مازلت ملكة فى بيت أبى

الحلقة 23

مازلت ملكة فى بيت أبى
----------------------------- الحلقة 23
بقلمى #كوثرمحمد
     ---------------------------
ويأتى يوم جديد على الجميع والكل ذهب الى عمله..... حتى رامى سافر الى عمله بعد ان ودع صفاء بأشعاره عبر الهاتف (اشعار سلطانة زماني) ولم يخلى اليوم من مناغشات رامز مع منار ايضآ عبر الهاتف
ومارت الايام وانشغلت صفاء ومنار بامتحانات اخر العام للصفى الاول والثانى الثانوى.... ومراجعة الدروس ل رضوى التى اوشكت امتحاناتها على البدء وستكون خلال اسبوع وستستمر لمدة اسبوعين ( بالنجاح والتوفيق ان شاء الله لكل طلاب الثانوية))
وفى اثناء فترة المرجعة من صفاء ل رضوى.... رضوى فى دنيا تانية
صفاء:- رضوى انتى مش معايا خالص
رضوى:- اسفة اوى يا ابلة دماغى مصدعة شويه
صفاء:- لأ يا رضوى انتى شكلك فيكى حاجه وسرحانة من بدرى... قولى فى ايه
رضوى:- بصراحة انا خايفة اوى من الامتحانات  وخايفة ماجبش مجموع وادخل طب زى ما بحلم
صفاء:- ما تخفيش انتى السنتين اللى فاتوا كانت درجاتك حلوة اوى وان شاء الله هتجيبى مجموع وتدخلى طب بس انتى ركزى اكتر من كدا
رضوى:- ان شاء الله بس انا لو جبت مجموع ابيه رامز هيقدر على مصاريف الكلية اصل مصارفها كتير اوى عليه وهو داخل على جواز
صفاء:- ملكيش دعوة انتى بالكلام ده انتى تفكرى فى الامتحانات دلوقتى وسيبى الباقى على ربنا..... انا مقبلش بمجموع اقل من 100٪ مفهوم
رضوى:- ان شاء الله
صفاء:- يلا بقا كملى على ما ادخل اشوف البت مكة مش طالع لها حس خالص... وتدخل صفاء تشوف مكة وتكون نايمة فى حضن ولاء
ولاء بتنام كتير بسبب الحمل... تقرب منها صفاء وبصوت همس تنادى على ولاء
صفاء:- ولاء انتى نايمة
ولاء:- بصوت كله نوم... ايو يا حبيبتي فى حاجه
صفاء:- لا يا حبيبتي خلاص نامى
ولاء:- وهى تعدل نفسها... خير يا صفاء فى حاجه
صفاء:- وهى تجلس بجوارها على طرف السرير.... كنت عايزة اتكلم معاكى فى حاجه
ولاء:- خير يا حبيبتي عايزة فلوس ولا حاجه
صفاء:- لا الحمد لله معايا... بس كنت بفكر اكلم رامى يساعد رامز فى مصاريف رضوى انتى عارفة هى نفسها تدخل طب وخايفة ان رامز ما يقدرش على المصاريف وهو داخل على جواز وانا خايفة ان دا يقصر عليها فى الامتحانات ومتجبش مجموع
ولاء:- بتفكير..... امممم طيب ما نتكلم مع رامز الاول ونشوف دنيته فيها ايه يمكن يكون عامل حسابه فى حاجه زى دى
صفاء:- بتفكير.... خلاص انا اول ما يجيى هتكلم معه وبعد كدا اتكلم مع رامى
ولاء:- ماشى يا حبيبتي يلا بقا سيبينى انام
صفاء:- طيب يا حبيبتي مش هتكلى اى حاجه كدا
ولاء:- لا يا حبيبتي اما أحمد يجى هبقا اكل معه
صفاء:- طيب يا حبيبتي براحتك اسيبك تنامى
وتخرج صفاء ل رضوى وتكمل معاها المرجعة.. وبعد ما تخلص مراجعة مع رضوى يطلع عبد الرحمن ويأتى رامز وبعد كدا يتغدوا مع بعض وبعد انتهاء الغداء تطلب صفاء من رامز انها تتكلم معه شوية
صفاء:- رامز لو سمحت كنت عايزة اتكلم معاك شويه قبل ما تطلع
رامز:- ماشى تعالى نقعد فى البلكونة
صفاء:- ماشى
ويدخلو الى البلكونة
رامز:- خير يا صافى فى حاجه
صفاء:- لا مافيش حاجه... انا بس كنت عايزة اتكلم معاك بخصوص رضوى
