بين الغرور والانكسار

البارت الثالث

اخذت الرقم الي كتبة سامر وباوعت عليه انتبهت كاتب بصف الرقم " هذا رقمي" كلبي كام يدك حطيت ايدي ع گلبي اريد اهدي التوتر
لزمت الموبايل وكتبت الرقم وراسلتة من دون تردد ماعرف حسيت بروحي احتاج أحاجي شخص من الماضي بلكي ارجع مثل قبل، بس كتبت هلو رد بسرعة
سامر: هلو لمى اشلونج؟
لمى: هلو بيك الحمدلله ههههه شمدريك اني لمى.
سامر: گلبي گلي انتي لمى وجنت منتظر تراسليني.
لمى: ههههه هاي شنو ليش هيج واثق اني راح اراسلك.
سامر: ههههه گلبي كلي.
لمى: مممم هم گلبك ههههه الله يحفظة الك، انت كتلي رقم الشركة وشو كاتب رقمك الشخصي.
سامر: بصراحة ردت احاجيج بس مكدرت اكولج هذا رقمي كبال اهلج حت لا احرجج واحرج نفسي خاف هم انرفض فضطريت ادخلج من باب الشركة واذا تحتاجين شي، وع فكرة اني مسويت هيج اله لان حسيتج محتاجة أحد جنبج بصراحة شفت بعينج حزن مثل الغركان ومحتاج شخص ينقذة فردت احاجيج واطمن عليج ونفس الوقت اريد اعرف شنو الي خلة لمى هيج تحزن لان لمى الاعرفها قوية ومستحيل شي يهزها أو يقهرها، اسف اذا احرجتج بس صدكيني ردت اطمن عليج.
لمى: والله سامر اني مريت بهواي ظروف بعد التخرج وتغيرت مو مثل لمى القديمة بعد التخرج بثلاث اشهر ابوي اخذلي سيارة واني راجعة من الشغل دعمت مرآة وماتت والقهرني أكثر انو هي حامل اني كل يوم اموت الف موتة من تأنيب الضمير مداكدر استوعب الي صار ولا اكدر ارجع مثل قبل صار شهر ع الحادث بس مداكدر انسى.
سامر: الله يساعدج ويصبر اهل الي فقدوهم، المهم لمى اي وقت تردين تحجين وتفضفصين اني موجود اسمعلج .
لمى: كلش ارتاحيت بحجي وياك احس فرغت عن الي بداخلي، بس ماريد اثكل عليك باحزاني واشغلك بيا وانت عندك شغل ومسؤوليات هواي.
سامر: لا يمعودة اي ثكل بالعكس اني افرح بكلامي وياج.
لمى: من كالي هيج حسيت گلبي طار من الفرح رغم كلامة البسيط بس كلش أثر بيا،
تسلم سامر متقصر يلا هسه اني اروح تأخر الوقت وشكرا لان سمعتني.
سامر: عفوا اخذي راحتج وردة.
لمى: تصبح على خير.
سامر: تلاكين الخير.
حطيت الموبايل ع الكوميدي بصف السرير ومددت واني صافنة ع روحي وفرحتي بكلامي ويا سامر حسيت ضميري بدة يرتاح عن الي سويتة بي قبل، وتذكرت "خربببببب نسيت اعتذرلة عن الي صار قبل لازم اعتذرلة واخلي يفهم انو اني تغيرت مو مثل لمى الي يعرفها"،
خليت راسي ع المخدة وهذا جان اخر شي فكرت بي قبل لا انام . كعدت الصبح كلش مرتاحة ونشيطة بحيث كعدت قبل الكل وسويتلهم ريوك وشغلت فيروز كعدو اهلي واجة ابوي للمطبخ شافني هيج نشطة ومبتسمة اجة باسني من راسي وكالي
ياسر: اي يابنيتي ربي يديم هل وجه البسوم ويبعد عنج الحزن.
اجوي خواتي وخالتي وأخوي والتمينا كلنا نتريك، بعدها لميت السفرة وبديت اغسل الصحون سمعت صوت الموبايل يعلن عن وصول رسالة نشفت ايدي ورحت فتحت الموبايل لكيت مسج من سامر كاتب "صباح الخير لمى" كبل رديت عليه "صباح الخير سامر" بعدها استمرينا نتراسل خلال اليوم وبليل كمنا نحجي اتصال بحيث تعلمت عليه وكمت ماعرف انام اذا ما اسمع صوتة شفت تصرفاتة تصرفات محب وحت اسمي يدلعة "لولو" ظلينا ع هل حال شهر تعلقت بي كلش وكمت احبة واحب كلامة وكلشي بي وتندمت لان رفضتة بيوم من الايام، حبيتة إلى درجة انو اني الي اعترفتلة بحبي هل مرة قبل ما هو يكولي، جان يحجي وياي بالاتصال وفجأة اجة ببالي اكولة احبك بحيث من كلتها نصدم هو عبالة سمع غلط لان جنة نحجي عن الشغل مالتة يعني شي بعيد عن كلام الحب فكالي سامر: عفوا شكلتي مسمعت.
لمى: احبك سامر واعشقك واتمنى تقبل بيا زوجة الك.
ضحك سامر وكال
سامر: ممممممم احرجتيني حقيقتنا انطيني وقت اسال ماما واردلج خبر اذا موافقة تخطبوني وضحك
لمى: بنفسي شكد خجلت وخدودي من الحرارة طكت كلت عزززة هاي شسويت صخاممم خطبتة الي لااااا تخبلت، بحيث سديت الاتصال كبل وفصلتة من النت قفلتة اصلا كامل ودفنت وجهي بالمخدة اريد استوعب الي سويتة بذيج الليلة وجه الفجر صليت يلا نمت كعدت ثاني يوم مثل الي جانت تحلم وكلساع اكول يارب حلم واكعد منه عزززة اشلون راح أحاجي بعد
كمت تريكت وكعدت ويا اهلي حت شوي آنسة الموقف المحرج الخليت نفسي بي... للمغرب ما فتحت موبايلي وراها جوي بيت عمي يمنا عمي وزوجتة وابن عمي الغثيث الي لازك بيا من جنة بعمر المراهقة والقاهرني أكثر انو ابوي مقتنع بي ويريدني آخذة يكول هو الي يصون بنتي، جنت بالمطبخ واكفة اصب جاي جان ماحس اله ايد نمدت ع خصري فزيت افتريت واشوف ابن عمي
