مازلت ملكة فى بيت أبى

العشرون

مازلت ملكة فى بيت أبى
-----------------------------
الحلقة العشرون
------------------- بقلمى #كوثرمحمد
فى صباح اليوم التالى بعد ان انتهت صفاء من الفطار مع والدها واختها اتجهت الى المدرسة
وهى نازلة على السلم سمعت من يناديها
رامى:- صفاء استنى لو سمحتى
صفاء:- وهى تنظر امامها ولا تلتفت له..... خير ان شاءالله
رامى:- وهو يقف امامها...... انتى مش عايزه تتكلمى معايا ليه.... مش عايزه حتى تسمعى منى اى اعتذار او اى توضيح
صفاء:- وهو انت كنت رضيت تسمع منى اى توضيح.... انت حكمت عليا من غير حتى ماتسمعنى... ونفذت حكمك وانتهينا عايز ايه تانى
رامى:- انا والله كان غصب عنى انا مكنتش فى وعيى اما كلمتك واما وضحت قدامى الصورة عرفت غلطى وجيت علشان اعتذر
صفاء:- لا والله... وموضحتش الصورة وعرفت غلطك غير بعد اكتر من شهرين.... لا بجد كتر خيرك
لسه رامى هيتكلم... صفاء استاذنت ومشيت منغير ما تسمع منه ولا كلمة
صفاء:- عن اذنك عندى شغل... وتركته ورحلت
اما رامى ظل مكانه ينظر الى طيفها... حتى فاق على صوت رامز
رامز:- رااااامى انت يا بنى
رامى؛- ها.. بتقول حاجه يا رامز
رامز:- بقولك واقف كدا ليه
رامى:- لا ابدآ مافيش حاجه.... انت رايح فين كدا
رامز:- هكون رايح فين يعنى... رايح الشغل يلا سلام
رامى:- سلام 👋
ويصعد رامى لشقتهم
    ___________________________________
فى المدرسة عند صفاء بعد ما انتهت من حصتها الاولى اتجهت الى حجرة المدرسين وتقابلت مع منار وحكت لها ما دار بينها وبين رامى
منار:- هو يستاهل كل اللى انتى قولتى... بس انا عايزه اسألك سؤال وتجاوبى بكل صراحه
صفاء:- اكيد طبعا سؤال ايه
منار:- انا عارفه انك لسه بتحبى رامى بس كرامتك وجعاكى صح ولا غلط
صفاء:- صح
منار:- طيب تمام.... نيجى بقا للسؤال... انتى عايزة ترجعى ليه ولا ايه
صفاء:- اكدب عليكى لو قولتلك انى عارفة انا عايزه ايه.... بس كل اللى انا عايزاه انى ارد كرمتى واعذبه زى ماعذبنى
منار:- امممم..... طيب ايه رايك انا عندى خطة هى قديمة بس نجربها مش هنخصر حاجه واهو يتربا شوية
صفاء:- خطت ايه قولى يمكن نستفيد
منار:- ان شاءالله هنستفيد.... اسمعى يا ستى.....( وتحكى منار الخطة)
صفاء:- وتفتكرى هيوافق
منار:- انا هتكلم معه وان شاءالله هيوافق... هو جدع وخدوم... واهو نجرب مش هنخسر حاجه
صفاء:- طيب تمام... خلاص هستنا منك تلفون النهاردة تقوليلى عملتى ايه
منار:- خلاص تمام.... يلا انا هخلص الحصة دى وامشى علشان معنديش حصص تانى.... واه جدول الامتحانات نزل وانا وانتى نزلنا فى المرقبين
صفاء:- تمام ماشى هخلص واروح اخده
منار:- يلا سلام 👋
صفاء:- سلام 👋
وتذهب منار لحصتها وتجلس صفاء تفكر فى كلام منار
صفاء:- مع نفسها..... اما نشوف اخرتها ايه
   __________________________________
فى شقة عبدالرحمن
