مازلت ملكة فى بيت أبى

الثالثة عشر

مازلت ملكة فى بيت أبى
------------------------------
الحلقة الثالثة عشر
----------------------- بقلمى #كوثرمحمد
اذا اجتمع الشك مع الغيرة
انقضا الحب وانتزعت الثقة
فينغلق العقل والقلب
ويتكلم اللسان بكلام يجرح قلب الحبيب
وبعد ذالك لا يستطيع الحبيب النسيان او الغفران
   بقلمى #كوثرمحمد ---------------------------------------------------------
رامى بعد ما شاف الصور اللى بعتتهم هالة اتصل ب صفاء وعمل معاها خناقة كبيرة............. وقال لها كلام جرح قلبها  قبل كرمتها......... ونها العلاقة اللى لسه مابدأتش
....... صفاء من بعد مكلمة رامى لها وهى فى حالة اكتئاب....... ولا بتنزل المدرسة ولا بتتكلم مع اى حد......... حتى والدها بتتكلم معه على قد السؤال مش اكتر
        -------------------------------------------------
......... وفى احد الايام بالمدرسة
مدير المدرسة بيسأل منار عن صفاء
يحيى:- صباح الخير يا استاذة منار
منار:- صباح الخير يا استاذ يحيى
يحيى:- هى الاستاذة صفاء ليها اسبوع متغيبة عن العمل .........لعل المانع خير
منار:- (وهى قد علمت بكل شئ)......... بصراحة مش خير خالص حضرتك
يحيى:- ايه اللى حصل يا استاذة
منار:- طيب حضرتك ممكن ندخل المكتب واحكى لحضرتك كل حاجه
يحيى:- اتفضلى معايا
......... وبعد ما دخلوا المكتب .......... حكت منار كل شئ من اول الدروس الخصوصية الى ما فعله ب صفاء
يحيى:- 😲بزهول.......... اللى بتحكيه دا صحيح يا استاذة
منار:- طبعآ يا فندم ومعايا الدليل اللى البنات صواروه......... وتفرجه على الفيديو
يحيى:- بعد انتهاء اليوم الدراسى عايزك تودينى بيت الأستاذة صفاء
منار:- تحت امرك يا فندم
........ وبالفعل بعد انتهاء اليوم الدراسى ذهب استاذ يحيى مع منار الى بيت صفاء                      --------------------------------------------------------
فى منزل عبدالرحمن بعد وصول منار واستاذ يحيى
عبدالرحمن:- بترحيب........ اهلا يا بنتى اتفضلى
منار:- اهلا بيك يا عمى..... عامل ايه
عبدالرحمن:- الحمدلله بخير
منار:- معايا الاستاذ يحيى مدير المدرسة
عبدالرحمن:- اهلا وسهلا بيك يا استاذ يحيى
يحيى:- اهلا بيك يا حج عبدالرحمن
عبدالرحمن:-اتفضلوا ....... يا اهلا يا اهلا........ البيت نور والله يا استاذ يحيى
يحيى:- منور بصحابه يا حج
.......... وبعد الترحيبات والسلامات............. استأذنت منار ودخلت عند صفاء
يحيى:- لامواخذة يا حج انى جيت من غير معاد كدا
عبدالرحمن:- لا يا يبنى ماتقولش كدا............  البيت بيتك........... تشرف فى اى وقت
يحيى:- الشرف ليا يا حج انى اتعرفت بيك......... ودا يشجعنى على الكلام اللى جاى اقوله
عبدالرحمن:- كلام ايه يا بنى اتفضل قول
يحيى:- بعد اذنك عايزة الاستاذة صفاء تكون موجودة معانا
عبدالرحمن:- حاضر يابنى هنده عليها
........... ويقوم عبدالرحمن ينده ل صفاء
...... بعد ما تأتى صفاء
صفاء:- السلام عليكم ورحمة الله
يحيى:- وعليكم السلام ورحمة الله وبركاته........... عاملة ايه يا استاذة صفاء
صفاء:- الحمدلله على كل حال
يحيى:- خير يا استاذة مابتجيش المدرسة ليه
صفاء:- تسكت ولا ترد 😔😔
يحيى:- انا عارف اللى حصل معاكى
صفاء:- 😲 عارف ... عارف ايه
يحيى:- عارف اللى عاملوا عادل ومرات قريبك. ....... بس انتى غلطانة يا استاذة
صفاء:- انا...... انا اللى غلطانة
يحيى:- ايو انتى اللى غلطانة علشان سكتى واستسلمتى ودفنتى راسك ذى النعامة......... ومحاولتيش تجيبى حقك
صفاء:- واجيب حقى ازاى يعنى
يحيى:- انك تنزلى لشغلك وتوجهى اى حد بيتكلم عنك............وتقدمى بلاغ رسمى فى عادل وانا اعمل تحقيق لحد ما تظهر الحقيق...............انتى المجنى عليكى مش الجانية عليهم.......... لازم تكونى قوية زى ما اتعودنا اننا نشوفك دايمآ
عبدالرحمن:- يسلم لسانك يا استاذ يحيى.......... والله تعبت معاها وانا اقولها تنزل......... بس هى مش سامعة الكلام ابدآ