رامز:- بقلق..... خير مالها حصلها معاها حاجه
صفاء:- متقلقش كدا هى كويسة الحمد لله
رامز:- امال فى ايه
صفاء:- طيب اهدا علشان اعرف اكلمك
رامز:- صفاء انتى كدا بتقلقينى اكتر  اتكلمى من غير مقدمات
صفاء:- تمام بص هى كانت اتكلمت معايا وهى خايفة انك متقدرش على مصاريف الكلية وانا خايفة ان دا يقصر عليها فى الامتحانات
رامز:- وهى ايه اللى يخليها تفكر فى كدا
صفاء:- انت عارف انها عايزة تدخل طب
رامز:- اه عارف دى امنيتها من زمان....واتكلمت معاها وفرحت جدا انها طموحها عالى وانا قولت لها انى هقف معاها لاخر المشوار ومش هقصر معاها فى اى حاجه ان شاء الله ايه بقا اللى يخليها تفكر فى الموضوع دا تانى
صفاء:- يمكن علشان انت هتتجوز فقالت انها هتكون مصاريف عليك وكدا يعنى
رامز:- بضحك... هههههههه.. مجنونة البت دى.. ازاى تفكرها يوصل لكدا
صفاء:- رضوى يمكن تبان انها جامدة وقوية الا انها حساسة جداً وبتخاف على الناس اللى بتحبهم...  حاول أنك تتكلم معاها تانى بس من غير ما تعرف انى قولتلك حاجه
رامز:- خلاص ماشى
صفاء:-  بس معلش هو انا ممكن اسالك سؤال خاص شويه
رامز:- اسألى اللى انتى عايزاه
صفاء:- هو انت معك فلوس تقدر على المصاريف دى كلها
رامز:- هههههههه انتى مستهونة بيا ولا ايه... دا احنا جامدين اوى ونعجبك اوى اوى
صفاء:- بصراحة انا كنت هكلم رامى يساعد معاك و
رامز:- يقطع كلامها..... ولا اى كلمة من اللى قولتيها توصل ل رامى... هو محتاج لاى جنيه علشان يخلص شقته ولا انتى مش عايزة يخلص
صفاء:- بسرعة.... لا طبعاً عايزة يخلص
رامز:- بضحك..... شوف البت مستعجلة يا ختى
صفاء:- بخجل... الله بقا يا ابيه
رامز:- بغيظ.... ابيه فى عينك... انا مش قولت قبل كدا مش عايز اسمع الكلمة دى تانى.... دا انا هخلى رضوى تبطلها كمان
صفاء:- وهى تكتم ضحكتها..... حاضر يا ياااا ابيه وتجرى على غرفتها وهى تضحك
ويخرج رامز ورأها ولا يلحق بها ثم يستأذن من عمه ويصعد الى شقتهم.... ويجد رضوى نائمة على الاريكة بالصالة وبيداها احد الكتب .... يأخذ من يداها الكتاب ويضعه على المنضدة..... ويحملها ويتجه بها الى غرفتها..... ويضعها على السرير ويملس على شعرها ويقبل جبينها ويتثرها بغطاء خفيف نسبة الى الجو الحار.... ثم يتجه الى غرفته ليبدل ملابسه بأخرى للنوم.... وبعد ان ذهب فى النوم بعد وقت ليس بقليل استيقظ على صوت اذان الفجر... قام وتؤضئ وذهب الى الجامع للصلاة.... وبعد عودته دخل غرفة رضوى ليطمئن عليها.... واقترب منها وجدها تتصبب عرقآ بكثرة وضع يداه على رأسها فشعر بحرارتها عالية جدا.... ولم يعرف ماذا عليه ان يفعل.... وبعد وقت من التفكير تذكر ان يعمل لها كمدات ماء بارد..... فاحضر اناء بيه ماء بارد وقطعة قماش من القطن وجلس بجوارها يعمل لها كمدات.... وظل يحدث نفسه
