مازلت ملكة فى بيت أبى

الحلقة 26

مازلت ملكة فى بيت أبى
------------------------------ الحلقة 26
بعد يومين من الاحداث اللى فاتت
عزت اتصل ب منار وكلمها فى موضوع علي ورضوى وهى فرحت اوى ووعدته انها تفاتح رضوى فى الموضوع ولو لقت قبول هتفاتح رامز كمان
وبعد كدا اتكلمت مع رضوى اما رجعت من الكلية ورضوى قالت لها هتصلى استخارة وترد عليها وبالفعل بعد كام يوم رضوى قالت لها انها معندهاش مانع وموافقة بس بعد ما رامز ورامى يوافقوا هما الاول
ومنار كلمت رامز وادخلت والدتها فى الموضوع علشان تقول كلمتين حلوين فى حق علي
ووافق رامز هو كمان ومش فاضل غير رامى هيقول ايه وهيوافق ولا لأ ( هنعرف بعدين)
وفى أثناء وجود سهير والدة منار وهى تتحدث مع رامز بخصوص علي..... كانت منار ورضوى بالمطبخ تعبت منار وداخت ووقعت على الارض رضوى صوتت ودخل رامز جرى هو وسهير شالها رامز ودخلها غرفتهم ودخلوا وراهم رضوى وسهير
رامز:- وهو يضعها على السرير.... هو ايه اللى حصل
رضوى:- مش عارفة والله انا فجأة كدا لقتها وقعت واتخضيت وصوت
سهير:- فوقها الاول وبعدين اسأل
رضوى:- وهى تعطيه زجاجة عطر...... خد البرفان دا شممها منه
اخذ رامز منها البرفان وبداء يفوق فيها.... وبعد ان فاقت
منار:- ايه فى ايه... ايه اللى حصل
رامز:- انتى اللى فى ايه.... اغمى عليكى ليه انتى مأكلتيش من الصبح ولا ايه
منار:- لا والله اكلت مع صفاء فى المدرسة واكلت اما رجعت
سهير:- طيب انتى حسيتى بايه قبل ما تقعى
منار:- حسيت ان الدنيا بتلف بيا وزغللة فى عينى وبعد كدا محستش بحاجه غير دلوقتى
سهير:- طيب يا حبيتى الف مبروك
منار:- مبروك على ايه يا ماما
رامز:- بفرحة...... بجد يا حماتى انتى متأكدة
منار:- هو فى ايه انا مش فاهمة حاجة
رضوى:- هى دى محتاجة فهم ما هى واضحة زى عين الشمس اهى... مبروك يا قلبي ❤ هتبقى ماما... مبروك يا بابا رامز
رامز:- هو انتى هتعملى فيها دكتورة علينا ولا ايه
رضوى:- دى مش محتاجه اعمل دكتورة ولا معملش اهى داقنى اهى لو مطلعتش حامل....وتمسك دقنها
منار:- ايه دا هو انا لحقت.... دا جوازنا مكملش شهرين لسه
سهير:- انا مش عارفة انتى مدرسة ازاى اذا كان البنت الصغيرة عرفت عالطول وانتى لسه بتفكرى وتحسيبى
رامز:- استنى بس يا حماتى... منار معاها حق احنا لسه مكملناش شهرين نعمل تحليل ونتأكد الاول
سهير:- اعملوا اللى انتوا عايزينوا بس انا بقا متأكدة..... تعالى يا رضوى نكمل احنا الاكل
......... وتخرج من الغرفة هى ورضوى
منار:- هو دا ممكن يكون بجد يا رامز
رامز:- وهو يمسك ايدها.... مش عارف والله يا حبيبتى بس كل شئ ممكن ومش بعيد عن ربنا
منار:- طيب تعالى نروح اعمل تحليل فى المعمل اللى فى اخر الشارع ولا نجيب اختبار من الصيدلية ونجرب
رامز:- لأ بتاع الصيدلية دا انا مش بقتنع بيه احنا نروح المعمل احسن.... قومى البسى يلا على ما انا كمان البس
منار:- ماشى.... طيب ناخد ماما معانا ولا ايه
رامز:- لأ سيبيها احنا نروح ونيجى بسرعة..... وكمان علشان لو طلعتى حامل فعلاً متفضلش تضحك علينا
منار:- وقط انهت لبسها..... طيب ماشى... يلا انا خلصت
رامز:- وانا كمان يلا
عند سهير، ورضوى بعد ما خرجوا من غرفة رامز ومنار ودخلوا المطبخ
سهير:- ايه رأيك يا رضوى منار هتطلع حامل
رضوى:- انا بقول كدا بردو يا طنط
سهير:- طنط ايه يا حبيبتى مش قولتلك تقوليلى يا ماما ولا انتى مش حابه تقوليها
رضوى:- لا والله بس علشان يعنى مش متعودة لسه
سهير:- طيب من هنا ورايح تقولى يا ماما زيك زى منار بالظبط
رضوى:- وهى تحضنها..... حاضر يا ماما
سهير:- ايو كدا... يلا بقا نكمل الاكل اللى مش عايز يخلص دا
وبعد ما خلصوا خرجوا من المطبخ لم يجدوا احد ولا رامز ولا منار
رضوى:- دا مافيش حد منهم...... راحو فين دول
سهير:- وهى تمد شفايفها الى الامام...... علم علمك
رضوى:- بتفكير....... عارفة ممكن يكونوا راحو يعملوا تحاليل
سهير:- تصدقى ممكن
رضوى:- طيب انا هتصل على رامز اسأله..... وتصل رضوى ولا تجد رد...... مش بيرد
سهير:- خلاص سيبيهم اما يجوا هنعرف ويا خبر بفلوس كمان شوية يبقا ببلاش
