Tara guys laro ulit tayo
Tumbang Preso para naman maiba
Sa pagkakataong to ako ulit yung taya.
At kayo, kayo naman ang magsisilbing mga manlalaro
Na kukuha ng kanya-kanyang mga tsinelas bilang pamato.
At habang kumukuha kayo ng pamato.
May biglang pumasok sa isip ko
Parang ikaw pala yung tsinelas nilang gagamitin bilang pamato.
At ako naman yung nagsisilbing lata sa larong ito.
Yung tipong pag binato ng tsinelas siguradong may tatamaan at mahuhulog nanaman.
Yung tipong ngingiti na lang kahit unti unti nang nasasaktan.
Napaisip ako...
Bakit sa tuwing naglalaro tayo, ako lagi yung taya na laging talo samantalang kayong dalawa ay laging panalo.
Ako yung tangang nakatitig lang sa inyong dalawa,yung tangang pang-gulo lang para sa inyong dalawa,
At higit sa lahat ako yung tangang nagpapantasya parin na magkakaroon ng salitang "TAYO" ang dating "IKAW AT AKO".