رامز:- ايه بس يا حبيبتي اللى تعبك دلوقتى والامتحان هيبدأ بعد يومين.... لو بس تبطلى تفكير فى كل حاجه وتخليكى فى مذكرتك وماتشغليش بالك بالفلوس خالص والله يمكن ربنا كرمنى وموسعها عليا بسببك انتى.... انتى مش اختى انتى بنتى اللى مخلفتهاش...( وهو يمسح دموعه التى تتسرب على وجنتيه) انتى بس قومى بالسلامة وانا اعملك كل اللى انتى عايزاه.... عارفة انتى اما اتولتى ماما كانت عايزة تسميكى على اسم امها بس انا معجبنيش الاسم... هو اسم حلو بس انا كنت عايز اسميكى رضوى علشان كنت عايز اسامينا كلنا تبقا بحرف الراء...(وهو يبتسم على تذكر الذكريات) عارفة كمان الواد رامى كان عايز يسميكى صفاء علشان من زمان وهو بيحب صفاء بس بابا اقطنع بكلامى وقال رامز هو اللى هيسميها علشان هو اللى هيربيها وياخد باله منها.... مكنتش اعرف وقتها انه كان بيوصينى عليكى لان بعدها بحوالى شهرين كدا واتوفى... وانا كنت لسه مدخلتش الكلية.... واشتغلت وكملت دراستى ودخلت الكلية عارفة ليه.... علشان اكون قدوة ليكى انتى اكتر من رامى.... ومن وقتها وانا بعتبرك بنتى واما ماما الله يرحمها توفت... وجيت اتجوزت خوفت عليكى من اللى هتجوزها (ويسمع همس يقطع كلامه)
..... يلا اهى غارت فى داهية
رامز:- وهو يقبل جبينها.... انتى فوقتى يا حبيبتي .... عاملة ايه دلوقتي
رضوى:- اه الحمد لله احسن... انا اسفة انى تعبتك معايا
رامز:- وهو يحضنها..... بس يا هبلة انتى بنتى وكمان ان مكنتش اتعب للدكتورة رضوى هتعب لمين يعنى
رضوى:- بخجل... وهى تخرج من حضنه.... لأ دكتورة ايه بقا ما انا غيرت رأيى... وهدخل
رامز:- مقاطعآ لكلامها..... غيرتى رأيك ازاى يعنى.... لااااا مليش دعوه انا ظبت نفسى انى اكون اخو وابو الدكتورة لا مافيش الكلام ده قال غيرت رأيها قال.... لعب عيال هو ولا لعب عيال لا لا لا دا انا كان يجرارى حاجه
رضوى:- وهى تقوم وتحضنه..... بعد الشر عليك يا ابيه.... انا بس كنت
رامز:- ولا بس ولا مابسش.... انا عايز مذكرة من نار 🔥 وعايز مجموعة اعلى من نجيبة الخولى بتاعت 100 وواحد فى المية انتى فاهمة.... اه ماهى يعنى ياسمين عبد العزيز مش احسن منك فى حاجه
رضوى:- بضحك هههههههههههه هموت مش قادره هههههههههههه انت فظيع هههههههههههه يا ابيه هههههههههههه
رامز:- بغيظ مصتنع...... بت انتى انا مش عايز اسمع كلمة ابيه دى تانى بالذات قدام منار انتى فاهمة
رضوى:- وهى لسه بتضحك..... حاضر يا... طيب اقول ايه
رامز:- تقولى... تقولى يا رامز عادى يعنى ما مش عجوز يعنى
رضوى:- بس شويه شويه على ما اتعود عليها
رامز:- ماشى.... يلا قومى اتوضى وصلى الصبح على ما احضرك الفطار قبل ما انزل وعايز مذكرة من نار انتى فاهمة
رضوى:- حاضر يا حبيبي... حلو كدا
رامز:- وهو يقبل جبينها..... حلو يا حبيبتي يلا بقا علشان متاخرش على الشغل
وتذهب رضوى تتوضئ وتصلى ورامز يحضر لهم الفطار وبعد ما ينتهى من الفطار يذهب الى عمله وتتجه رضوى لغرفتها لتذكر دروسها
( تسريع للاحداث)
تمر الايام وتنتهى امتحانات رضوى ويرجع رامى من البحر الأحمر وقد اخذ أجازة اطول من كل مرة  ..... وبدأو فى تجهيزات الخطوبة وكتب الكتاب واتفقوا مع ام منار على ان تكون امام المنزل عند صفاء ووافقت على ذلك وفى هذا اليوم صار ما لا يتوقعه احد
     ______________________________________
انا كنت حابة انى اطول اكتر من كدا لكن انا تعبانة شوية ومش قادرة اسهر اكتر من كدا
اتمنى ان الحلقة تعجبكم ويارب اشوف تفاعل اكتر من كدا
اشوفكم على خير يارب الحلقة الجاية
مع تحياتى كوثر محمد