مازلت ملكة فى بيت أبى

الرابعة عشر

مازلت ملكة فى بيت أبى
___________________
الحلقة الرابعة عشر
بقلمى #كوثرمحمد
____________________________
المكلمات الهاتفية اللى صفاء اجرتها كانت ل منار ورضوى واستاذ يحيى
(وهنعرف ايه اللى اتقال من الاحداث)
اعتلت صفاء منصة الاذاعة المدرسية
(الخطاب منقول)
والقت عليهم السلام
صفاء:- السلام عليكم ورحمة الله وبركاته
الطلاب:- وعليكم السلام ورحمة الله وبركاته

( أجمل مافي الحياه
أن تكسب قلـــــــوب من ذهــب
تكسب أخــــوه قبل الصداقــــــه
تكسب أصدقـــــــاء يحبـــونـــك
يتألمــــون بألمـــــــك
يفرحـــــون بفرحـــــك
أصدقاء حتى في غيابك يدعون لك
أصدقاء تأمنهم على أسرارك وقلبك
أصدقاء ربمآ يغنون عن الأخوه والأقارب
أصدقاء ينصحون عند الخطأ
ويشجعون عند الصواب
دمتم لي شموع مضيئة في حياتي
🌷🌷💚💛💜♥) منقولة
صفاء:- الكلام دا طبعآ مقصود بيه الاستاذ الكبير والاخ العزيز الاستاذ يحيى……… واختى وحبيبتى وصحبة عمرى الاستاذة منار
طبعآ كلكم عرفتوا اايه اللى حصل معايا......... من الفيديوهات اللى وصلت لكم من رضوى واصدقائها ( دا اللى طلبته  صفاء من رضوى)........... طبعآ بعد ما الكل عرف اللى حصل........ (كانت تتكلم وهى تقترب من عادل)......... كان لازم اجى واحط النقط على الحروف واصلح الغلط اللى حصل معايا ( كانت وصلت عند عادل وهو يبتسم ابتسامة بلاهاء)......... صفاء بنظرة غل وكره........ انت انسان اقل ما يقول عنه انه حقير وواطى وانت عالا على البشرية وعلى التعليم والمعلمين.......... انت اسأت الى اسمن واشرف مهنة فى الوجود ( وبكل قوتها ضربته بالقلم) انت احقر بنى ادم شفته فى حياتى اتفوه عليك......... وتركته ورجعت الى مكانها بين المدرسين
يحيى:- استاذ عادل مع ان انت ماتستهلش لقب استاذ........ انت متحول للتحقيق ومفصول عن العمل لحين انتهاء التحقيق
(فى الوقت دا كانت نظرات المدرسين والمدرسات اتجاه عادل منها الشمتان ومنها المشمئذ واللى حصل دا كان دافع قوى ان اى مدرسة او طالبة عادل اتحرش  بيها سواء بالالفاظ او بالايدى تشجعت انها تضم صوتها لصوت صفاء فى الشكوة اللى مقدمها ضد عادل)
وبعد وقت طويل انتها اليوم الدراسى واتجهت صفاء الى منزلها وهى فى قمة السعادة والفرح والثقة بالنفس
  ------------------------------------------------------
بعد ما صفاء رجعت البيت حكت لوالدها كل اللى حصل فى المدرسة
صفاء:- بس يا سيدى وادى كل اللى حصل
عبدالرحمن:- الحمدلله يا بنتى انك اخدى حقك منه.......... وهالة ربنا اخدلك حقك منها بردوا
صفاء:- تقصد طلاقها من رامز
عبدالرحمن:- لأ مش طلاقها وبس
صفاء:- امال ايه اللى حصل
عبدالرحمن:- استغفرالله العظيم.......... اللهم لا شماتة
صفاء:- شماتت ايه يا بابا ماتقول بقا عالطول
عبدالرحمن:- اصل من شويه جات واحدة هنا ل هالة كانت صحبتها ومفكرها لسه عايشة هنا
صفاء:- ودى كانت عايزة ايه؟
عبدالرحمن:-لا حولا ولا قوة إلا بالله........... كانت جاية تهلل وتزعئ وتنادى على هالة من الشارع بعلو صوتها وتشتم فيها بكل الالفاظ القذرة
صفاء:- ودا علشان ايه
عبدالرحمن:- هالة الله يسمحها كانت مصحبها وبتروح عندها البيت واتاريها كل سرها مع الست دى........ وطلعت متصحبة على جوزها من وراها............ استغفرالله العظيم........... وكانت بتكلمه على البتاع ده الفيس بوك دا ولا اسمه ايه
صفاء:- ايو هو........ ها وبعدين
عبدالرحمن:- وفضلت تشتم وتسب فيها وغلبت اقولها انها مشيت من هنا وان جوزها طلقها......... فضلت تقول اه وجوزها طلقها تلف على جوزى بعد ما اخو جوزها صدها ومعرفتش تغويه ......... وحرق دمها وخطب بنت عمه........ تقوم تلف على جوزى والله لكون فضحها وفاضحة كل عمايلها.......... وفضلت تحكى حاجات كتير اوى كانت بتعملها مع عادل وغيره على البتاع الفيس دا........ وان هى مش بتخلف وكدبت على جوزها وقالت له ان العيب منه هو