ولاء:- من المطبخ.... يا مكة افتحى الباب وشوفى مين
مكة:- حاضر يا مامى.... وتفتح مكة الباب وتجد رضوى... دى ياضوا يا مامى
رضوى:- بضحك... هههههههههههه. .... رضوى مش ياضوا
مكة:- بتكشيرة 😖 مش اعرف اقول
رضوى:- وهى تقبلها جامد..... عسل وسكر يا موكة
مكة:- وانتى عسل وسكى يا ياضوا.... تلعبى معايا
رضوى:- معلش يا قلبي عندى درس بعد شوية اما ارجع هلعب معاكى خلاص
مكة:- خلاص
رضوى:- مامى فين بقا
مكة:- مامى بتعمل اكل لمكة
رضوى:- ماشى روحى انتى العبى بقا
مكة:- لا انا بعمل الهوم ورك
رضوى:- طيب يا حبيبتى روحى خلصى علشان اما  ارجع نلعب سوا ماشى
مكة:- ماشى... وتذهب مكة وتدخل رضوى عند ولاء
رضوى:- ازيك يا ابلة ولاء عاملة ايه
ولاء:- الحمدلله يا رضوى انتى  عاملة  ايه... واخبار  المذكرة ايه
رضوى:- الحمدلله تمام 👌اوى
ولاء:- لو احتجتى اى حاجه انا موجودة تعالى فى اى وقت
رضوى:- ان شاءالله يا ابلة..... بس انا كنت عايزة اتكلم معاكى فى حاجه مهمة
ولاء:- وهى تترك ما بيداها...... خير يا حبيبتى قولى عالطول انتى كويسة
رضوى:- انا الحمدلله كويسة..... انا عايزة اتكلم بخصوص موضوع ابلة صفاء وابيه رامى
ولاء:- وهى تخرج معها الى الصالة.... طيب تعالى نقعد برا وقوليلى انتى عايزة ايه بالظبط
رضوى:- وهى تجلس على الأريكة.... هو احنا هنسيبهم كدا من غير حل
ولاء:- انتى عيزانا نعمل ايه
رضوى:- نعمل اى حاجه علشان يرجعوا لبعض
ولاء:-بتفكير.... اممم طيب سيبنى افكر فيها وبعدين اقولك هنعمل ايه
رضوى:- وهى تنهض من مكانها..... تمام انا عندى درس دلوقتى واما ارجع نبقا نتكلم.... اوك
ولاء:- ماشى ياقلبى
رضوى:- يلا سلام عليكم
ولاء:- وعليكم السلام مع السلامة يا حبيبتى
بعد ما رضوى تنزل ولاء وهى تفكر مع نفسها
ولاء:- هنعمل ايه يا ولاء... هنعمل ايه يا لولو.... وتقطع تفكرها مكة
مكة:- ماما موكا عايزة تاكل
ولاء:- وهى تأخذها الى المطبخ.... تعالى يا قلب ماما.. انا عملت لموكا الاكل اللى بتحبه... وتجلب لها الطعام وتطعمها
بعد وقت ليس بقليل.... يأتى أحمد زوج ولاء
أحمد:- السلام عليكم يا اهل الدار
ولاء وهى تخرج من الغرفة:- وعليكم السلام ورحمة الله.... انت ازاى دخلت ولا الباب كان مفتوخ
أحمد:- لا الباب كان مفتوح. ... عمى ادانى المفتاح وانا طالع علشان مش تقومى تفتحى وتتعبى نفسك...وقالى ان صفاءلسه ما رجعتش
ولاء:- والله بابا دا عسل اوى
أحمد:- وهو يقرب منها ويغمزها... والله انتى اللى عسل ياعسل ويقبلها من جبينها
ولاء:- وهى تبتعد عنه... أحمد
أحمد:- عيون أحمد وقلب أحمد.... وهو يقرب وهى تبعد
ولاء:- أحمد انت عايز ايه
أحمد:- بخبث.... عايز اقولك كلمة سر 😉
ولاء وهى ترفع ايديها امامه ☝..... انت ناسى تعلمات الدكتورة ولا ايه
أحمد وهو يضرب كفه على جبينه:- اااخ دا  انا كنت نسيت خالص