ثائر: حسي بيا جاي حت اشوفج وانتي تنهزمين من مكان لمكان.
دفعت ايدة من خصري ورفعت اصبعي بوجهة
لمى: دير بالك تمد ايدك علية مرة ثانية اقسم بالله اكلب الدنيا عليك اني ساكتة لخاطر عمي وماريد اسوي مشاكل بين الإخوان واله جان عرفت شصرف وياك.
باوع عليا وابتسم بحقارة وكال انتي الي ومتصيرين لغيري خليها ترجية باذنج يا ح ب ي ب ت ي ضغط ع كل حرف من كال هل كلمة وطلع من المطبخ
لمى: دخيل الله شكد مكروه يا اخي متحس فارض روحك ع وحدة متحبك بس الصوج مو منك من ابوي المنطي وجه لهل حقير.
وراها راحو بيت عمي وصعدت اني حت انام مددت ولزمت الموبايل بيدي شفتة بعدة مغلق ظليت مترددة افتحة او لا اخر شي فتحتة شفت رسائل كومة من سامر
سامر: وينج لمى، لتستحين، لمى اني هم احبج، انتي حب سنين مكدرت اطلعة من كلبي، لما راح اجيب امي واخطبج كافي السنين الي راحت واحنة مو اطفال
واني داقرا الرسائل كتبلي
سامر: اليوم مراح اتصل لان باجر تسمعيني بالواقع باجر اجيب اهلي واجي بلغي اهلج.... احبج لولو وحاط سمايل بوسة ضحكت ع السمايل كلت هذا من هسه ميصبر.
ثاني يوم نزلت من الصبح وحاجيت مرت ابوي كالتلي أن شاءالله بنتي هسه اكول لابوج وهلة بيهم واذا اكو قسمة الله يتممها ع خير.
حضرنا البيت ونظفنا اني وخواتي الي جانن طايرات من الفرح علمودي عبالك هن جايهن خطابة مو اني
للعصر ندك الباب ودخلو امة وهو سلموا وأبوي اخذ سامر للاستقبال وخالتي وام سامر بالهول
ورا عشر دقائق جتي خالتي كالت كومي جيبي الشربت ودخلي ع المرأة عيب تسال عليج، جنت لابسة فستان ابيض وبي ورد احمر جبير، فصالة مخصر ع الجسم واردانة ثلث ارباع ومن فوك كصتة مربعة الدلعة وشعري رفعتة ليفوك مثل ما هو يحب وخليت مكياج خفيف
دخلت ع المرأة سلمت وقدمت الشربت هي من شافتني صلت ع النبي وكالت ربي يتمم على خير بس صوتها جان بي نبرة حزن ماعرف ليش ماردي اني اتهيئلي المهم ورا نص ساعة طلعو . بعد ما طلعو ابوي صاحني للهول وجان اخوي هم كاعد كالي بنتي اني من كلامي ويا الولد عرفت انو حالتهم المادية مو كلش زينة وهو ماعندة عمام يعني مكطوع من شجرة وحت جاي يمشي هو وامة بس واني بصراحة رفضتة وكتلة مانطي وهذا قرار نهائي،
لمى: بس بابا
قاطعني وكالي
ياسر: اني ممقتنع بهذا الولد وماغير راي وحسبي حسابج غير ثائر متزوجين لان اني ذاك اليوم اتفقت ويا اخوي ع خطوبتكم الاسبوع الجاي
كمت ابجي كلتلة ليش بابا شو ماخذت راي شنو مالي كلمة كال اني اعرف بمصلحتج واعرف ابن اخوي هو الجدير يكون زوج الج ويصونج وأخوي هم ايد كلام ابوي تخبلت كمت وكفت وبصوت عالي كتلة اموت روحي وماخذة وكف ابوي وعيونة نار ضربني راشدي هاي اول مرة بحياتي يضربني ابوي وكال
ياسر: ادبسزز ترفعين صوتج واصبعج بوجهي بس الغلط مني دللتج وخربت تربيتج خليها ببالج الاسبوع الجاي تزوجين ثائر حت مو خطوبة لااا زواجججج وضغط ع الكلمة فهمتي زواج عفتة وصعدت لغرفتي كمت ابجي بقهر ماعرف شسوي ابوي رفض سامر ولنفس السبب الي رفضتة عليه قبل يعني نفس الوجع حصلة مرة ثانية لزمت الموبايل وعيوني من الدموع ماشوف شي دكيت ع سامر رد كبل
سامر: هلو بلولو حبيبتي
لمى: كتلة اسفة واني اشهك من البجي
سامر: لتبجين گلبي دموعج تموتني راح احاول مرة وثنين وثلاث إلى أن يوافق عليه
لمى: سامر ابوي راح يزوجني لابن عمي الاسبوع الجاي
سامر: مستحيل ماخليج تزوجي باجر هم راح ارجع أحاجي لابوج وعكبة والبعدة اله اخذج وصدك ثاني يوم حاجة ابوي وثالث يوم هم بحيث اجة ابوي للبيت متخبل ويعيط كال لو آخر رجال بالدنيا ما انطي ابد مانطي
نهاريت وماعرف شسوي كل الطرق مسدودة بوجهي حاجيت سامر من بين الكلام كال
سامر: لمى حبيبتي اعرف الي راح اطلبة منج كلش صعب بس صدكيني مالكيت غير حل لمى خل ننهزم ونزوج ونخلي أمام الأمر الواقع وبعدين هو راح يسامحج صدكيني ماكو غير هل حل
لمى: لا عفية سامر صعبة اله ميكون اكو غير حل
سامر: ياهو الاصعب تنهزمين نزوج لو تزوجين ابن عمج
لمى: سامر اني احبك ماكدر بدونك مستحيل اكدر ازوج غيرك بس الي دتطلبة كلش صعب معناها راح تخسر عائلتي واكسر ظهر ابوي الي رباني وانزل راسة!!
سامر: كولي موافقة وخلي كلشي علية وصدكيني ورا ميتم زواجنا راح ارجع العلاقات وبعدين ابوج يحبج يعني مستحيل يبقى زعلان ويبعدج عن حياتة انتي بس اثقي بيا وكلشي راح يصير مثل منريد
لمىى: اني واثقة منك سامر