صفاء:- استغفرالله العظيم............ اللهم لك الحمد والشكر يارب............. حقى منهم هما الاتنين رجع فى يوم واحد
عبدالرحمن:- مشفتيش بقا الناس فى الشارع كانوا بيقولوا ايه
صفاء:- لأ شفت وسمعت بس ماكنتش فاهمة حاجة............. اللى بيعتزر واللى يسلم واللى يقول ربنا اظهر الحقيقة ……… وانا طبعآ كنت فاكرة ان حد عرف اللى حصل فى المدرسة من عيالهم وجيه قال
عبدالرحمن:- الحمدلله يا بنتى ان دا حصل ........... وزى ما بيقول المثل ( ربا ضرة نافعة)  اهو رامز عرف حقيقتها واتأكد من كل حاجه كان شاكك فيها
صفاء:- الحمدلله على كل حال........... انا هدخل اصلى ركعتين شكر لله انه ازاح الغمة دى
عبدالرحمن:- ماشى يا حبيبتى وانا هنزل اشوف المحل علشان سايبه من بدرى
صفاء:- ماشى يا حبيبى بالسلامة
.......... ونزل عبدالرحمن ودخلت صفاء تصلى
صفاء وهى بتصلى سمعت خبط على الباب افتكرت يكون ابوها نسى حاجه ولا  تكون رضوى............ خلصت صلاة وسلمت راحت تفتح الباب وهى لسه بالاذدال
رامز:- السلام عليكم
صفاء:- وعليكم السلام ورحمة الله.......... اهلا يا ابيه
رامز:- عاملة ايه يا صافى
صفاء:- الحمدلله بخير انت عامل ايه
رامز:- الحمدلله تمام عمى فين امال
صفاء:- لسه نازل من شوية
رامز:- طيب انا نازل اقعد معه شوية وانتى اعملنا شاى ونادى عليا اخده
صفاء:- حاضر من عيونى
رامز:- بضحك......... لا يا ختى من البراد......... ويغمز لها 😉....... يلا بسرعة........ وينزل ويتركها فى حالة زهول
صفاء:- 😲 هو مين دا........ هو دا رامز ابن عمى ولا واحد شبهه......... منك لله يا هالة كنتى كاتمة على نفس الجدع ........... وتدخل تعمل الشاى
   -----------------------------------------------------
تحت عند عبدالرحمن ورامز
بعد ما رامز نزل
رامز:- السلام عليكم يا عمى
عبدالرحمن:- وعليكم السلام ورحمة الله وبركاته اهلا يا رامز يا بنى عامل ايه
رامز:- وهو يجلس بجوار عمه.......... تمام الحمدلله وانت عامل ايه يا عمى
عبدالرحمن:- بفضل ونعمة من الله
رامز:- يارب دايما يا عمى
عبدالرحمن:- خير يا غالى
رامز:- خير يا عمى........... انا بس قولت انزل اشرب معاك كوباية شاى
عبدالرحمن:- بنظرة شك........... وماله قول لصفاء تعملنا شاى
رامز:- ما انا قولتلها وانا نازل ودلوقتى تنادى عليا
عبدالرحمن:- وماله مايضرش  ....ها خير ان شاءالله
رامز:- انا سمعت كلام كدا ان فى واحدة جات اتكلمت على هالة وقالت كلام كتير
عبدالرحمن:- ريح نفسك يابنى وماتفكرش فيها وشلها من دماغك
رامز:- انا فعلاً شلتها من دماغى بس كنت عايز اعرف ايه اللى كان بيحصل من ورا ضهرى ومش حاسس بيه
عبدالرحمن:- آسِتٌغُفُرآلَلَهّ آلَعٌظُيَمً...... وبداء عبدالرحمن فى قص ما حدث الى رامز
رامز:- بحزن.....ادا كدا انا كنت مغفل ومش حاسس باللى بيحصل فى بيتى
عبدالرحمن:- وهو يربت على ضهره...... انت انسان طيب وغلبان واحمد ربنا انها بانت على حقيقتها ومافضلناش على عمانا اكتر من كدا
رامز:- آلَحًمًدٍلَلَهّ عٌلَيَ کْلَ حًآلَ
عبدالرحمن:- ليغير الموضوع.....المهم بقا انت كنت عايز تقولى ايه
رامز:- بتوتر.....ما خلاص هو دا اللى كنت عايز اعرفه
عبدالرحمن:- بشك........... عليا انا بردو عيب عليك يا واد انت دا انا اللى مربيك........ ها قول عالطول من غير لف ودوران
رامز:- بضحك......... طول عمرك فقسنى كدا
عبدالرحمن:- لخص ياواد انت بدل ما اقوملك
رامز:- بصراحه كدا مع ان مش وقته..... انا عايز اتجوز
عبدالرحمن:- بضحك........ ما انا عارف
رامز:- عارف ازاى يعنى
عبدالرحمن:- عيب على الشيبة دى ياواد انت....... وكمان عارف انت عايز تتجوز مين
رامز:- 😲 مين بقا
  __________________________________
انتهت حلقتنا واشوفكم على خير الحلقة الجاية
توقعتكم مين هى العروسة؟
وتخمين عبدالرحمن هيكون صح ولا غلط؟
مع تحياتى #كوثرمحمد