بين الغرور والانكسار

بارت ١١

بين الغرور والانكسار
أطياف أياد

لمى:
الندم شعور كلش قاسي احس روحي شايلة صيواط وداجلد نفسي على قراري الخاطئ الى ارتكبتة بحق نفسي وحق اهلي

وشكد سيئ الندم من يكون على اشياء ما سويتها او كلمات ما كلتها لاحبابي الفرقتني عنهم الحياة

ماكلت لابوي شكد احبة اني... ماكتلة هو سندي ومصدر قوتي... مكتلة بدونك اصير ضعيفة حالي حال بيت العنكبوت اي هوا يهدني...

ماشكرتة ع تعبة الي .... مكتلة انت جنت الي ام واب وجنت اشوف بصفاتك فارس احلامي حنون وطيب ورحيم

مكلت لخالتي ام عمار انتي امي الماشفتها بيوم
ولا لعمار اني شكد افتخر بي وجنت امشي بزود لان هو بظهري

خواتي الي ما جنت قريبة عليهن بيوم ولا احتويتهن 

ندمانة لو معبرة عن مشاعري لو شاكرتهم ....

بس يا لمى "اللو زرعوا ماخضر" ميفيد ولا راح يفيد ندمج هذا

شبعت بچي  اليوم  لان اعرف هذا اخر يوم اشوف بي احد من ريحة اهلي

.....  ورا نص ساعة من تفكيري الي اكلني
دخلت ام سامر علية

ام سامر: بعد ما ساعدت سامر حت يبدل نزلت اشوف لمى گلبي محروك عليهم ثنينهم ابني الي تسرع بقرارة الجائر لو هل مظلومة الي خسرت كلشي بحياتها واليقهرني اكثر انو ابني السبب بهذا كلة
لوعة گلبة واذيتة عليها اعرف هي عقاب من رب العالمين اله

كل واحد حاركتة لوعتة ابني ع حبه وهل مسكينة ع اهلها

رفعت ايدي وعيت ..
ربي خفف عنهم المهم  وريح گلبهم

دخل للغرفة شفتها تبجي بألم  اجيت قريب عليها وخليت راسها بحظني كتلها .....
يمة
لا تظلين تفكرين بالبارحة شسويتي او شخسرتي
لان الي يروح حالة حال الشجرة من يوكع ورقها  مايرجع بس ويا بداية الربيع راح يتجدد ورق الشجرة وراح تنبت بمكانة ورق احسن من الي راح ويجوز تفرع بعد.....
  فيابنتي لازم تباوعين للاوراق الجديدة الي انطت صورة حلوة الشجرة وعوفج من الي وكع بالكاع 

الي اقصدة من حجي انو لا تفكرين بغلطج  قبل لان ميفيد التفكير بي بس فكري اشلون ترجعين اهلج وتفتحين صفحة جيدة وياهم
يابنتي يجوز هذا الي ببطنج يكون هو سبب رجعتكم مثل ما اليوم هو سبب بقائكم بالحياة 

خلي ايمانج بالله جبير وهو راح  يساعدج

البارحة  ضاع منج بيدج اليوم واذا اليوم ضاع منج بيدج بعد باجر المهم لتفقدين الامل بنيتي

حضنتني حيل وظلت تبجي..... ماسكتتها لان ادري وجعها جبير .... بلكي الدموع تداوي

ورا نص ساعة نامت لمى والدموع بعينها