبى ........ وابقى طمنينى
صفاء:- ان شاء الله ....... يلا اشوفك يوم الحد
منار:- وهى نازلة على السلم ....... ان شاء الله يا قلبى ...... وتخبط فى رامز
منار:- انا اسفة والله ما اخدش بالى
رامز:- ولا يهمك ....... انتى صحبت صفاء صح
منار:- ايو انا منار
رامز:- وانا رامز ابن عمها
منار:- اهلآ وسهلآ اتشرفت بحضرتك
رامز:- الشرف ليا انا
عبد الرحمن:- وانا تعبت من الواقفة
رامى:- بضحك ...... وانا كمان
منار:- بإحراج ........ انا اسفة يا عمو مكنتش اقصد
عبد الرحمن:- ولا يهمك يا بنتى .......
انتى طالعة ولا نزلة
منار:- لا يا عمو انا كنت نازلة
عبد الرحمن:- طيب يا بنتى ما كنتى قعدى تتغدى معانا
منار:- مرة تانية ان شاء الله علشان ماما لوحدها
عبد الرحمن:- طيب يا بنتى براحتك
منار:- عن اذنكم
الثلاثة:- اتفضلى
............ بعد ما منار نزلت
رامز:- طيب انا طالع عن اذنكم
عبد الرحمن:- طالع فين انت هتيجى تحضر كل حاجة. ..... امال انا هتفق مع مين
رامز:- حاضر يا عمى اللى تأمر بيه
عبد الرحمن:- وهو يخبط على الباب ....... ميأمرش عليك ظالم ابدآ يابنى
صفاء:- وهى تفتح الباب ....... معك حد يا بابا
عبد الرحمن:- معايا ولاد عمك
صفاء:- بعد ما فتحت الباب دخلت جرى على غرفتها
عبد الرحمن .....دخل هو ورامز ورامى الى الصالة
وخرجت صفاء بعد ان ارتد حجابها
صفاء:- السلام عليكم
الجميع:- وعليكم السلام ورحمة الله
عبد الرحمن:- تعالى يا صفاء ابن عمك عايز يعرف رايك
صفاء:- بخجل ووشها فى الارض ...... رأيى فى ايه يا بابا
عبد الرحمن:- فى اللى سألتك فى امبارح
صفاء:- وهى مازالت تنظر الى الارض ......... اللى تشوفوا يا بابا
رامز:- بخبس ...... انا بقولك يا عمى انها مش موافقة
صفاء:- بسرعة ...... لا انا موافقة
الكل يضحك عليها......... ويأتى صوت زغروطة من عند باب الشقة.......... لوووووولى
....... :- الف مبروك يا حبيبتى .... مبروك يا رامى
صفاء:- وهى تحضن اختها..... . ولاء حبيبتى وحشتنى اوى
ولاء:- انتى اكتر يا حبيبتى ......... الف مبروك يا حبيبتى
صفاء:- الله يبارك فيكى وعقبال ما تفرحى ب موكة حبيبت قلبى
ولاء:- فى حياتك يا حبيبتى ..... اوعى بقا علشان اسلم على بابا .........ونسبها تسلم
ونطلع عند هالة نشوفها
------------------------------------------
هالة:- بعد ما سمعت صوت الزغاريط ........ بت يا رضوى ....... انتى يا مقصوفة الرقبة
تأتى اليها رضوى . ..... نعم يا ابلة
هالة:- سمعتى صوت الزغاريط
رضوى:- ايوة سمعتها
هالة:- دى شكلها فى البيت عندنا
رضوى:- دى جاية من عند شقة عمى عبد الرحمن
هالة:- طيب انزلى شوفى فى ايه وتعالى
رضوى:- بغصب ........ حاضر هلبس طرحة وانزل
هالة:- طيب يا ختى انجزى
رضوى:- وهى تدخل الى غرفتها . ...... الله يهدك يا شيخة .......... وتلبس رضوى حجابها وتنزل شقة عمها
-------------------------------------------
بعد ما نزلت رضوى ودخلت
رضوى:- السلام عليكم
الجميع:- وعليكم السلام ورحمة الله وبركاته
ولاء:- اذيك يا رضوى عامله ايه
رضوى وهى تحضن ولاء........... اذيك انتى يا ابلة ولاء واذى مكة عامله ايه..... هى فينها
ولاء:- مع بابها بيجيب لها حاجة وطلعين
رضوى:- هو حضرتك اللى كنتى بتزغرتى
ولاء:- ايو يا حبيبتى انا
رضوى:- خير يا ابلة
ولاء:- خير يا حبيبتى ان شاء الله ....... اخوكى رامى خطب صفاء.
رضوى بفرحة:- بجد والله يا ابلة
ولاء:- بجد والله يا حبيبتى
رضوى:- بفرحة الف مبروك يا ابيه الف مبروك يا ابلة صفاء
رامى وصفاء؛- الله يبارك فيكى يا حبيبتى عقبالك
رضوى:- وهى تحضن فيهم ايو بقا واخيرآ
عبد الرحمن:- هو ايه اللى اخيرآ يا لمضة انتى
رضوى:- لا يا عمو ولا حاجة
الكل بضحك واصواتهم عالية جدآ تصل الى مسامع هالة التى تقف على باب شقتها وتستمع الى احدثهم.
هالة:- بغيظ وغيرة ........ بقا كدا يا رامى عايز تجوز السنكوحة دى المعصعصة ...... ماشى مابقاش انا هالة ان ما فشكلت الجوازة دى ...... وتتوعد لهم بشرها
.............................................