ولاء:- طيب يا استاذ نساى ادخل غير هدومك على ما احضرك الاكل
أحمد:- هو انتى تعبتى نفسك ووقفتى تعملى اكل
ولاء:- لا يا حبيبى دى صفاء مجهزة اكل الاسبوع فى التلاجة وانا بس هطلع واسخن
أحمد:- لا يا حبيبتى ما تتعبيش نفسك.. انا هستنا اما صفاء تيجى وعمى يطلع وناكل كلنا سوا
ولاء:- خلاص يا حبيبى اللى يريحك
أحمد:- هو صحيح موكا فين
ولاء:- اكلت ونامت من شوية
أحمد:- طيب تمام ادخل انا كمان اغير واريح شوية.... علشان هبقا انزل باليل اقعد مع رامى نتكلم شويه على القهوة(كافيه شعبى)
ولاء؛- بمناسبة رامى ... انا عايزة اقولك على حاجه
أحمد:- خير يا حبيبتى
ولاء:- اصل رضوى جاتنى الصبح وقالتلى عيزين نعمل حاجه نرجع ببها رامى وصفاء لبعض
أحمد بتفكير :- امممم.... طيب تفتكرى نعمل ايه
ولاء:- ما هو لو انا عارفة مكنتش سألتك
أحمد:- طيب سيبى الموضوع دا عليا  اما ااقبل رامى الاول واشوف دماغه فيها ايه
ولاء:- خلاص ماشى
      ______________________________________
فى بيت منار بعد ما روحت كلمت عزت فى التيلفون وطلبت منه انه يجى عندهم علشان تتكلم معاه فى موضوع مهم.....اتفق معاها انه هيجى بعد مايخلص شغله.... وبعد وقت ليس بقليل وصل عزت..... وبعد الترحيب والسلامات وواجب الضياقة
عزت:- خير يا منار.... ايه الموضوع المهم اللى عيزانى فيه
منار:- من غير لف ودوران... ومن غير زعل... انا عيزاك تتقدم لصفاء
عزت:- بدهشة.... بس دا مكنش رأيك من الأول... ايه اللى اتغير
منار:- ما هو انت مش هتتقدم بجد
عزت:- يعنى ايه مش فاهم حاجه
منار:- بص انا هحكيلك... زى ما قولتلك قبل كدا صفاء ورامى بيحبوا بعض ماشى
عزت:- ماشى... وبعدين انا دخلى ايه بالكلام دا كله
منار:- اسمعنى بس ومتقطعنيش
عزت:- اتفضلى يا ستى.... قولى اللى عندك
منار:- انت هتروح تتقدم لها وهى هتوافق طبعآ.... فترة كدا من غير ما تجيب شبكة ولا اى حاجه... كل اللى هتعمله انك هتتقدم وبس... ها قولت ايه
عزت:- فى ايه
منار:- فى اللى انا قولته
عزت:- هو انا فهمت حاجه من اللى انتى قولتيه
منار:- يا عم افهم انت هتروح تتقدم لصفاء وبس مش هتعمل حاجه تانى
عزت:- وبعدين... وبعد ما اتقدملها ايه اللى هيحصل
منار:- ولا حاجه.... كل اللى احنا عيزينوا ان رامى يغير بس.... وهو اصلآ هيولع منك
عزت:- تقصدى هيولع فيا... دا مش  بعيد يعملها قبل ما انزل من البيت عندهم
منار:- لا ماتخفش احنا هنأمن لك الدنيا
عزت:- طيب دلوقتى نفرض انى عملت اللى بتقولى عليه ورامى غار عليها وعمل اللى ما يعمل... بعد ما صفاء توافق هنرجع نفركش ازاى بعد ما هى توافق.... والناس والجيران  هيقوله ايه.... هيرجعوا يتكلموا تانى عليها وبعد ما كان الناس نسيت كدا هنرجع نفكرهم تانى ويرجعوا يتكلموا تانى