وافقت انو ننهزم وازوجة وفعلا ثاني يوم بليل لميت غراضي الاحتاجها بجنطة صغيرة ومستمسكاتي وطلعت اتسحب من البيت ساعة ٣ بليل جان سامر ينتظرني شوي غاد من بيتنا ركبت ويا سامر وتوجهنا للسيد مرت اربع ساعات علما طلع الصبح

بالي جان يفكر بابوي وتعبة وتربيتة فكرت بسمعتة الي راح تروح بسببي تندمت بس ميفيد الندم ماكدر ارجع لان هسه اكيد عرفو بيا مو بالبيت باوعت لسامر وكتلة سامر لا تكسرني اني بعت الدنيا علمودك اوكف وياي لزم ايدي وهاي اول مرة يلزم ايدي وكال انتي روحي صدكيني مراح تندمين ع هل قرار. وصلنا يم السيد وكطعنا مهر سيد كام باسني من راسي وكال مبروك زوجتي الغالية أخذني من ايدي وركبنا بالسيارة وتوجهنا لبيتهم لمستقبلي الجديد المجهول،.....
وصلنا لبيتهم ونزلت دخلنا للبيت وأمة جانت كاعدة بالهول اول ما شافتة كامت تبجي وكالتلة "يعني سويت الي برأسك وتزوجتها ربي يهديك يا ابني ويحنن گلبك عليها هاي صارت زوجتك بعد" استغربت كلامها بالاخص جملة الله يحنن گلبك عليها ظلت تردد بعقلي، اجتي باستني وباركتلي بس حسيت مباركتها غريبة عبالك ما رايدة زواجنا وراها أخذني لفوك وصعدنا لغرفتنة

من دخلتها لزمتني رجفة وتوتر عجيب اباوع ع سامر عبالك اول مرة اشوفة من خجلي من عندة ومن الي راح يصير بيناتنا اجة سامر قرب راسة يم اذني كلش وكالي مبروك حبيبتي قريب مني إلى درجة حسيت بحرارة انفاسة كتلة الله يبارك بيك.... عشت لحظات حلوة وياه ، وصرت مرت ياسر وملكني
بعد ما خلصنا شفت ياسر سحب روحة مني بحركة نفور تعجبت من رد فعلة وكالي راح اكوم اغسل جسمي لان توصخت ماكدر اوصفلكم الاحساس الي حسيتة صعدني للسمة وراها نزلني لسابع ارض بوقتها صخنت من الصدمة والخجل والخوف من مساوء الي سويتة كام ولبس ملابسة ووجهة بي نظرة كره عجيبة وراح طلع من الغرفة....