Just Me and You 💚

အပိုင်း ( ၂၆ )

Unicode Version

" ဒီ Ferris Wheel ကြီးကို
မောင်အရင်ကစီးဖူးတာသေချာပါတယ်နော် ချစ် "

Jinjiang Action Park ရဲ့ Night View က
လှပနေသလောက် Xiao Zhan မှာတော့မခံစားနိုင် ...

နည်းနည်းနောနောအမြင့်မဟုတ်သည့်
Ferris Wheel ကိုကြည့်ကာ
စီးချင်စိတ်ကပိစိညှောင့်တောင့်လေးတောင်
ပေါ်မလာ ...

( တစ်ခုခုတော့မှားနေပြီ ...
ငါ့စိတ်ထဲတကယ့်ကိုအစိမ်းသက်သက်ကြီးလိုပဲ ..
ဒီမထော်မနန်းယာဥ်ကြီးကိုငါကစီးတယ်တဲ့လား ..
ကလေးကလား ... )

" ဟုတ်ပါတယ်ဆိုမောင်ကလည်း ..
ဒါနဲ့ဆိုမောင်မေးနေတာ
၁၆၅ ခေါက်လောက်ရှိနေပြီ ... "

" အင်း ... ဟင်း ..
မောင့်စိတ်ထဲမစီးဖူးသလိုဖြစ်နေလို့ပါ ... "

Beijing ကနေပြန်ရောက်ရောက်ချင်း
Company တန်းဝင်ပြီးနားပင်မနားရသေး
Xuan Lu ကိုပေးထားသည့်ကတိကိုမဖျက်ချင်၍
Night out date ထွက်ခဲ့ရာမှ
ပန်းခြံထဲရောက်နေသည့် Xiao Zhan ရဲ့အဖြစ်

" လက်မှတ်လည်းဝယ်ထားပြီးပြီ
သွားမယ် ... လာ .. လာပါဆို .. "

သူ့လက်ကိုအတင်းကိုင်ကာ
ဆွဲခေါ်သွားသည့်မိန်းကလေးကိုကြည့်ရင်း
Xiao Zhan စိတ်ကျဥ်းကျပ်သော်လည်း
လိုက်ပါသွားရတော့သည် ...

( အင်း ချစ်ရသူကပျော်တယ်ဆိုတော့ ... )

အပေါ်စီးမှလှမ်းမြင်နေရသည့်
Shanghai Night View ကြောင့်
Xiao Zhan ငေးကြည့်နေမိသော်လည်း
စိတ်ထဲမပျော်သလိုပင်

အိမ်ပဲပြန်ချင်နေမိသည်လား ...

အိမ်ကကြောင်လေး Jian Gou ကိုပဲ
သတိရနေတာလား ...

အရင်ညတွေကလည်း
အိမ်မှာချည်းနေခဲ့ရသည်ပဲ​ကိုလေ ..

သူ့အတွက်ပျော်ရွှင်မှုအစစ်ကဘာလဲ ..

Wang Yibo နှင့်အလုပ်ကျန်လေးရှင်းလိုက် ..
ကြောင်နဲ့ဆော့လိုက် ...
စာအုပ်ဖတ်လိုက် သီချင်းနားထောင်လိုက်နှင့်
အိပ်ချိန်ရောက်ရသည်ထက်
ကိုယ်ချစ်ရသူနဲ့အတူတူရှိပြီး
ကြည်နူးစရာအချိန်လေးတွေ
ဖြတ်သန်းပြီးမှအိပ်ယာဝင်ရတာ
ပိုကောင်းသည်မဟုတ်ဘူးလား ...

၂၅ မိနစ်ကြာသည့်အချိန်ကိုပျင်းရိစွာဖြတ်သန်းပြီး
ဆင်းလာတော့တတွတ်တွတ်ပြော၍
မဆုံးနိုင်တော့သည်မှာလည်း Xiao Zhan သာ ..