بين الغرور والانكسار
أطياف اياد
رجعت للبيت ساعة ١١ ونص فتحت باب البيت ... دخلت شفت لمى بوجهي ابتسمتلها وكتلها
" من ظلام البيت مبين الكل نايمين...."
لمى: اي ناموا بس اني مكدرت ... كاعدة أنتظرك
سامر: ممممم تدرين كلمة أنتظرك نستني كل التعب العشتة اليوم... ولو اعرف تردين تعرفين شنو معنى الرسالة
لمى: شنو الي صار ترا كاعدة ع نار حت ماتعشيت
سامر: لعد عشيني يلا اكلج لان اني هم ممتعشي
لمى: عفية سامر لتلعب باعصابي ترا تلفانة
سامر: اريد اتعشة
لمى: ميخالف اسويلك بس احجي
سامر: سوي يلا احجي ....
لمى:دخلت للمطبخ وبديت اسوي عشة كليت طماطة وبيض وحميت الجاي وراها صبيت اله وكعدت مقابيلة طبعا طول ما اشتغل صافن عليه كل خطوة اسويها احسة دياخذلها صورة عبالك مو يباوع
يلا استاذ سامر هاي العشة حاضر هسه احجيلي
سامر: تعشي وياي ....
لمى: ماشتهي
سامر: نفذي طلبي ولو لمرة
لمى: ماشتهي اكل وياك ....
شفتة صفن بوجهي من شفت نظرة عينة عرفت كلمتي اذتة ....
سامر بغصة وابتسامة مصطنعة: يلا باجر تخلصين من شوفتي .... وراها بديت احجيلها عن الي صار
وشنو قرر ابوها ..
لمى: طول ما سامر يحجي اني صافنة بوجهة حسيت بوجعة ويا كل كلمة يكولها ... وبالأخص من كالي طلب ابوي الاخير
الطبيعي انو افرح برجعتي الاهلي وخلص راح اخلص من هل انسان الكاعد كدامي
بس لكيت نفسي غصب عني ابجي واني اتمعن بي وبملامحة
عرفت ليش يكولي تعشي وياي لان هاي اخر يوم اظل يمهم ولو ادري ابوي هيج طالب منه جان ولا كتلة كلام يغثة
لزمت الخبزة وكمت اكل وياه واني ساكتة ودموعي هي التحجي
اول مرة اشوف دموع سامر كدامي ...
سامر: باوعت عليها شفتها محجت شي توقعت راح تطير من الفرح من اكولها خبر رجعتها لاهلها بس شفتها كامت تبجي وصارت تاكل وياي
ابتسمت واني اعرف قصدها ادري بيها تلبي رغبتي ..
سامر: اني اعتذر عن الي سويتة بيج واتمنى الله يعوضج ويسعدج
لمى: ..........
سامر: احم يلا اكوم انام وانتي هم كومي ارتاحي
لمى: بس هزيت راسي اله شي بگلبي نقبض من كام وطلع من المطبخ .... احس بوجع
هاي شبيج لمى مو هذا الي ردتي خلص راح ترجعين لاهلج وترتاحين
أنت تقرأ
بين الغرور والانكسار
Acakمشهد تباوع عليه وعيونها جمر من القهر وخيبة الأمل ظلت تبجي وهي مصدومة من الي سمعتة كالت بصوت مخنوك من العبرة والغصة "ليش هيج معقولة تسوي بيا هيج عفت اهلي علمودك وحاربت الدنيا حت نزوج بالاخير يطلع كل هذا انتقام؟؟" واكف ومكتف ايدة وعلى شفتة انرسمت اب...