منار:- ما كل الكلام دا احنا فكرنا فيه.... انت هتتقدم بس مش هيحصل خطوبة ولا اى حاجه... كل الحكاية ان رامى يحس ان صفاء هتضيع من ايداه ويعرف انها مش تحت امره يرميها وقت ما يحب ويرجعها وقت ما يحب... وكمان يبطل العصبية اللى عنده دى....ها قولت ايه
عزت:- بتفكير... اممممم.... ماشى موافق... بس انا هروح لوحدى من غير ابويا ولا امى علشان ميحسوش ان فى ايهانة ولا حاجه لما الموضوع  ما يتمش
منار:- احسن بردو... خلاص شوف فاضى امته علشان اظبتها مع صفاء
عزت:- انا بخلص شغل على 3 ونص كدا على ما اروح البيت واغير وكدا يعنى قولى معاكى لحد الساعة 6 يعنى اى وقت من بعد 6 فى اى يوم
منار:- خلاص انتظر منى تلفون اقولك على المعاد
عزت:- اوك وانا فى انتظار مكلمتك.... يلا سلام انا بقا
منار:- ما انت قاعد معانا خليك شويه
عزت:- معلش خليها يوم تانى علشان تعبان النهارده وعايز اريح شويه
منار:- خلاص براحتك ابقا سلم على خالى ومرات خالى
عزت:- ان شاءالله يوصل سلمى على عمتى سلام
... بعد ما عزت مشى اتصلت منار بصفاء لتبلغها ما دار بينها وبين عزت
    _______________________________________
عند عزت بعد ما نزل من عند منار وهو فى العربية
عزت بيتكلم مع قلبه وعقله
عزت:- يعنى ياربى الانسانة الوحيدة اللى قلبى اتفتحلها ودق بسببها تكون بتحب واحد تانى وكمان تطلب منى انى اساعدها فى انهم يرجعوا لبعض
عقله:- وانت ترجعهم لبعض ليه انت خدها ليك
قلبه:- لا طبعاً انت عملت الصح اللى بيحب حد يتمناله الخير حتى لو مع غيره
العقل:- بس اسكت انت خليك كدا عبيط واهبل ومجروح دائماً
القلب:- انا مش عبيط ولا اهبل وعمر الحب والتطحية ما كانت هبل وعبط ولو على الجرح انا ما لحقتش اتعلق بيها وممكن ادق تانى لغيرها
عزت:- خلااااااص انا هعمل اللى اتفقت مع منار عليه.... هى شافت ان انا ممكن اساعدها فانا هساعدها  ومش ممكن اخيب ظنها فيا
ويقفل عزت الحوار اللى كان بين علقه وقلبه.... وروح على بيتهم
     _______________________________________
فى البيت عند صفاء بعد ما رجعت من المدرسة واتغدوا وقعدت تلعب شويه مع مكة وتتكلم مع ولاء واحمد فى حورات عادية اتصلت بيها منار وبلغتها باللى حصل مع عزت وصفاء قالتها انها هتكلم باباها وتتفق معه على معاد..... خلصت صفاء المكلمة مع منار وطلبت من والدها انها تتكلم معه شويه... وبعد ما اتكلمت معه وحكتله كل اللى اتفقت عليه مع منار... وان عزت وافق على اللعبة اللى هما هيعملوها
عبدالرحمن:- لا يا صفاء انا مش موافق على اللى انتوا هتعملوه دا
صفاء:- ليه بس يا بابا
عبدالرحمن:- ذنبه ايه بس عزت علشان تلعبه معه اللعبة دى... وبعدين الجدع كان عايز يتقدملك فعلاً يعنى فى حاجه فى قلبه من نحيتك يبقا انتى كدا بتجرحى قلبه يا بنتى ولو عايزة رأى يبقا تتكلمى مع رامى وتقولى كل اللى جواكى ولو عايزة تكملى معه كملى ولو مش عايزة خلاص شوفى حياتك وهو يشوف حياته.... انما نلعب بقلوب الناس لأ والف لأ.... الا جرح القلوب يابنتى