اما تحت فى شقة عبد الرحمن
يأتى احمد زوج ولاء وابنتهم مكة
وبعد السلامات والمباركات واللعب مع مكة
يستاذن رامى بالكلام
رامى:- ممكن يا عمى بعد اذنك نتكلم شوية
عبد الرحمن:- اتفضل يا ابنى قول اللى انت عايزه
رامى:- انا كنت بستاذن حضرتك اننا نعمل شبكة وكتب كتاب مع بعض دا بعد اذنك طبعآ
رامز:- وانا كمان كنت هقول كدا يا عمى
عبد الرحمن:- وانا موافق طبعآ ...... .. شوف الوقت اللى ينسبك وانا جاهز فى اى وقت
رامى:- انا طبعآ كنت اتمنا النهاردة قبل بكرا لكن مش هنلحق نجهز اى حاجة ........ ف بعد اذنك هنعملها اول ما انزل الاجازة الجاية ان شاء الله
تكون صفاء عملت كل اللى هى عايزاه
وانا تحت امركم فى كل حاجة
عبد الرحمن:- وانا معنديش مانع كل اللى انتوا عيزينوا اتفقوا عليه سوا وانا جاهز لكافة شئ
رامى:- يبقا نقرا الفاتحة على كدا
عبد الرحمن:- ايه رايك يا عروسة موافقة على الكلام دا
صفاء:- اللى تشوفه يا بابا
عبد الرحمن:- يبقا على بركة الله نقرا الفاتحة
ويقراء الجميع الفاتحة وبعد الانتهاء
ولاء ورضوى مع بعض لووووووووووولى
الجميع :- الف مبروك يا عرايس
احمد:- انا عندى اقتراح بعد اذنك يا عمى طبعآ
عبد الرحمن:- اتفضل يا بنى
احمد:- انا من رأى انهم ينزلوا النهاردة يشتروا الشبكة دا لو رامى جاهز
رامى:- وانا جاهز لو عمى موافق
عبد الرحمن:- وانا معنديش مانع ......... بعد الغدا خدها وانزلوا هاتوا اللى انتوا عيزينوا .....بس اختها وجوزها ينزلوا معاكم
رضوى:- وانا كمان اروح معاكم
رامز:- يعنى هى جات عليا ... وانا كمان
رامى:- بغيظ ....... ما نقول للجيران كمان يجوا معانا
رامز:- اذا كان عجبك بقا
رامى:- امرى الى الله........... عجبنى طبعآ
عبد الرحمن:- طيب مش هنتغدا ولا ايه يا صفاء
صفاء:- ها ..... اه طبعآ حالآ هحضر الاكل ......... تعالى معايا يا ولاء
ولاء:- حاضر ....... خلى مكة معاكى يا رضوى
رضوى:- ما تخفيش يا ابلة ......... احنا هندخل نلعب جوا
ولاء:- ماشى يا قلبى
............ وتدخل ولاء تحضر مع صفاء الاكل وبعد الانتهاء من التحضير وتناول الطعام استاذن رامى ورامز ليبدلوا ملابسهم والنزول مرة اخرة
رامى:- بعد اذنكم هنطلع نلبس علشان نلحق نروح نجيب الشبكة
عبدالرحمن:- ماشى يا بنى وانتى كمان يا صفاء ادخلى البسى
صفاء:- حاضر يا بابا
..... ويطلع رامى ورامز رضوى الى شقتهم لتبديل الملابس
............................................
......... فى شقة رامى ورامز
هالة على نار :- هو انا ماليش اى اهمية عندك ياسى رامز
رامز:- بتنهيدا ........ خير يا هالة فى ايه
هالة:- يعنى انت مش عارف فى ايه
رامز:- وهو يبدل ملابسه ..... لأ يا ستى مش عارف فى ايه
هالة:- انت كنت بتعمل ايه عند عمك كل دا انت واخواتك
رامز:- كنا بنقرا فاتحة صفاء
هالة:- بتصنع عدم الفهم ........ فاتحة ايه هى صفاء هتتخبط ...... اقصد هتتخطب
رامز:- ان شاء الله
هالة:- ومين بقا سعيد الحظ 😗😗
رامز:- طبعآ سعيد الحظ وامه دعياله كمان
هالة:- ليه يعنى كل دا هى فيها ايه زيادة عن غيرها
رامز:- فيها كتير اوى ......... ويلا بقا البسى بسرعة مش وقت كلام
هالة:- بتصنع عدم الفهم ........ البس ليه هنروح فين
رامز:- هنروح معاهم نجيب الشبكة
هالة:- وانا مالى اروح ليه هو حد قالى حاجه
رامز:- انا بقولك اهو
هالة:- وانت تقولى بصفتك ايه
رامز:- بصفتى اخو العريس ....... ويلا خلصى بقا
........... وخرج رامز من الغرفة قبل ان تنطق بحرفآ اخر ....( يا ساتر دى رغاية اوى)
...........................................
عند صفاء بعد ما رامى ورامز طلعوا
صفاء رجعت عند والدها
صفاء:- بابا ممكن بعد اذنك اطلب طلب قبل ما البس
عبدالرحمن:- اطلبى يا حبيبتى عايزة ايه
صفاء:- ممكن ............
........................................
يا ترا صفاء هتطلب ايه؟
عبدالرحمن هيوافق ولا لأ؟
هالة هتعمل ايه معاهم؟
كل دا هنعرفوا فى الحلقة الجاية انتظرونى
مع تحياتى:- #كوثرمحمد
أنت تقرأ
مازلت ملكة فى بيت أبى
Ficción Generalالقصة اهداء الى روح ابى رحمة الله عليه بداءت 10 أكتوبر 2019 وانتهت 23 ابريل 2020
