بين الغرور والانكسار
اطياف اياد
بعد ما خلصت شغل بالصيدلية قفلتها وطلعت الطريق كلة واني افكر بكلام لمى الصبح ونظرتها الي بشمئزاز قهرني هل شي ..... رجعت للبيت ع ساعة ٨ بليل
ام سامر : هلا يمة هلا بوليدي روح ارتاح وبدل بين ما احميلك الاكل
سامر: مالي نفس يالغالية من اجوع اكلج
ام سامر: اعرف بيك مماكل اليوم كلة مبين من صفار وجهك وهسه جاي تكولي مالي نفس ... ليش هيج تسوي ابني والله ماگلني القهر عليك ومن الصبح مكدرت اخلي لكمة بحلكي دامك انت مماكل
سامر: ليش يمة ماكلتي موزين وانتي عندج أدوية اشلون تبلعيهن
ام سامر: مابلعت دوة واذا صار علية شي فمن وراك وهااااا خليها ببالك اذا متاكل انت اني ابقى هيج ع لحم بطني
سامر: خلص يمة صبيلي وامري ل الله ..... اروح ابدل واغسل واجيج
لمى: كاعدة بالاستقبال واسمع كلام خالتي ام سامر بداخلي متت ضحك عليها اشلون قابلية تكذب هيج
وهي قبل شوية ماكلة ماعون ونص تمن ومُركة وع الغدة نص دجاجة هههههههه .... كال لحم بطني كال ههههههه ....
احب سوالفها واشلون توصل للي تريدة من دون تعب
هاي قنعتة يأكل وياها بدون ما تعب روحها
مر سامر من الاستقبال باوع بوجهي... جان ارفع حاجبي وكلت بصوت ناصي بس يسمعة ... اوووووف الجو صار يخنك هنا خل اكوم للغرفة احسنلي ....
سامر بقهر : يممة بله زحمة صعديلي الاكل بغرفتي شوي تعبان اريد ارتاح مابية انزل جوة
لمى: جان ارجع اكعد وكلت اي الحمد لله الدم بعدة موجود والناس تحس ....
سمعتة زفر هوا واستغفرا الله وصعد فوك ...
*****************
لمى: ثاني يوم طلعت للمطبخ صبحت ع أم سامر ....
صباح الخير خالة
ام سامر: صباحج خير بنيتي
لمى: هاي شنو خالة محضرة الريوك جان انتظرتيني اكعد واسوي
ام سامر: ماسويت شي كعدت لكيتة حاضر ومجهز سامر مسوي الريوك متريك وطالع ...
لمى: اهااااا .... بداخلي
اي صار صاحب احساس مرهف ويطلع من وكت
يله الحمد لله مريحني من شوفتة
ام سامر: اكول يمة
لمى: كولي خالة
ام سامر بارتباك: يعني هسه أنتي حامل... اكول مو لازم ترجعين لسامر وتفتحون صفحة جديدة هاي ربج رزقكم بطفل لا تشتتوا بينكم ... وبصراحة سامر طلب مني هل شي
أنت تقرأ
بين الغرور والانكسار
Randomمشهد تباوع عليه وعيونها جمر من القهر وخيبة الأمل ظلت تبجي وهي مصدومة من الي سمعتة كالت بصوت مخنوك من العبرة والغصة "ليش هيج معقولة تسوي بيا هيج عفت اهلي علمودك وحاربت الدنيا حت نزوج بالاخير يطلع كل هذا انتقام؟؟" واكف ومكتف ايدة وعلى شفتة انرسمت اب...