صفاء:- تبكى وترمى نفسها فى حضن ابوها..... انا اسفة يا بابا مش عارفة وافقت على الكلام دا ازاى والله ما عارفة
عبدالرحمن:- علشان انتى مجروحة والمجروح مابيفكرش صح بيفكر بس ازاى يجرح اللى جرحه مابيفكرش ايه اللى ممكن يحصل بعد كدا... انتى ممكن تجرحى نفسك قبل اى حد تانى.... استهدى بالله كدا واستعيذى بالله من الشيطان الرچيم وصلى استخارة وشوفى ربنا كتبلك ايه.... واللى فيه الخير يقدمه ربنا
صفاء:- وهى تخرج من حضنه وتمسح دموعها.... معاك حق يابابا... اللى فيه الخير يقدمه ربنا... انا هروح اصلى واستخير ربنا عن اذنك
... وتترك صفاء والدها وتذهب لتفعل ما قاله لها والدها
عبدالرحمن:- بعد ما صفاء خرجت من عنده..... ربنا يهديكى للخير يا بنتى... ويصلح حالك ويروق بالك يارب
  ________________________________________
عند رامى واحمد وهما مع بعض على القهوة(كافيه شعبى)
أحمد:- وهو يرتشف من كوب الشاى☕... ها يا سيدى اهينا قعدنا وطلبنا الشاى وشربنا.... ايه بقا الموضوع اللى عيزنى فيه
رامى:- يعنى هو فى موضوع غير موضوعى انا وصفاء
أحمد:- طيب وعيزنى انا اعملك ايه... انت عصبى ودماغك ناشفة... وهى عنادية ودماغها انشف منك
رامى:- يا عم هو انا جيبك علشان تشوفلى حل ولا تعقدنى اكتر
أحمد:- انت بجد عايز حل
رامى:- بتريقا... لأ جيبك علشان العبك عشرتين طاولة.... ما تنجز يا عم
أحمد:- اللى انا اعرفه عن صفاء انها رومانسيه وبتحب الأغانى الرمانسية يعنى ادخلها من الطريق دا
رامى:- بتفكير..... اذا كان كدا مافيش اسهل من كدا
أحمد:- بس قبل ما تبدأ يا حلو لازم تعتذر من عزت علشان هى حطة فى دماغها انك معاند ومتكبر ومش عايز تعتذر.... وخف من العصبية اللى عندك دى
رامى:- يا دى عزت اللى طلع لنا فى البخت دا
أحمد:- يا عم الاعتزار مش هيقلل منك ولا هينقص منك بالعكس انت هتكبر فى نظرها وهتسمحك كدا وتفتح قلبها تانى
رامى:- ودا اشوفه فين ولا اوصله ازاى
أحمد:- سهلة اوى عن طريق رامز يكلم منار تتقابل معه فى اى مكان
رامى:- خلاص ماشى اما نشوف اخرتها ايه
أحمد:- اخرتها المأذون ان شاءالله
رامى:- يسمع منك ربنا... انت عارف وانا بتكلم معاك بحس انى بتكلم مع وليد صاحبى... جدع زيك كدا
أحمد:- يا سيدى شكرا معملتش حاجه انت اخويا وصفاء اختى
رامى؛- ربنا يديم المحبة
أحمد:- يارب
...... وبعد كلام كتير عادى جدآ انتهت القاعدة واتجهوا الى البيت
.... وانتها اليوم على كدا
  _________________________________________
وانتهت حلقتنا كمان واتمنة تكون عجبتكم
واسمع رأيكم فى عبدالرحمن وعزت واحمد
وياريت اشوف تفاعل شوية
انا نزلت الحلقة دى النهاردة وبعد كدا مش هنزل غير اما ابنى يخلص امتحانات
واشوفكم الحلقة الجاية على خير
مع تحياتى #كوثرمحمد