يحيى:- وهو يقوم يقف.......... انا بكرا عايز اشوفك اول واحده فى المدرسة ومش عايز تأخير............ والبلاغ يكون على مكتبى اول ما ادخل المكتب بعد الطبور
عبدالرحمن:- طيب وانت قومت ليه يا بنى
يحيى:- اتوكل على الله انا وامشى ......... وان شاء الله تفكرى فى كلامى كويس
عبدالرحمن:- ان شاءالله.......... بس مش كنت قعد اتغديد معانا
يحيى:- معلش يا حج المرة الجاية ان شاء الله........... يلا سلام عليكم
الجميع:-وعليكم السلام ورحمة الله  وبركاته
عبدالرحمن:- والله كتر خيره............ انسان محترم فعلن
منار:- جدآ جدآ يا عمو والله......... وكل المدرسةبتحترمه
عبدالرحمن:- من حبه ربه حبب فيه خلقه........ الله يجازيه كل خير
منار:- امين يارب............. ايه يا صفاء مالك
صفاء:- لا رد
منار:- صفاء....... صفاء......... صفااااااااء
صفاء:- ايه فى ايه......... هو استاذ يحيى فين
منار:- دا انتى مسافرة من زمااااان بقا......... صحى النوم............ استاذ يحيى مشى من بدرى
عبدالرحمن:- مالك يا حبيبتى فيكى ايه
صفاء:- ابدا يا حبيبى مافيش
عبدالرحمن:- على عبودى بردو ............ انتى كلام الاستاذ يحيى دخل دماغك صح.
صفاء:- ايو يا بابا........ بس مش عارفة اعمل ايه.......... مع ان هو هو الكلام اللى انت قولتهولى........... بس بطريقة تانى
عبدالرحمن:- علشان انا قولت بطريقة الاب............. لكن هو قال بطريقة عملية
صفاء:- بتفكير................ عندك حق يا بابا
منار:-طيب يا جماعه اتكل انا على الله
صفاء:- انتى هتستهبلى امال مين هيخلص على الاكل اللى جوا دا
منار:- لا اذا كان فيها اكل انا مش ماشية
وتجلس منار وتربع رجلها.......... يلا هاتى الاكل بسرعة
صفاء:- 😡😡 قومى ياختى قدامى على المطبخ................ ويدخل الى المطبخ
عبدالرحمن:- بضحك هههههههههه ربنا يخليكم لبعض ويسعدكم يارب................ الحمدلله انى شوفت الضحكة على وشك تانى يا قلب ابوكى
.......... وتفضل منار مع صفاء باقى اليوم بعد ما كلمت والدتها واستاذنت منها ................... وبعد انتهاء اليوم تذهب منار الى منزلها
................. وينتهى اليوم على ذلك ويذهب الجميع الى النوم
   ____________________________________
وفى صباح اليوم التالى تستيقظ صفاء مبكرآ وكلها نشاط وحيوية............ وتجرى بعض المكلمات الهاتفية
صفاء:- صباح الخير يا عبودى
عبدالرحمن:- صباح الورد والفل والياسمين على عيونك الحلوين........ ايه النشاط دا كله يا حبيبتى
صفاء:- عادى يا عبودى.......... لازم نبطل كسل بقا
عبدالرحمن:- بخبث.......... ولابسة ورايحة على فين كدا على الصبح
صفاء:- هكون رايحة فين يا سى عبودى................ على المدرسة طبعآ............. يلا سلام عليكم
عبدالرحمن:- بضحك هههههههه وعليكم السلام ورحمة الله............ مع السلامه ............ ربنا معاكى ويقويكى على اللى انتى دخلة عليه
  ___________________________________
صفاء وهى نازلة قبلت رامز وهو نازل
رامز:- صباح الخير يا صفاء
صفاء :- صباح الخير يا ابيه
رامز :- على فين كدا على الصبح
صفاء :- على المدرسة طبعآ
رامز:- 😲باستغراب........ ربنا يوفقك
صفاء :- يارب ............ يلا سلام هتاخر كدا
.......... وتنزل صفاء وتذهب الى المدرسة
  واول ما تصل إلى المدرسة تتقابل مع منار التى كانت فى انتظارها
صفاء:- صباح الخير يا مانو
منار:- يا صباح العسل يا قلب مانو
صفاء:- ايه الاخبار
منار:- كله تمام والكل فى انتظارك........ يلا بينا
صفاء:- توكلنا على الله ....... يلا
........... ويدخلا الاثنين الى المدرسة......... وكان بانتظارهم استاذ يحيى.........وتقدم من صفاء وطلب منها ان تلقى كلمة على الجميع __________________________________
ياترا ايه اللى هيحصل فى المدرسة؟
وصفاء هتقول ايه؟
وعادل هيعمل ايه؟
انتظرونى الحلقة الجاية من ( مازلت ملكة فى بيت ابى)
مع تحياتى #كوثرمحمد