وبعد وقت ليس بقليل أتى رامز ومنار ووشهم بالارض
سهير:- انتوا كنتوا فين احنا مستنينكم من بدرى
رامز:- احنا رحنا المعمل..... ومنار عملت التحليل
سهير ورضوى:- هااااااااااااا
رامز:- أبداً.... بعد ما عملنا التحليل واستنينا النتيجة
سهير ورضوى:- بعدم صبر..... هااااااااااااااااااااااااااا
رامز:- بفرحة وصوت عالى.......... منار حااااااااااااامل
سهير ورضوى:- فى وقت واحد....... لووووووووووووى
سهير:- وهى تحضن منار...... الف مبروك يا قلبي ❤ الف مبروك يا حبيبتي ربنا يكملك على خير يارب
رضوى:- الف مبروك يا منار الف مبروك يا حبيبتي مبروك يا رامز..... علشان بعد كدا تبقا تتريق عليا وتقولى عاملة فيها دكتورة علينا...... اه بقا دكتورة ونص كمان اهو
سهير:- ايو يا دكتورة رضوى.... وقال ايه هو لحقت.... اه يا ختى لحقتى ونص اهو
رامز:- بدموع...... الف حمد وشكر ليك يارب..... ياااااه دا انا كنت بموت وانا بتمنى اليوم دا لما كنت فاكر انى مابخلفش
منار:- وهى تحضنه..... احمد ربنا يا حبيبي انه ظهرلك الحقيقة فى الوقت المناسب وان كل حاجه ربنا بيعملها بتكون ليها سبب ولازم نكون مؤمنين بقضاء الله وقدره ودا قدرك
رضوى:- بدموع..... ايو قدرك تشوف الشر علشان تقدر الخير والسعادة اللى جاتلك
رامز:- الحمد لله على كل حال.... احلى خير الحمد لله ليك يارب انت قادر على كل شئ.... اما اتصل بالواد رامى اقوله الخبر دا ولا ايه رأيكم نخليها مفاجأة اما تيجي
رضوى:- ما تتعبش نفسك لو انت ماقولتش ابلة صفاء هتقول وتحرقلك المفاجأة
رامز؛:- فعلاً معكى حق.....
منار:- الا صحيح هى صفاء ما طلعتش ليه على صوت الزغريط ليه
رامز:- اه صحيح.... وعمى كمان مكنش فى المحل واحنا طالعين
منار:- طيب اتصل على صفاء شوفها فين
ويتصل رامز ولا يجد رد
رامز:- مش بترد
رضوى:- مش بترد ولا انتظار
رامز:- يجرب مرة اخرى وهو ينظر الى الهاتف..... لا مش انتظار.... ومش بترد برضو
منار:- دى عمرها ما عملتها قبل كدا..... حتى لو انتظار بتكنسل علينا
رضوى:- انا بقيت اقلق..... وقلبى بيقول ان فى حاجه حصلت
سهير:- يا جماعه تفألو خير ان شاء الله..... والغايب حجته معه
منار:- ان شاء الله خير.... جرب تانى يا رامز وان شاء الله ترد المرة دى
وقبل ان يتصل رامز يجد الهاتف يرن
رامز:- الو ايو يا صفاء انتى فين ومش بتردى عليا ليه وعمى كمان فين
صفاء:- واحدة واحدة عليا يا رامز.... احنا فى المستشفى
رامز:- بقلق...... مستشفى ايه.... ايه اللى حصل
صفاء:- احنا فى مستشفى التأمين وخلاص شوية وهنيجى
رامز:- يا بنتى طمنينا ايه اللى حصل.... انا جاى حالآ
صفاء:- ملهوش لازمه انت اصلآ على ما تتحرك هنكون جينا.... يلا سلام
وتقفل صفاء
منار ورضوى:- هااا طمنا قالتلك ايه
رامز:- مافهمتش منها حاجه... كل اللى قالته انهم فى مستشفى التأمين وخلاص شوية وجيين.... وبس.... ولا فهمت اى حاجه
سهير:- ان شاء الله خير.... خير.... خير
رضوى ومنار :- ان شاء الله
رامز:- انا هنزل استناهم فى المحل تحت علشان اشوفهم اما يجوا......وينزل رامز
وبعد مرور وقت كثير يجد رامز سيارة أجرة تقف امام المنزل وتنزل منها صفاء من الخلف وعبد الرحمن من جوار السائق
ويجرى عليهم رامز
رامز:- ايه اللى حصل طمنونى
صفاء:- نطلع يا رامز فوق الاول وبعدين نحكيلك على كل حاجه بس اسند بابا معايا
عبد الرحمن:- لأ انا هطلع لوحدى سيبونى
صفاء:- لأ مش هينفع لازم نسندك
... وياخدوه ويطلعوا شقة عبد الرحمن
وبعد ما طلعوا رن رامز على منار وقالها ان عمه جيه ونزلوا كلهم منار ورضوى وسهير
وبعد السلامات حكت لهم صفاء ما صار معهم
------------------------------------------------------
ونعرف الحلقة الجاية توقعتكم
واشوفكم على خير
مع تحياتى كوثر محمد
انا عارفه ان الحلقة قصيرة بس احسن من مافيش
علشان والله دماغى وقفة عن التفكير فى القصة
ادعولى ربنا يريح بالى وقلبى ويطمنى على بنتى وادعوا لبنتى ان ربنا ينور بصرتها ويصلح لها الحال وترتاح من اللى هى فيه
بنتى اسمها ايات
ارجوا منكم الدعاء لها